Agnelo di Deo
Agnelo di Deo esas epiteto por Iesus Kristo en Kristanismo, bazata sur l'evangelio segun Iohannes I, xxix, pri parolo di Iohannas la Baptero: "Ye la matino il vidis Iesu venante ad ilu e dicis: 'Regardez, l'agnelo di Deo, qua forprenos la peko ek la mondo!' " Ol bazesas sur la motifo en la Anciena Testamento pri la mutonyuno (t.e. agnelo) sakrifikala, ma anke referas a la decido di Iesus vole aceptir la krucago. La agnelo anke reprezentas inocenteso e senpekeso. Naturale, mutonyuni anke esis aceptata, tamen poke simpla, sakrifikaji en la templo di Ierusalem dum l'anciena Judaismo.
En l'anciena religii Mediteraneana onu uzis sakrifiko por facar su pura ed aceptebla por ed avan la dei. Segun Kristanismo Iesus efektigis la sam efekto permanente per provizar pardono di peki.
La simbolo dil agnelo anke aparas en Apokalipso, en qua "leonatra agnelo" signifikas Iesus. En Apokalipso XXI l'agnelo havas dek e du dicipuli.
Del Mezepoko on piktas la agnelo di Deo kom tenanta la kruco kun flageto e havanta aureolo.
