Charmander
![](http://upload.wikimedia.org/wikipedia/jv/f/f2/Charmander.jpg)
Charmander (ヒトカゲ Hitokage?) inggih punika salah satunggaling nama spésies karakter fiksi saking serial Pokémon. Charmander dados salh satunggaling starter Pokémon ing wewengkon Kanto kaliyan Bulbasaur lan Squirtle.[1]
Profil
[besut | besut sumber]Charmander (nomer 004 ing national Pokedex, 229 ing Johto, 206 ing Hoenn), ingkang basisipun nama saking salamander mistis ing jaman kuna ingkang tahan nalika dipunobong kanthi latu inggih punika sawijining spésies Pokémon jinis reptile, ingkang minangka gabungan saking salamander lan sakedhik éwahan dinosaurus. Charmander limrahipun dumunung ing gunung aktif, nanging boten gampil kapanggihaken. Sipatipun taksih jinak, gampil punatur kabandhingaken kaliyan evolusinipun. Charmander gadhah ciri khas, inggih punika geni ingkang murub ing pérangan buntutipun, ingkang sampun pikantuk wiwit lair. Dipunpitadosi manawi geni punika sirep, Pokémon jinis Charmander punika mati, éwadéné dèrèng naté wonten ing cariyos ing serial TV, manga, utawi dolanan video ingkang ngandharaken bab punika kanthi saèstu.[2]
Amargi saged nyemburaken geni, kadang kala fans Pokémon ugi nyebut Charmander minangka Pokémon jinis naga. Kaliyan Magmar, Charmander inggih minangka jinis ingkang gadhah geni ing buntutipun. Charmander saged evolusi dados Charmeleon nalika level 16 lan evolusi malih dados Charizard nalika level 36.
Kemampuan
[besut | besut sumber]Charmander saged nyemburaken geni, ingkang salajengipun dados ciri penjelas bilih Charmander inggih punika Pokémon jinis geni. Nanging kampuan punika gegayutan kaliyan kasarasan la kekiyatan Charmander, saèngga manawi kumalangkung anggènipun nyemburaken geni, energinipun badhé samsaya kirang. Sesarengan kaliyan wakdal lan wujud evolusi, Charmander saged mangerto lan nyinaoni manéka rupa tipe teknik serangan geni kados Flamethrower lan Fire Blast. Charmander ugi saged sinau teknik ingkang tipe naga kados Dragon Rage lan Outrage ingkang namung pikantuk nalika breeding.[3]
Habitat
[besut | besut sumber]Charmander kalebet langka manawi madosi ing alam alasan. Kadang kala Charmander saged kapanggihaken ing daerah kanthi kaanan panas ingkang ekstrem kados ta gunung api. Wujud evolusi angka 2 saking Charmander, inggih punika Charizard katingal dumunung ing Charicfic Valley ingkang namung wonten ing anime.
Evolusi
[besut | besut sumber]Charmeleon
[besut | besut sumber]![](http://upload.wikimedia.org/wikipedia/jv/4/4b/Charmeleon.jpg)
Wujud evolusi kapisanan saking Charmander inggih punika Charmeleon. Charmander éwah dados Charmeleon ing level 16. Charmeleon minangka wujud remaja saking Charmander, kanthi ukuran badan lan bobot dumugi kaping kalih saking Charmander, Charmeleon saged ngantem lawan kaliyan buntut ingkang kiyat. Wonten ing evolusi punika, Charmeleon gampil agresif lan saged ugi nyerang Traineripun. Éwadéné makaten, Charmeleon badhé patuh lan setia dhateng Pokemon Trainer ingkang dipunanggep kiyat.
Charizard
[besut | besut sumber]![](http://upload.wikimedia.org/wikipedia/jv/thumb/6/69/Charizard.jpg/220px-Charizard.jpg)
Charmeleon béwah dados Charizard ing level 36. Wonten ing wujud punika, badanipun kaping kalihipun saking wujud minangka Charmeleon. Kekiyatanipun nyemburaken geni ingkang luar biyasa, ugi saged nglelehaken gunung es. Kajawi punika, Charizard sampun gadhah swiwi.
Cathetan suku
[besut | besut sumber]- ↑ http://www.pokemon.co.jp Situs Pokémon Jepang
- ↑ http://www.pokemon.com Situs Pokémon AS
- ↑ http://jtwvl.com/charmander/ Archived 2012-01-29 at the Wayback Machine. Situs fans club Charmander,