Aikuu
Appearance
![](http://upload.wikimedia.org/wikipedia/commons/thumb/c/c6/YosaBusonGrave.jpg/170px-YosaBusonGrave.jpg)
Aikuu (Japaniiz 俳句, pluural aikuu) a shaat-shaat faam a Japaniiz puoychri. Itipikali kiaraktaraiz bai chrii kualiti:
- Di esn a aikuu a "kotiin" (kiru).[1] Dis muotaim riprizent bai di joxtapozishan a tuu imij ar aidie wid wah kireji ("kotiin wod") bitwiin dem,[2] kaina wah voerbal pongchuyeshan maak we signal di muoment a separieshan ah we kola di mana a ou di joxtapuoz elimentdem rilietid.
- Chradishanal aikuu kansis a 17 on (Japaniiz pruosadi, adawaiz nuo az mora duo muotaim luusli chransliet az "silabl"), ina chrii friez a 5, 7, ah 5 on rispektivli.[3]
- Wah siiznal refrans ar kigo, yuujali jraa frah wah saijiki, wah extensiv bot difain lis a soch wod.
Madan Japaniiz aikuu (現代俳句 gendai-haiku) ingkriisinli anlaikli fi fala di chradishan a 17 on ar fi tek niecha az deh sobjik, bot di yuus a joxtapozishan kantiniu fi bi hana ina buot chradishanal ah madan aikuu.[4] A wah kaman posepshan, alduo relitivli riisant, se dat di imij joxtapuoz mos bi dairekli abzoerv ebridie abjek ar okorans.[5]
Ina Japaniiz, aikuu chradishanali print ina singgl voertikal lain wails aikuu ina Ingglish muosli apier ina chrii lain fi paralel di chrii friez a Japaniiz aikuu.[6]
Priiviosli iweh kaal hokku, aikuu get di korant niem frah di Japaniiz raita Masaoka Shiki a di hen a di 19t senchri.
- ↑ Yamada-Boyynek, Haiku East and West, 1985. Universitatsverlag Brockmeyer, Bochum. piej 255
- ↑ Hiraga, Masako K., "Rough Sea and the Milky Way: 'Blending' in a Haiku Text," ina Computation for Metaphors, Analogy, and Agents, ed. Chrystopher L. Nehaniv, 1999. Springer, Berlin, p. 27
- ↑ Lanoue, David G. Issa, Cup-of-tea Poems: Selected Haiku of Kobayashi Issa, Asian Humanities
- ↑ Sterba, Carmen. Thoughts on Juxtaposition Archived 2016-03-03 at the Wayback Machine, Simply Haiku: A Quarterly Journal of Japanese Short Form Poetry, akses 9 April 2013
- ↑ Haruo Shirane Beyond the Haiku Moment
- ↑ Van den Heuvel, Cor. The Haiku Anthology, 2nd edition, Simon & Schuster, 1986, ISBN 0-671-62837-2 p.11