Kartolo

Raden Mas Kartolo (pati ing 18 Januari 1949) minangka aktor lan panulis lagu Indonèsia. Lair ing Yogyakarta saka kulawarga ningrat, dhèwèké melu ing jagad tèater lan ningkah karo aktris Roekiah nalika taun 1933. Pasangan iki banjur manggon ing Batavia (saiki Jakarta) lan main bareng ing pirang-pirang filem, kawiwitan saka filem Terang Boelan taun 1938. Senadyan main ing filem sing padha, Roekiah tansah dipasangake karo aktor liyane. Sawisé Roekiah séda ing taun 1945, Kartolo ngeteraké kulawargané menyang Yogyakarta lan makarya ing Radio Republik Indonesia nganti sèda. Salah sawijining putrané, Rachmat Kartolo, uga aktif dadi aktor lan penyanyi ing taun 1960-an nganti 1980-an.

Kartolo
Kartolo lan celloné, sakitaran 1941
Lair	Yogyakarta, Hindia-Walanda
Pati	18 Januari 1949 Yogyakarta, Indonesia
Pakaryan	Aktor, panulis lagu
Taun aktif	1930an–1948
Karya kondhang	Terang Boelan
Bojo	Roekiah (1933-1945; sèda)

Wiwitaning urip

Kartolo lair ing Yogyakarta, Hindia Walanda (saiki Indonesia), saka kulawarga priyayi. Kira-kira taun 1933, nalika lumebu grup sandiwara Paléstina, dhèwèké ketemu calon garwané, Roekiah, juru main sandiwara lan penyanyi keroncong ing Batavia. Sawisé metu saka grup Palestina, ing taun 1934 dhèwèke lan Roekiah lumebu ing grup Faroka lan nganakaké tur menyang Singapura.

Filmografi

• Terang Boelan (1937)
• Fatima (1938)
• Siti Akbari (1940)
• Gagak Item (1939)
• Roekihati (1940)
• Sorga Ka Toedjoe (1940)
• Poesaka Terpendam (1941)
• Koeda Sembrani (1942)
• Berdjoang (1943)
• Djatoeh Berkait (1944; filem cendhak)

Referensi

Bibliografi

• Biran, Misbach Yusa (2009). Sejarah Film 1900–1950: Bikin Film di Jawa . Komunitas Bamboo working with the Jakarta Art Council. ISBN 978-979-3731-58-2.
• van der Heide, William (2002). Malaysian Cinema, Asian Film: Border Crossings and National Cultures. Amsterdam: Amsterdam University Press. ISBN 978-90-5356-580-3.
• Imanjaya, Ekky (2006). A to Z about Indonesian Film . Bandung: Mizan. ISBN 978-979-752-367-1.
• "Kartolo". filmindonesia.or.id. Konfidan Foundation. Diarsip saka sing asli ing 2012-09-22. Dibukak ing 22 Sèptèmber 2012.
• "Roekiah". filmindonesia.or.id . Konfidan Foundation. Diarsip saka sing asli ing 2012-08-13. Dibukak ing 13 Agustus 2012.

Pranala njaba

• Kartolo ing Internet Movie Database