Pungmul

Pungmul
Pungmul
Hangul	풍물 utawi 농악
Hanja	風物 utawi 農樂
Alihaksara Koréa Kang Sinampurna	Pungmul utawi Nong(-)ak
McCune–Reischauer	P'ungmul utawi Nongak

Pungmul, pungmulnori utawi nong-ak (musik wong tani)punika musik rakyat Koréa ingkang mlebetaken unsur dolanan piranti musik, jogèd, akrobat lan nyanyian. Variasinipun manéka warni miturut laladanipun.

Sajarah

Kesenian punika akaripun saking ritual shamanisme lan dipunpentasaken kanthi ramé-ramé minangka péranganing madangnori, pertunjukkan musik lan jogèd rakyat ingkang dipunlakokaken ing lapangan kabikak. Saben tiyang saged ndhèrèk partisipasi nglampahaken piranti musik lajeng nari sesarengan. pungmul punika jinis musik Koréa ingkang kenceng lan èksprèsif. Pungmul dipunlebetaken kategori ing jinis minsogak utawi musik rakyat kathahipun.^[1]

Nalika nggarap lahan tetanèn, para wong tani ngginakaken manéka piranti musik kanggé ngenthengaken bebaning para wong tani lan minangka hiburan. Musik ugi dipun-ginakaken minangka pangiring donga lan ritual dhateng déwa supados kasiling tetanèn punika dipunrahmati lan dipunlindungi saking serangan ama. Sansaya dangu, pungmul dipun-ginakaken dados kelompok musik wong tani nalika wonten fèstival-fèstival ing laladan padésan ^[2]. Kelompok pemusik punika dipunwastani pungmulpae ^[3].

Èlemen pungmul

èlelmen utama saking pungmul punika piranti musik perkusi. Saben kelompok pemusik gadhah satunggal utawi langkung juru main kkwaenggwari (gong alit), sogo (gendérang alit), janggu (gendhang dawa), buk (gendhang ageng), lan jing (gong ageng). Piranti musik sebul kanthi nada inggil ugi dipun-ginakaken kanggé pangiring kados ta taepyeongso lan nabal.

Variasi laladan

Wonten manéka jinis pungmul ing Koréa adhédhasar laladanipun piyambak-piyambak, inggih punika Utdari Pungmul saking Gyeonggi, Chungcheong, yeongnam Pungmul saking wewengkon Jeolla wewengkon Gyeongsang Kidul lan tenggara, ugi Yeongdong Pungmul saking laladan Gangwon. Saben permainan pungmul ing wewengkon-wewengkon punika gadhah ciri khas ingkang béda. Padatanipun permainan pungmul ugi wonten tampilan pangut bilih para juru main piranti musik punika mbentuk kelompok lan nari saha damel akrobat. Para juru main ngginakaken sangmo, topi lan pita dawa. Kanthi individu nari kanthi jumbuh kaliyan musikipun, kados sogochum (jogèd gendérang alit), jangguchum (jogèd gendérang dawa), bukchum (jogèd gendérang ageng), saha wonten sangmonori inggih punika mainke pita dawa kanthi muter-muter.

Cathetan suku

↑ [1]^{[pranala mati permanèn]}, (id) Kebudayaan Koréa (dipun-akses tanggal 07 Januari 2013).
↑ Youngnam Nongak^{[pranala mati permanèn]}, kbs. Diakses pada 17 Juni 2011.
↑ [2]^{[pranala mati permanèn]}, (id) Mengenal musik tradhisional Koréa (dipun-akses tanggal 08 Januari 2013).

[pungmul-1] [1]^{[pranala mati permanèn]}, (id) Kebudayaan Koréa (dipun-akses tanggal 07 Januari 2013).

[YEONGNAM_NONGAK-2] Youngnam Nongak^{[pranala mati permanèn]}, kbs. Diakses pada 17 Juni 2011.

[pungm2-3] [2]^{[pranala mati permanèn]}, (id) Mengenal musik tradhisional Koréa (dipun-akses tanggal 08 Januari 2013).

[1]

[2]

[3]