Kushikatsu
![](http://upload.wikimedia.org/wikipedia/commons/thumb/7/70/Miso_katsu_by_OiMax.jpg/220px-Miso_katsu_by_OiMax.jpg)
Kushikatsu (串カツ?) punika dhaharan ingkang asalipun saking wewengkon Kansai wonten ing Jepang wujud tugelan alit-alit dhaharan sagara, daging lan sayuran ingkang dipuntusuk kaliyan tusukan bumbu[1][2] ingkang dipuncelupaken dhateng adonan tepung terigu lajeng dipunlapisi kaliyan tepung panir saderengipun dipungoreng wonten ing lenga ingkang kathah. Dhaharan ingkang dipunsebat kushikatsu punika amargi kalebet katsu (nggoreng daging kanthi ngginakaken tepung panir) ingkang dipuntusuk wonten ing kushi (tusukan bambu).
Wonten ing wewengkon Kanto, kushikatsu punika kondhang kaliyan nama Kushiage wujud tugelan daging babi ingkang agengipun kirang langkung 3–4 cm, ingkang dipuntusuk selang seling kaliyan bawang bombay utawi godhong bawang lajeng dipungoreng saksampunipun dipunlapisi kaliyan tepung panir. Kushikatsu punika miturut cariyosipun dipundamel wonten ing kawasan Shinsekai[3], distrik Naniwa-ku, Osaka.
Ciri khas
[besut | besut sumber]Kushikatsu punika kalebet bageyan saking budaya dhahar sinambi jumeneng ingkang limrahipun dipunrahapi minangka jajanan nalika ngunjuk bir wonten ing kios utawi warung alit ingkang boten nyawisaken kursi. irisan kol ugi asring dipuntambahaken kanthi gratis dhumateng tiyang ingkang dhahar kushikatsu.
Setunggal tusuk kushikatsu dipuncelup dhateng wadhah ageng ingkang sampun dipunisi kaliyan saus uster saderengipun dipundhahar. Wadhah mawi isi saus uster punika gadhah ancas supados saged dipunginakaken sesarengan kaliyan tiyang sanesipun, satemah tiyang ingkang badhe dhahar kushikatsu punika namung kepareng nyelupaken setunggal tusuk kushikatsu sapisan kémawon. Tiyang punika boten kenging nyelupaken kushikatsu malih wonten ing wadhah saus menawi sampun dipundhahar sekedhik. Wonten ing papan sadean kushikatsi limrahipun dipunpasang seratan ingkang isinipun: "boten kenging nyelupaken kaping 2 wonten ing salebeting saus."
Variasi kushikatsu
[besut | besut sumber]Tiyang ingkang nyade kushikatsu punika menawi badhe nambah citra kushikatsu saking dhaharan ingkang ingkang murah dados dhaharan ingkang awis kanthi cara madegaken restoran ingkang khusus kushikatsu. Kushikatsu punika dipuncawisaken kados déné masakan Eropa kanthi cara nyawisaken kushikatsu setunggal tusuk setunggal tusuk miturut urutan ingkang sampun dipuntemtokaken. Ingkang nyade punika ugi wonten ingkang ngginakaken saus tartar lan sanès saus uster kanggé dhahar kushikatsu.
Maneka warni kushikatsu
[besut | besut sumber]- Daging sapi ingkang dipuntugel persegi
- Bagian jaja/ dada ayam
- Sosis
- Tugelan ulam salmon
- Tugelan ulam ingkang gadhah daging warni putih
- Tugelan ulam kembung
- Potongan ulam selar
- Urang
- Kerang
- Tiram
- Tugelan Cumi-cumi
- Chikuwa
- Hampen
- lombok ijo
- Jamur Shiitake
- Onion ring
- Ron bawang
- Terong
- Kentang
- Ubi jalar
- Paprika
- Labu parang
- Brokoli
- Asparagus ijo
- Paprika isi daging
- Asparagus bungkus bacon
- Gyoza
- Somai
- Lumpia
- Bola daging ayam cincang
- Telur puyuh
Rujukan
[besut | besut sumber]- ↑ Rowthorn, C. (2007). Japan. Country Guides. Lonely Planet. kc. 95. ISBN 978-1-74104-667-0.
- ↑ Suzuki, R. (2005). Cocina Japonesa. Secretos de la cocina. Origo Chile. kc. Pt-79. ISBN 978-956-8077-28-0.
- ↑ "Kushikatsu". Gurunavi, Inc. Dibukak ing 30 March 2015.
Pranala Njawi
[besut | besut sumber]- (ing basa Inggris) Resep kushikatsu