18. október

Sep – Október – Nóv
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2025 Allir dagar

18. október er 291. dagur ársins (292. á hlaupári) samkvæmt gregoríska tímatalinu. 74 dagar eru eftir af árinu.

Atburðir

• 1009 - Grafarkirkjan í Jerúsalem var eyðilögð af Al-Hakim bi-Amr Allah kalífa.
• 1016 - Játmundur járnsíða laut í lægra haldi fyrir her Knúts mikla í orrustunni við Ashingdon.
• 1356 - Borgin Basel í Sviss hrundi í jarðskjálfta.
• 1497 - Hans var kjörinn konungur Svíþjóðar. Þar með var Kalmarsambandið endurreist í bili.
• 1601 - Sænskur her settist um pólsku borgina Wolmar.
• 1618 - Sænska ríkisskjalasafnið var stofnað með kansellískipun Axels Oxenstierna.
• 1660 - Friðrik 3. Danakonungur kom á einveldi í Danmörku með friðsamri hallarbyltingu.
• 1685 - Loðvík 14. gaf út Fontainebleu-tilskipunina þar sem hann lýsti mótmælendatrú ólöglega og afnam þannig þau réttindi sem húgenottar höfðu fengið með Nantes-tilskipuninni 1598.
• 1904 - Bodesafnið var vígt í Berlín.
• 1906 - Stórbruni varð á Akureyri: Sjö hús brunnu og um áttatíu manns misstu heimili sín. „Mesti húsbruni á Íslandi,“ sagði blaðið Norðurland.
• 1913 - Á Seyðisfirði var vígð rafveita, sem var ein sú fyrsta á Íslandi, sem náði til heils bæjarfélags og var af því tilefni haldin ljósahátíð þegar fyrstu rafljósin voru kveikt.
• 1922 - BBC var stofnað í Bretlandi.
• 1942 - Alþingiskosningar voru haldnar við breytta kjördæmaskipan.
• 1952 - Hið íslenska ljósmyndafélag var stofnað í Reykjavík.
• 1967 - Bandaríska teiknimyndin Skógarlíf var frumsýnd.
• 1968 - Umdæmi kaþólsku kirkjunnar á Íslandi var gert að sérstöku biskupsdæmi.
• 1976 - Ford hóf fjöldaframleiðslu á Ford Fiesta í verksmiðju sinn í Valensíu á Spáni.
• 1977 - Þýska haustið: Andreas Baader, Jan-Carl Raspe og Gudrun Ensslin frömdu sjálfsmorð í Stammheim-fangelsinu.
• 1980 - Sjötta lota Kröfluelda hófst og stóð í fimm daga og var þetta þriðja lotan á sama árinu.
• 1985 - Leikjatölvan Nintendo Entertainment System kom á markað í Bandaríkjunum.
• 1986 - Kvikmyndin Stella í orlofi var frumsýnd í Reykjavík.
• 1989 - NASA skaut Galileo-geimfarinu á loft.
• 1989 - Leiðtogi Austur-Þýskalands, Erich Honecker, var neyddur til að segja af sér. Egon Krenz tók við.
• 1995 - Hafist var handa við að reisa Eyrarsundsbrúna.

• 2000 - Íslenski sjónvarpsþátturinn 70 mínútur hóf göngu sína á PoppTíví.
• 2006 - Microsoft gaf út Windows Internet Explorer 7.
• 2007 - Benazir Bhutto, fyrrverandi forsætisráðherra Pakistan, sneri heim til Pakistan eftir átta ára útlegð til að taka þátt í forsetakosningum. Sama kvöld var sjálfsmorðsárás gerð á bílalest Bhutto. Hún slapp ómeidd en 136 aðrir létust.
• 2011 - Ísrael og hin palestínsku Hamas-samtök höfðu fangaskipti, þar sem Ísrael leysti 1027 palestínska fanga úr haldi í skiptum fyrir að Hamas leystu hermanninn Gilad Shalit úr gíslingu.
• 2013 - Sádi-Arabía hafnaði sæti í Öryggisráði Sameinuðu þjóðanna. Það var í fyrsta sinn sem land hafði hafnað sæti.
• 2014 - 20 létust í árás uppreisnarmanna í ADF-Nalu á bæinn Byalos í Austur-Kongó.
• 2022 - Ulf Kristersson varð forsætisráðherra Svíþjóðar.

