Fotografi makro
![](http://upload.wikimedia.org/wikipedia/commons/thumb/1/1f/Soda_bubbles_macro.jpg/150px-Soda_bubbles_macro.jpg)
Fotografi makro yakuei ngèlmu fotografi kang gambaré dijupuk cedhak supaya bisa meruhi detail kang rumit nanging ora merlukaké bantuwan saka piranti pembesar optik kaya ta mikroskop. Fotografi makro racaké duwé rasio 1:1 ya iku gdhené gambar kang dikasilaké padha gedhené karo benda asliné. Kayadene, ning filem 35 mm, lensa kudu bisa fokus maring area kang cilik banget 24×36 mm, ukuran gambar ning filem.
-
Optical scheme of close-up macrophotography.
-
Reversed lens macrophotography optical scheme.
-
Optical scheme of macrophotography using reversed-lens and telephoto lens.
-
Optical scheme of macrophotography using extension tube.
Kanggo fotografi makro, lensa makro iku paling trep. Lensa tipe iki racaké duwé perbesaran 1:1 malah bisa luwih. Nanging eman, lensa makro identik karo rega sing larang. Mula iku, ana alternatif liyané ing bisa dinggo kaya ta nganggo extension tube, reverse ring utawa filter close up. Ngisor iki carané supaya olih gambar makro kang biayané murah.
Kaping pisan ya iku nganggo Filter close up. Filter close up ya iku filter kang diterapaké ning ngarepé lensa (kaya ta filter biyasa) kang gunané kaya kaca pembesar kang gunané njupuk pembesaran fokus kang dikarepaké. Kanthi cara iki meski ora duwé lensa makro, nganggo lensa kit biyasa uga wis bisa minangka njupuk gambar makro.
Cara pindho ya iku migunakaké reverse ring. Sejatiné cara kerja reverse ring iki padha kaya mbalik lensa supaya bisa minangka foto makro. Reverse ring namung piranti bantu kang gunané kanggo ngrangkepaké badan kodhak karo lensa kang mbalik.
Kaping teluné bisa nganggo makro extention tube. Extention tube iki wujudé kaya pipa kang dipasang ning watara awak kodhak lan lensa. Tujuwané ya iku upaya bisa njupuk gambar kanthi jarak fokus kang luwih cedhak supaya bisa fokus anggoné njupuk gambar kang clik.
Migunakaké Aperture Sempit
Lumrahé gambar makro dijupuk cedhak-cedhak. Bakalan gambar kang dikasilaké iku duwé ruang tajam (DoF) kang sempit banget. Amarga iku, digunakaké aperture sempit (f/8 mendhuwur) supaya njembaraké ruang tajam kang dijupuk.
Aja migunakaké ISO kang dhuwur
Manawa piranti kang digunakaké ora bisa njupuk gambar perbesaran kang apik, lan isih ana niyat kanggo njupuk gambar makro kanthicara cropping, aja migunakaké ISO kang dhuwur banget. ISO kang kedhuwuren bisa nggawé grain ning gambar kang dikasilaké, apamaneh nalika gambar dicropping. Grain uga malah gawé gambar bureng.
Kodhak aja nganti shake/goyang
DoF kang sempit ning foto makro nggawé susah kanggo fokus ning objek. Guncangan kang sithik baé bisa gawé fokus meleset. Kanggo ngatasi ini, pastikaké kodhak aja nganti shake nalika njupuk gambar. Bisa ngunakaké tripod, bisa uga migunakaké speed kang dhuwur nganti sadhuwuré 1/125. Iki bisa ngantisipasi obahan gegremet.
Migunakaké manual fokus
Supaya olih perbesaran maksimal, gunakaké manual fokus. Carané, setting lensa mring manual fokus, lan migunakaké titik fokus palig cedhak. Golek fokus kang tepat kanthi cara maju-munduraké lensa ning ngarepé objek nganti olih fokus kang pas.