Persèn

Persèn utawa Persèntase iku cara kanggo nyatakaké fraksi saka satus. Persèntase kerep dituduhaké kanthi simbul "%". Persèntase uga dipigunakaké sanadyan dudu unsur atusan. Angka iku banjur diskala supaya bisa dibandhingaké karo satus. Contoné, 4 dosèn lagi ngawasi ujian ing kampus, 3 saka para dosèn mau ora nganggo kacamata, lan 1 nganggo kacamata. Persèntase dosèn ora nganggo kacamata ya iku 3 saka 4 = 3/4 = 75/100 = 75%, sauntara iku dosèn nganggo kacamata ana 1 saka 4 = 1/4 = 25/100.

Panggunaan

Persèntase migunani banget amarga wong bisa mbandhingaké bab sing ora padha angkané. Minangka conto, biji (aji) ujian kerep migunakaké persèntase, saéngga wong bisa mbandhingaké biji mau sanadyan gunggung pitakonané béda.