Nikolai Mihailovich Prjevalski
Nikolai Mihailovich Prjevalski | ||
![]() | ||
Profesiono: | geografiisto ed explorero | |
Lando: | ![]() | |
Naskodato: | 31 di marto 1839 | |
Nasko-loko: | Smolensk, Rusa imperio | |
Mortodato: | 20 di oktobro 1888, 1 di novembro 1888 | |
Morto-loko: | Karakol, Rusiana Imperio (nune Kirgizistan) | |
Nikolai Mihailovich Prjevalski (1839 til 1888) esis Rusa geografiisto ed explorero.
Biografio
[redaktar | redaktar fonto]Ilu naskis en Smolensk, en rusigita familio kun Kozaka e Polona origino. Fakte ilua grand-grand-avulo Kornilo Anisimovich Perevalski esis Kozako qua bataliis kontre Rusi en armeo de rejo di Polonia Stefan Bathory. Pose Perevalski chanjis sua familio-nomo a Przewalski e igis katoliko. Tamen nepotulo di Kornilo rivenis ad ortodoxa religio, e le Prjevalski igis rusa. La patro di Nikolai batalis en armeo di Rusa imperio (kom volontario) kontre tale nomizita "revolto di novembro en Polonia" (1830-1831), e Nikolai ipsa venis en 1863 a Polonia por batali kontre tale nomizita "revolto di januaro". Nikolai Mihailovich studiis en la militarala akademio di Sankt-Peterburg. En 1864 ilu divenis profesoro di geografio en Warszawa.
En 1867 il iris a Siberia explorar enfluanto di fluvio Amur. Dum sequanta yari, ilu facis 4 voyaji a Central Azia:
- de 1870 til 1873 de Kiaktha il trairis dezerto di Gobi til Beijing, e pose exploris Yangcekiang, ed en 1872 il atingis Tibet. Il exploris cirkum 18 000 km² e kolektis 5.000 speci di planti, 1.000 speci di uceli e 3.000 speci di insekti.
- de 1876 til 1877 ilu voyajis de est-Turkestan til montaro Tian Shan.
- de 1879 til 1880 ilu iteri trairis Tien Shan montaro, ed probis atingar Tibet, sensucese.
- de 1883 til 1885 il ekiris de Kiatkha tra la dezerto di Gobi til este de montaro Tian Shan.
Kom rezulto di lua verko, granda parto di central Azia divenis konocata e studiata, tamen Nikolai Mihailovich Prjevalski esas maxim konocata pro ilua unesma ciencala deskripto di sovaja kavalo - kavalo di Prjevalski, Equus ferus przewalskii - en 1879.
Prjevalski mortis viktimigita da tifo pos komencar lua 5ma voyajo.