Sendiherra
![](http://upload.wikimedia.org/wikipedia/commons/thumb/0/00/AmbassadorSchwarz%2CBush.jpg/220px-AmbassadorSchwarz%2CBush.jpg)
Sendiherra er ríkiserindreki sem kemur fram sem fulltrúi eins lands í öðru landi eða hjá alþjóðastofnun. Yfirleitt er sendiherra skipaður við tiltekið sendiráð í öðru landi með umboð fyrir ákveðið landsvæði. Á því landsvæði nýtur hann og aðrir starfsmenn sendiráðsins friðhelgi. Þess er krafist þegar nýr sendiherra tekur til starfa að hann afhendi þjóðhöfðingja í ríkinu þar sem hann á að starfa erindisbréf sitt. Sendiherrar, eða ígildi þeirra, eru sendir til allra landa sem viðkomandi land á í stjórnmálasambandi við.
Fyrir tíma nútímafjarskipta gátu sendiherrar haft mjög mikil völd en nú eru þeir yfirleitt aðeins talsmenn utanríkisráðuneytis ríkisins sem þeir starfa fyrir.
Í Samveldi sjálfstæðra ríkja nefnast sendifulltrúar sem fara milli landa innan samveldisins samveldisfulltrúar (enska: high commissioner). Sendifulltrúar páfagarðs nefnast postullegir erindrekar (latína: nuntius).
Tengt efni
[breyta | breyta frumkóða]- Friðhelgisréttindi sendiherra (diplomatic immunity)
- Ræðismaður
- Ríkiserindreki
- Sendifulltrúi
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)