Mark Evan Cerny
![](http://upload.wikimedia.org/wikipedia/commons/thumb/0/04/Mark_Cerny%2C_Gamelab_2018_%28cropped%29.jpg/250px-Mark_Cerny%2C_Gamelab_2018_%28cropped%29.jpg)
Mark Evan Cerny (n. 24ma agosto 1964 en Burbank, Kalifornia) esas usana desegnisto di video-ludili, programizisto, produktisto e komerco-exekutivo.
Kreskinta en la Bayo-Areo di San Francisco, Cerny obtenis grado de la College Preparatory School ed asistis la Universitato di Kalifornia en Berkeley.
Kom prezidento di Cerny Games, firmo quan il fondis en 1998, il agas kom konsultanto en la video-ludo-industrio. En 2004, il recevis la Dumviva Atingo-Premio del International Game Developers Association. Dum la meza 2010-a yari, Cerny servis kom la chef-arkitekto e produktisto di la Sony-mashini PlayStation 4 e PlayStation Vita.
Cerny, fanatiko di komputoro*-programizo ed arkado-ludili, komencis en la ludo-industrio evinta 17 yari kande il engajesis da Atari en 1982. Dum ta frua yari di profesionala ludo-developo, esquadi esis mikra e singla membro responsis pri plu larja ensemblo de roli kam hodie.
Lua unesma granda suceso esis Marble Madness por qua il, evinta 18 yari, agis kom desegnisto e kun-programizisto. Il plu tarde laboris kun Sega en Japonia ed Usa, ube il prilaboris diversa ludi por la mashini Master System e Genesis, maxim notinde Sonic the Hedgehog 2. Cerny esis la vice-prezidanto e pose prezidanto di Universal Interactive Studios.
Il laboris kun la firmi Naughty Dog (pri la serii Crash Bandicoot e Jak and Daxter e l'unesma Uncharted-ludo), Insomniac Games (pri la serii Spyro the Dragon, Ratchet & Clank e Resistance), e Sony.
Per sua experienco di le " dos and don'ts" (bona e mala idei) en la ludo-industrio il developis "doco-metodo" por ludo-developo. Lua metodo preferas libera-forma, pre-produkta fazo qua exploras la sucesiveso dil ideo, ante plena developo. Exemple, il rekomendas ke se l'unesma "nivelo" ne ecitas luderi, l'ideo devas eskartesar ante plusa esforci.
Ye 20ma februaro 2013, che la globala revel-evento dil PlayStation 4, Mark Cerny revelesis kom la chef-arkitekto di ta mashino. Il montris filmo di sua propra ludo ' Knack' quan il developis por la mashino. Ye 21ma septembro 2013 Cerny revelesis kom la chef-arkitekto dil PlayStation Vita.