John Cale
John Cale | |
---|---|
![]() John Cale mainake viola elektrik ing sawijining konser ing Bèlgi, 2006 | |
Pratélan latar wuri | |
Jeneng lair | John Davies Cale[1] |
Génre | Art rock, klasik, musik dron, rok eskperimen, folk rock, protopunk, spoken |
Pakaryan | Musikus, komponis, penyanyi lan penulis lagu, prodhuser rekaman, visual artist |
Piranti | Vokal, viola, piyul, gitar, bas, Organ, piano, harpsikord, Kibor, harmonika, cello, double bass, saksofon, mellotron, celesta, lan liyané |
Mangsa akarya | 1965–sekarang |
Labèl | SPY, Ze, Island, Reprise, Beserkley, A&M, Rhino, Domino, Double Six |
Sing magepokan | Theater of Eternal Music, The Velvet Underground, John Cage, Phil Manzanera, Nico, Lou Reed, Brian Eno, Kevin Ayers, Nick Drake |
John Davies Cale, OBE (lair 9 Maret 1942) yaiku sawijining musikus, komponis, penyanyi lan pengarang lagu Wales lan prodhuser rekaman kang uga sawijining anggota pangadeg band rok eksperimen The Velvet Underground. Sanajan dhèwèké paling dikenal lumantar karyané sajeroning musik rok, Cale mainake pirang-pirang jinis musik, kalebu drone lan klasik. Wiwit pisahan karo Velvet Underground ing taun 1968, dhèwèké wis nerbitake udakara 30 album. Saka karya solone, Cale paling kondhang kanthi albume Paris 1919, lan kanggo versine kanggo lagu Leonard Cohen, "Hallelujah", ditambah karo trilogi albume ing pertengahan 1970-an kang diterbitake déning Island Records: Fear, Slow Dazzle, lan Helen of Troy.
Cale wis mroduksi utawa nyambut gawé bebarengan karo Lou Reed, Nico, La Monte Young, John Cage, Terry Riley, Hector Zazou, Cranes, Nick Drake, Mike Heron, Kevin Ayers, Brian Eno, Patti Smith, The Stooges, The Modern Lovers, Art Bergmann, Manic Street Preachers dan penyanyi utama James Dean Bradfield, Marc Almond, Element of Crime, Squeeze, Happy Mondays, LCD Soundsystem, The Replacements, lan Siouxsie and the Banshees.
Cale éntuk kaurmatan sajeroning Rock and Roll Hall of Fame minangka anggota Velvet Underground taun 1996.
Mangsa cilik lan karier
besutJohn Cale lair tanggal 9 Maret 1942 ing Garnant ing laladan indhustri Lembah Amman ing Wales saka pasangan Will Cale lan Margaret Davies.[2] Ibune yaiku sawijining guru SD lan bapake yaiku sawijining buruh tambang.[2] Sanajan Will mung bisa basa Inggris, Margaret nggedekake John mung kanthi mawa basa Wales.[2] Amarga ora bisa nggunakaké basa kang padha karo bapake, John wis mesthi ngalami alangan sajeroning sesambungane karo bapake.[2] John pungkasane sinau basa Inggris kira-kira ing umur tujuh taun ing SD.[2] Cale ngalami pelecehan déning wong lanang diwasa ing mangsa kanak-kanake;[2][3] Salah sawijining wong mau yaiku pendeta Anglikan lan prastawa iki kedadeyan ing sawijining gréja.[2][3]
Sawisé nemu bakate main viola, dhèwèké sinau musik ing Goldsmiths College, Universitas London. Ing kono dhèwèké nganakake konser Fluxus kang wiwitan, A Little Festival of New Music, 6 Juli 1963. Dhèwèké uga nyumbangake filem pendek Police Car lan loro karyané diterbitake sajeroning Fluxus Preview Review, ing Juli 1963, kang nglairaké musik kolektif garda ngarep.[4] Dhèwèké dadi dirigen ing pertunjukan pisanan Konser Cage pérangan Piano lan Orkestra ing Inggris kanthi komponis lan pianis Michael Garrett minangka solois. Wiwit enom dhèwèké ngrasakake cedhak karo Amérikah Sarékat lan musik rok, lan candhaké dhèwèké lunga menyang Amérika saperlu nerusaké pendidikan musike, kanthi bantuan lan prabawa saka Aaron Copland.
Satekane ing New York City, dhèwèké ketemu karo sapérangan komponis kang duwé prabawa. Tanggal 9 September 1963, bebarengan karo John Cage lan sapérangan wong liyané, Cale mèlu sajeroning permainan piano maraton kang suwéné 18 jam kang minangka pertunjukan lengkap pisanan lumantar karya Erik Satie, "Vexations". Sawisé pertunjukan mau, Cale ana ing sawijining pertunjukan panel televisi I've Got a Secret. Rahasia Cale yaiku dhèwèké tau main ing sawijining konser kang suwéné 18 jam, lan dhèwèké didampingi déning sawijining wong kang rahasiane yaiku dhèwèké siji-sijiné penonton kang betah deleng pertunjukan nganti bubar.[5]
Cale uga main sajeroning La Monte Young lan ansambel Tony Conrad, Theater of Eternal Music uga dikenal minangka Dream Syndicate (aja dibandingake karo band kang jenenge padha ing taun 1980-an). Musik kang kebak drone kang dimainake ing kono yaiku kabukti minangka prabawa gedhé sajeroning karyané karo klompoke yaiku, the Velvet Underground. Salah sawijining wong kang nyambut gawé bebarengan karo dhèwèké sajeroning rekaman-rekaman iki yaiku juru main gitar Velvet Underground Sterling Morrison. Telung album saka karya eksperimen wiwitane saka periode iki diterbitake taun 2001.
The Velvet Underground
besutIng wiwitan 1965, dhèwèké mèlu yasa The Velvet Underground bareng karo Lou Reed, kanthi ngrekrut kanca Reed ing Pawiyatan Luhur, Sterling Morrison lan kanca seapartemen Cale Angus Maclise kanggo nggenepi barisan pisanane. Cale ninggal band iki ing September 1968, sapérangan amarga ora selaras kreatife karo Reed.
Catatan kaki
besut- ↑ John Cale ing AllMusic
- ↑ a b c d e f g Mitchell, Tim Sedition and Alchemy: A Biography of John Cale, 2003, pp. 24
- ↑ a b MarkMordue.com page: "Cold, Black Style: The John Cale Interview Archived 2011-01-01 at the Wayback Machine.."
- ↑ Fluxus Codex, Jon Hendricks, Harry N Abrams 1988 p221
- ↑ YouTube: John Cale on I've Got a Secret.