Fædd

• 1130 - Zhu Xi, kínverskur fræðimaður (d. 1200).
• 1405 - Píus 2. páfi (d. 1464).
• 1523 - Anna Jagiellon, Póllandsdrottning (d. 1596).
• 1609 - Josias Rantzau, þýskur herforingi (d. 1650).
• 1634 - Luca Giordano, ítalskur listmálari (d. 1705).
• 1652 - Abraham van Riebeeck, landstjóri í Hollensku Austur-Indíum (d. 1713).
• 1777 - Heinrich von Kleist, þýskur rithöfundur (d. 1811).
• 1831 - Friðrik 3. Þýskalandskeisari (d. 1888).
• 1835 - Tryggvi Gunnarsson, íslenskur bankastjóri (d. 1917).
• 1836 - Magnús Stephensen, síðasti landshöfðingi Íslands (d. 1917).
• 1859 - Henri Bergson, franskur heimspekingur (d. 1941).
• 1873 - Ivanoe Bonomi, ítalskur stjórnmálamaður (d. 1951).
• 1919 - Pierre Trudeau, forsætisráðherra Kanada (d. 2000).
• 1926 - Chuck Berry, bandarískur tónlistarmaður (d. 2017).
• 1929 - Violeta Chamorro, nígaragskur stjórnmálamaður.
• 1932 - Vytautas Landsbergis, litháískur stjórnmálamaður.
• 1939 - Lee Harvey Oswald, bandarískur morðingi (d. 1963).
• 1943 - Friðrik Sophusson, íslenskur stjórnmálamaður.
• 1956 - Martina Navratilova, tennisleikkona.
• 1956 - Isabelle Autissier, frönsk siglingakona.
• 1957 - Mihailo Petrović, serbneskur knattspyrnumaður.
• 1968 - Michael Stich, tennisleikari.
• 1968 - Naoto Otake, japanskur knattspyrnumaður.
• 1972 - Karl Nehammer, austurrískur stjórnmálamaður.
• 1979 - Ne-Yo, bandarískur söngvari.
• 1984 - Freida Pinto, indversk leikkona.
• 1987 - Zac Efron, bandarískur söngvari og leikari.

Dáin

• 1216 - Jóhann landlausi, Englandskonungur (f. 1166).
• 1417 - Gregoríus 12. páfi (f. um 1326).
• 1503 - Píus 3. páfi (f. 1439).
• 1667 - Fasilídes, Eþíópíukeisari (f. 1603).
• 1678 - Jacob Jordaens, flæmskur listmálari (f. 1593).
• 1851 - Brynjólfur Pétursson, lögfræðingur og einn Fjölnismanna (f. 1810).
• 1865 - Georg Berna, þýskur náttúrufræðingur (f. 1836).
• 1865 - Henry John Temple, vísigreifi af Palmerston, breskur stjórnmálamaður (f. 1784).
• 1871 - Charles Babbage, enskur stærðfræðingur (f. 1791).
• 1911 - Alfred Binet, franskur sálfræðingur (f. 1857).
• 1931 - Thomas Alva Edison, bandarískur uppfinningamaður (f. 1847).
• 1954 - Einar Jónsson, íslenskur myndhöggvari (f. 1874).
• 1955 - Jose Ortega y Gasset, spænskur heimspekingur (f. 1883).
• 1980 - Pétur Hoffmann Salómonsson, íslenskur sjómaður (f. 1897).
• 2013 - Tom Foley, bandarískur stjórnmálamaður (f. 1929).
• 2018 - Lisbeth Palme, sænskur sálfræðingur (f. 1931).
• 2018 - Danny Leiner, bandarískur leikari (f. 1961).
• 2021 - Colin Powell, bandarískur hershöfðingi og stjórnmálamaður (f. 1937).