Hvalurinn
Útlit
![](http://upload.wikimedia.org/wikipedia/commons/thumb/f/f3/Cetus_IAU.svg/220px-Cetus_IAU.svg.png)
Hvalurinn (latína: Cetus) er stjörnumerki sem liggur nærri miðbaug himins þar sem vatnamerkin eru: Vatnsberinn, Fljótið, Fiskarnir og Suðurfiskurinn. Nafnið vísar í Ketos, sem í grískri goðafræði getur verið hvaða stóra sæskrímsli sem er, en er oftast þýtt sem „hvalur“ (sbr. söguna um Jónas í hvalnum).
Bjartasta stjarnan í Hvalnum er Difda (Beta Ceti) sem er rauðgul risastjarna í 96 ljósára fjarlægð frá jörðu. Mira eða Ómíkron Ceti, var fyrsta breytistjarnan sem var uppgötvuð.