Bunny Man
![](http://upload.wikimedia.org/wikipedia/commons/8/8f/Bunnyman_bridge.jpg)
Bunny Man (cara Jawa: Manungsa Terwèlu) iku legèndha urban sing bokmenawa asal mulané saka rong kadadéan ing Fairfax County, Virginia, nalika taun 1970, nanging banjur sumebar ing wewengkon Washington, D.C. Carita iki akèh wernané. Akèh-akèhé, carita Bunny Man iku ngenani wong nganggo kostum terwèlu sing senengané mbacoki wong sarana wadung.
Manéka warna carita iki ngrembaka ing kiwa-tengené Colchester Overpass, dalan layang ing Southern Railway sing ngliwati Colchester Road ing cedhak Clifton, Virginia.[1] Mula, Colchester Overpass iki kondhang dijuluki "Bunny Man Bridge" utawa "Kreteg Manungsa Terwèlu".
Jeneng, motif, gaman, kurban, lan gegambarané kostum, kepara patiné Bunny Man ana warna-warna gumantung vèrsi caritané. Ing sawiji carita, dhemité Bunny Man saben taun metu saka papan patiné nalika malem Halloween saperlu mèngeti patiné. Ing carita liya, kurban-kurbané dimutilasi.