Gulé

Gulé
	Gulé babat
Ajangan	Panganan utama
Panggonan asal	Indonésia
Hawa ajangan	Panas utawa biyasa
Woworan pokok	Campuran bumbu rempah (kunir, ketumbar, mrica, laos, jahe, lombok abang, brambang, bawang, adas, pala, seré, kayu legi, lan jinten sing dialuské, dicampur, banjur dimasak nganggo santen) kanthi maneka daging, jeroan, iwak, utawa janganan
	Buku masakan: Gulé Médhia: Gulé

Aksara Latin

ꦗꦮ

Gulé iku olahan kang digawé saka daging pitik, iwak, wedhus, sapi, jeroan, utawa janganan kaya nangka enom lan godhong pohung, kang wis diolah ing bumbu rempah sing rasané gurih. Mliginé gulé nganggo bumbu kang saka manéka rempah, antarané: kunir, ketumbar, mrica, laos, jahe, lombok abang, brambang, bawang, adas, pala, seré, kayu legi, lan jinten sing dialuské lan dicampur. Banjur dimasak kanthi dicampur santen.^[1] Olahan iki wernané kuning amarga saka kunir. Olahan iki dianggep minangka wujud liya saka karé, lan kanthi internasional asring diarani karé saka Indonésia,^[2] senadyan ing Indonésia uga ana karé dhéwé.

Variasi ing saben panggon

Gulé iku salah siji saka jinis olahan kang nyebar ing Nusantara, mliginé ing Sumatra, Ujung Malaya, lan Jawa. Olahan iki asalé saka Sumatra minangka pangribawa kagunan masak saka India sing nganggo manéka bumbu lan rempah. Gulé iku salah siji bumbu masakan dhasar kang misuwur ing olahan Minangkabo. Duduh gulé kang wernané kuning dadi bumbu lan menehi rasa ing sawenèh olahan ing omah mangan Padang. Duduh utawa bumbu gulé iku duwé sesambungan kang raket marang olahan Minangkabo, Malayu, lan Aceh, nanging ing Jawa, duduh gulé luwih èncèr kaya ta sop kang diladi panas-panas sing isiné daging utawa jeroan wedhus.

Gulé lumrahé diladi karo sega panas, nanging sawenèh gulé, kaya gulé wedhus diladi karo roti canai.

Ing ngisor nuduhaké variasi mitrut bahané:

Pitik

Gulé pitik
Gulé ati ampela
Gulé endhog

Daging

Gulé wedhus^[3]
Gulé sapi

Jeroan

Gulé ati
Gulé limpa
Gulé gajih
Gulé usus
Gulé babat
Gulé kikil
Gulé utek
Gulé sungsum

Iwak lan kéwan sagara

Gulé iwak mas
Gulé kakap
Gulé endhas kakap
Gulé endhog iwak
Gulé cumi

Janganan

Gulé gori
Gulé kacang dawa
Gulé daun pohung
Gulé daun pakis
Gulé jariang atau gulé jengkol

Rujukan

↑ "Resep Gulai Ayam". Diarsip saka sing asli ing 2016-06-21. Dibukak ing 2018-03-12.
↑ "Gramedia International". Diarsip saka sing asli ing 2012-04-25. Dibukak ing 2018-03-12.
↑ Kompas.com Gulai Kambing

Resep gulai daging sapi^{[pranala mati permanèn]}

[1] "Resep Gulai Ayam". Diarsip saka sing asli ing 2016-06-21. Dibukak ing 2018-03-12.

[2] "Gramedia International". Diarsip saka sing asli ing 2012-04-25. Dibukak ing 2018-03-12.

[3] Kompas.com Gulai Kambing

[1]

[2]

[3]