Provinsi Mekkah
![](http://upload.wikimedia.org/wikipedia/commons/thumb/c/cb/Masjidul-HaramAerialView_%28cropped%29.jpg/220px-Masjidul-HaramAerialView_%28cropped%29.jpg)
![](http://upload.wikimedia.org/wikipedia/commons/thumb/f/f5/ISS-42_Taif%2C_Mecca_and_Jeddah_at_night.jpg/220px-ISS-42_Taif%2C_Mecca_and_Jeddah_at_night.jpg)
![](http://upload.wikimedia.org/wikipedia/commons/thumb/4/4d/Bab_makkah.jpg/220px-Bab_makkah.jpg)
Mekah utawi Makkah al Mukarramah (Basa Arab : مكة المكرمة) utawi saged dipunsingkat Makkah kemawon, punika salah satunggaling provinsi wonten ing Arab Saudi kang punjeripun wonten ing Kitha Mekah. Kitha punika dados tujuan utama kaum muslimin kanggé njangkepi saha nindakaken ibadah haji, wonten ing kitha punika wonten satunggal yasan utama ingkang kaaran Masjidil Haram kanthi Ka'bah ingkang wonten ing salebetipun. Yasan Ka'bah punika dipundadosaken patokan arah kéblat kanggé ngibadah salat umat Islam wonten ing donya.[1] Kutha punika minangka kutha ingkang suci kanggé umat Islam kaliyan papan miyosipun Kanjeng Nabi Muhammad [2]
Géografi
[besut | besut sumber]Kutha Mekah manggènipun kinten-kinten 600 km sisih kidulipun madinah kirang langkung 200 km sisih wétanipun kutha Jeddah.[2]
Padang Arafah
[besut | besut sumber]Padang Arafah inggih punika papan pepanggihanipun antawisipun Kanjeng Nabi Adam as kaliyan Siti Hawa. Wonten ing papan punika, Kanjeng Nabi Ibrahim as dipunajari dening malaékat Jibril babagan manasik kaji. Saged kawastanan Padang Arafah amargi wonten ing papan punika manungsa ngakeni sadaya kalepatanipun, wonten ing basa arab "ya'tarifun" ingkang ngemu teges dosa kaliyan sadaya kalepatan.