Kaisar Zhengtong
Kaisar Zhengtong (Hanzi: 正统, 1427-1464) ya iku kaisar ka-6 saka Dinasti Ming kang kakuwasaan nalika taun 1435 nganti tekan 1449 banjur nguwasani manèh nalika taun 1457 nganti tekan dhèwèké mati ya iku nalika taun 1464, uga dikenal kanthi jeneng Kaisar Tianshun (天顺), jeneng kang dianggo nalika sawisé restorasine.[1] Dhèwèké lair karo jeneng Zhu Qizhen (朱祁镇) dadi anak pertama saka Kaisar Xuande lan Permaisuri Sun.[1] Zhu Qizhen dadi kaisar sawisé Xuande séda nalika taun 1435 lan rezime dijenengi Zhengtong.[1] Nalika jaman semana dhèwèké umuré nembé baé 8 taun[1]. Perkara iku ndadèkake kaisar Ming pisanan kang munggah tahta nalika isih bocah.[1] Saka bimbingane para pejabat kang pengalamane wis akèh saka rezim bapake, kestabilan warisan rezim sadurungé bisa dipertahanake.[2] Nanging sawisé ibune lan sapérangan pejabat tuwa séda, dhèwèké wiwit gumantung marang kasime, Wang Zhen.[2] Pungkasan iki Wang dipromosikake kanggo dadi pananggung jawab urusan seremonial, posisi kang disalahgunakake déning dhèwèké nalika njabat.[2] Wang mèlu cawe-cawe ana ing korupsi lan nyingkirake para pejabat jujur kang ndadèkaké situasi ana ing nagara wiwit kaco, kajayaan kang wis ana ing sadurungé wiwit ilang lan mrosot nalika ana ing papréntahan Zhengtong.[2]
Cathetan suku
[besut | besut sumber]- ↑ a b c d e www.kaskus.us[pranala mati permanèn]
- ↑ a b c d www.tionghoa.com
| Artikel iki minangka artikel rintisan. Kowé bisa ngéwangi Wikipédia ngembangaké. |