Julius Darmaatmadja
Kardinal Mgr. Julius Riyadi Darmaatmadja, S.J. (lair ing Muntilan, Magelang, Jawa Tengah, 20 Dhésèmber 1934; umur 89 taun).[1] Julius Darmaatmadja iku salah sijiné kardinal Gréja Katulik Roma kang asalé saka Indonésia wiwit taun 1994.[2] Julius Darmaatmadja njabat dadi Biskop Agung Jakarta wiwit tanggal 11 Januari 1996 nganti 28 Juni 2010.[2]
Nalika dadi kardinal, Julius Darmaatmadja uga mèlu ing pamilihan Paus kang anyar nalika taun 2005.[2] Nalika iku, paus kang kepilih ya iku Paus Benediktus XVI.[2]
Julius Darmaatmadja lair saka bapak kang jenengé Joachim Djasman Darmaatmadja lan ibuné jenengé Maria Siti Sarpinah.[2] Julius Darmatmadja lair saka kulawarga kang prasaja.[2]
Darmaatmadja lumebu Seminari Menengah Yogyakarta lan Seminari Mertoyudan.[2] Kajaba iku, Julius Darmaatmadja uga lumebu Novisiat Serikat Yesus Girisonta nalika taun 1957.[2] Julius ditahbisaké dadi imam nalika tanggal 18 Dhésèmber 1969 déning Justinus Darmojuwono lan duwé tugas ing Yogyakarta.[2] Sawisé iku, nalika taun 1978-1981 Julius Darmaatmadja njabat dadi Rèktor Seminari Menengah Mertoyudan.[2] Julius Darmaatmadja ditahbisaké dadi Biskop Agung Semarang uga ditahbisaké déning Kardinal Justinus Darmoyuwono nalika tanggal 29 Juni 1983.[2] Nalika 28 April 1984 Julius Darmaatmaja diangkat karo Vatikan Roma dadi Biskop kanggoné ABRI nggantèkaké Kardinal Justinus Darmojuwono Pr.[2] Darmaatmadja mundur saka jabatané dadi Biskop ABRI nalika 2 Januari 2006 lan digentèni karo Biskop Semarang kang jenengé Ignatius Suharyo Hardjoatmodjo.[2]
Cathetan sikil
[besut | besut sumber]
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |