Abdurrahman As-Sudais
| Abdurrahman as-Sudais | |
|---|---|
.jpg) Abdurrahman as-Sudais | |
| Lair | 10 Fèbruari 1960 Riyadh, Arab Saudi |
| Pakaryan | Imam |
Abdurrahman as-Sudais inggih punika salah satunggalipun qori kawentar ingkang asalipun saking Arab Saudi.[1] Panjenenganipun lair ing Saudi Arabia saking kabilah kulawarga Anza. Panjenenganipun sapunika dados imam utama ing Masjidil Karam, Makkah Al Mukarramah.[1] As-Sudais dipunangkat dados imam nalikanipun nembé yuswa 22 taun.[2] Sanèsipun dados imam, panjenenganipun dados dhosèn ing Universitas Syariah Islamiyah Ummul Qura’.[1] Ing yuswanipun ingkang nembé 12 taun, Abdurrahman as-Sudais sampun apal kitab suci Al Quran. Wekdal punika panjenenganipun sekolah ing SD ‘Al Muthana Bin Harith’. Taun 1979, panjenengan lulus kanthi prédikat istiméwa saking Institut Sains Riyadh.[1] Taun 1983, Abdurrahman as-Sudais ngudi gelar sarjana ing babagan Syariah ing Universitas Riyadh, lajeng gelar master ing Fakultas Syariah ing Universitas Islam Imam Muhammad bin Saud ing taun 1987.[1] Lan gelar profesor saking Universitas Syariah Islamiyah Ummul Qura’ ing taun 1995. As-Sudais kawentar ing saindhenging Donya Islam minangka qori ingkang gadhah swanten ingkang khas lan kanthi pangraosan nalikanipun maos Al Quran.[1] Taun 2005, Abdurrahman as-Sudais pikantuk panghargyan minangka figur Islami taun 2005 kaping sanga (Islamic Personality of the Year) ing Dubai wonten ing adicara Dubai International Holy Quran Award.[1]
Cathetan suku
[besut | besut sumber]- ↑ a b c d e f g Download Al Quran mp3 High Quality 128 kbps Abdur Rahman as-Sudais Archived 2011-06-08 at the Wayback Machine.(dipunaksès tanggal 9 Juni 2011)
- ↑ Syaikh Sudais Akan Kunjungi DDII[pranala mati permanèn](dipunaksès tanggal 9 Juni 2011)