Texel
Texel esas Nord-Holanda insulo en la Waddenzee. Olua areo esas cirkume 170 km2. La municipo Texel kontenas la tot insulo e la mikra nehabitata insulo Noorderhaaks. La precipua vilajo esas Den Burg.
![](http://upload.wikimedia.org/wikipedia/commons/thumb/c/cf/Gem-Texel-OpenTopo.jpg/220px-Gem-Texel-OpenTopo.jpg)
L'insulo esis parto dil Holandana lando til la nokto del 1-ma til 2-ma di novembro 1170, kande l'inundo Allerheiligenvloed eventis, detruis multa duni e separis Texel de Westa Frizia. Ol recevis urbo-yuri en 1415 de komto Willem la 6-ma. La norda regiono Eierland esis aparta insulo til la 19-ma yarcento.
Texel havas cirkume 13 mil habitanti. agrokultivo esas importanta sektoro dil ekonomio e la insulo esas famoza en Nederlando pro sua multa mutoni. Turismo esas altra grava sektoro. Esas un faro sur l'insulo, Vuurtoren Eierland, qua stacas che la maxim norda pinto. Ol konstruktesis en 1863 e 1864. La peizajo esas diversa, esas pastureyi, foresti, plaji, duni, prati, polders e kwelders. Multa speci di uceli vivas sur Texel.
La insulo anke havas sua propra aerodromo.
On parolas la Tessels sur Texel, konservema West-Friziana Holandana dialekto. La digrafi ij ed ui ne divenis diftongi en ica dialekto. Ol anke prezervas anciena distingo inter du tipi di la longa vokalo ee, qua anke existas en la Limburgana.