Real Unión
Real Unión Club de Irún, S.A.D. | |||
Fullt nafn | Real Unión Club de Irún, S.A.D. | ||
Gælunafn/nöfn | Txuri-beltz (Þeir Hvítu og svörtu) | ||
---|---|---|---|
Stytt nafn | Real Unión | ||
Stofnað | 1915 | ||
Leikvöllur | Stadium Gal, Irun, | ||
Stærð | 5.000 áhorfendur | ||
Stjórnarformaður | Ricardo García | ||
Knattspyrnustjóri | Alberto Iturralde | ||
Deild | 2ªB – Group 2 | ||
2019-2020 | 17.Sæti | ||
|
Real Unión Club de Irún, S.A.D. eða Real Unión er spænskt knattspyrnufélag sem stofnað var árið 1915 í bænum Irún í Baskalandi. Það var eitt af sterkari félögum Spánar á öðrum og þriðja áratugnum og var meðal stofnenda La Liga en hefur í seinni tíð verið í neðri deildunum.
![](http://upload.wikimedia.org/wikipedia/commons/thumb/7/77/Escenas_de_la_final_de_Campeonato_de_Espa%C3%B1a_en_el_campo_de_Atotxa_entre_los_equipos_del_Real_Uni%C3%B3n_y_Real_Madrid_%281-0%29_%2814_de_18%29_-_Fondo_Car-Kutxa_Fototeka.jpg/261px-thumbnail.jpg)
Saga
[breyta | breyta frumkóða]Félagið var stofnað við samruna tveggja knattspyrnuliða í Irún, Irún Sporting Club og Racing Club de Irún, það síðarnefnda hafði orðið bikarmeistari árið 1913 eftir sigur á Athletic Bilbao í endurteknum úrslitaleik. Hið sameinaða félag tók í fyrstu upp nafnið Unión Club Irún en breytti því eftir að Alfons 13. Spánarkonungur gaf því konunglega stöðu.
Árin 1918 og 1924 varð félagið bikarmeistari á ný, í bæði skipin eftir sigra á Real Madrid í úrslitum. Seinni titillinn vannst undir stjórn enska knattspyrnuþjálfarans Steve Bloomer. Fjórði og síðasti bikarmeistaratitillinn kom árið 1927, þar sem mótherjarnir í úrslitum voru Arenas Club de Getxo í eina hreina baskneska úrslitaleiknum í sögu keppninnar sem ekki hefur innihaldið Athletic Bilbao.
Þegar La Liga var stofnuð árið 1928 var Real Unión meðal keppnisliða. Félagið náði hæst sjötta sæti af tíu og hafnaði á botninum á sínu fjórða keppnistímabili. Það hefur aldrei aftur komist í efstu deild á Spáni og varið mestum tíma í þriðju og fjórðu efstu deild. Frá árinu 1942 hefur Real Unión þrívegis komist upp í næstefstu deild, síðast árið 2009, en í hvert skipti fallið jafnharðan.