Fáni Belgíu
![](http://upload.wikimedia.org/wikipedia/commons/thumb/6/65/Flag_of_Belgium.svg/220px-Flag_of_Belgium.svg.png)
![](http://upload.wikimedia.org/wikipedia/commons/thumb/9/92/Flag_of_Belgium_%28civil%29.svg/220px-Flag_of_Belgium_%28civil%29.svg.png)
![](http://upload.wikimedia.org/wikipedia/commons/thumb/d/d6/Royal_Arms_of_Belgium.svg/220px-Royal_Arms_of_Belgium.svg.png)
Fáni Belgíu samanstendur af þrem jafnlöngum og breiðum lóðréttum borðum, frá vinstri til hægri í svörtum, gulum og rauðum lit. Fáninn tekur mið af franska fánanum.
Litirnir eru teknir úr skjaldarmerki greifadæmisins Brabants, sem er gert af gulu ljóni með rauða tungu og rauðar klær á svörtum grunni.
Hlutföll fánans eru 13:15. Ekki er vitað um neina skýringu á því að þessi óalgenga nær ferningslaga hönnun var valinn. Fáni í hlutföllunum 2:3 er í algengri notkun.
Fáninn var tekinn upp þann 23. janúar 1831, ekki löngu eftir að Belgar fengu sjálfstæði frá Hollandi. Fáninn var áberandi í sjálfstæðisstríði landsins. Eldri fáni hafði verið notaður í uppreisnarstríði gegn Austurríki 1789 sem þá stjórnaði Belgíu en sá fáni var með láréttum borðum, rauðum yfir svörtum yfir gulum.
Skipafáni[breyta | breyta frumkóða]
Belgía hefur sérstakan skipafána (sem mörg lönd gera, en Íslendingar ekki) sem er eins og þjóðarfáninn nema í öðrum hlutföllum. Almenningur notast oft við hann í stað hins eiginlega fána þar sem hlutföll hans þykja þægilegri og meira í ætt við flesta aðra fána.