Viðey (Færeyjum)
Viðey (færeyska: Viðoy) er nyrsta eyja Færeyja og er norðaustan við Borðey og nú tengd henni með landfyllingu. Eyjan er 41 km² og íbúarnir rúmlega 600. Nafnið Viðey er dregið af rekaviði sem berst að austurströnd eyjarinnar frá Síberíu.
![](http://upload.wikimedia.org/wikipedia/commons/thumb/9/9b/Vidoy_map.jpg/200px-Vidoy_map.jpg)
![](http://upload.wikimedia.org/wikipedia/commons/thumb/2/27/Faroe_Islands%2C_Vi%C4%91oy%2C_eastern_shore_with_Talvbor%C4%91%2C_557_m.jpg/220px-Faroe_Islands%2C_Vi%C4%91oy%2C_eastern_shore_with_Talvbor%C4%91%2C_557_m.jpg)
Á Viðey eru tvær byggðir, Hvannasund (260 íbúar 1. janúar 2009) á suðausturströndinni og Viðareiði (351 íbúi) á norðausturströnd eyjarinnar. Í Viðareiði eru kirkjan og prestssetrið þar sem aðalpersónan í skáldsögunni Barbara eftir Jørgen Frantz Jacobsen átti heima.
Fjöllin á eynni eru há og torfær. Hæst þeirra er Villingadalsfjall (841 m). Nyrst á eynni er Enniberg, standberg 755 metra lóðrétt í sjó, næsthæsta lóðrétta standberg Evrópu. Hægt er að komast þangað fótgangandi frá Viðareiði.
Á föstudaginn langa, 23. apríl 1943, flaug bresk Catalina-sjóflugvél á fjallshlíð við Viðvíksrók. Allir um borð, átta manns, fórust. Enn má sjá leifar af flakinu í fjallshlíðinni.