Invado di Ukraina da Rusia (2022)
![](http://upload.wikimedia.org/wikipedia/commons/thumb/e/e2/2022_Russian_invasion_of_Ukraine_Enhanced.svg/320px-2022_Russian_invasion_of_Ukraine_Enhanced.svg.png)
L'invado Rusa en Ukraina esas milito (anke nomita operaco militala speciala segun la Rusa propagado) lansita ye la 24ma di februaro 2022 sub impero dal prezidanto Rusa Vladimir Putin, e duranta til nun. Kelka fonti jukikas ke ol esis la maxim granda milital atako eventinta en Europana teritorio depos la duesma mondomilito.[1][2][3]
Ca konfliko aparis pos gradopa kresko en la disputi inter Rusia ed Ukraina. Nome depos novembro 2021, Rusia plufortigis sua armeo apud la frontiero kun Ukraina, e kritikis publike l'expanso di NATO. Pose, ye la mezo di februaro 2022, Vladimir Putin agnoskis la nedependanteso di separema republiki Donetsk e Lugansk, qui formacis tale nomizita federuro Novorosiya ("Nova Rusia").[4] Poka dii pose, ye la 21ma di februaro 2022, trupi Rusa eniris la regiono Donbas, en estal Ukraina.
Forsan preventiva la konflikto difuzis rapide tra la tota lando, minacante precipue Kiyiv, la chefurbo,[5] ma anke direte la prezidanto Ukrainana, Volodimir Zelenski. Poka minuti pos l'anunco dil invado, existis informi pri explozi en Kiyiv, Harkiv, Odesa, e la Donbas.[6]
Ca konflikto ank esas la milito maxim dokumentizata e raportata de la historio mondala pro la quanteso di poshotelefonili e brodkasti dil sociala reti interretala. Tamen, til nun la quanto di mortinti en amba flanki duras esar necerta. Ye la 2ma di marto, Rusa armeo unesmafoye konfirmis statistiki pri 498 morti, e 1597 plusa soldati vundita.[7]
La 6ma di agosto 2024 Ukraina olua-foye inkursis Rusia en la provinco Kursk, okupis granda parto de la teritorio e kaptis rusa soldati[8].
Referi
[redaktar | redaktar fonto]- ↑ Russia presses invasion to outskirts of Ukrainan capital - Publikigita da ABC News. Dato di publikigo: 24ma di februaro 2022. URL vidita ye 26ma di februaro 2022.
- ↑ npr.org The ripple effects of Russia's war in Ukraine continue to change the world
- ↑ forbes ‘Not Since World War II’: The Worrying Precedent Many Are Evoking For The Ukraine War
- ↑ Putin reconoce l'independencia de Donetsk y Lugansk, despliega al Ejército en la zona y la UE amenaza con sanciones - Publikigita da Público. Dato di publikigo: 21ma di februaro 2022. Idiomo: Hispana.
- ↑ La guerra llega a las calles de Kiev - Autoro: Alberto Sicilia. Publikigita da Público. Dato di publikigo: 26ma februaro 2022. Idiomo: Hispana.
- ↑ Putin announces 'special military operation' in Ukraine - Publikigita da Politico. Dato di publikigo: 24ma di februaro 2022. URL vidita ye 24ma di februaro 2022. Idiomo: Angla.
- ↑ Russia confirms casualties in Ukraine ahead of the next round of talks - Publikigita da NPR. Dato di publikigo: 2ma di marto 2022. URL vidita ye 3ma di marto 2022. Idiomo: Angla.
- ↑ https://www.lemonde.fr/international/article/2024/08/18/j-ai-arrete-de-compter-a-cent-prisonniers-les-forces-ukrainiennes-affirment-detenir-de-nombreux-soldats-russes-captures-dans-la-region-de-koursk_6285145_3210.html