Abdomino
![](http://upload.wikimedia.org/wikipedia/commons/thumb/6/6e/Abdomen-head-thorax-io.svg/150px-Abdomen-head-thorax-io.svg.png)
La Abdomino esas la parto dil korpo inter la pektoro e la pelvo qua kontenas la stomako, intestini, hepato, spleno e pankreato. Anke nomizita ventro. Che la homo e multa altra vertebrozi, ol esas la regiono inter la torako e la pelvo (la diafragmo separas la toraka kavajo del l'abdomina kavajo). Che komplete developita insekto, la abdomino esas la triesma segmento dil korpo, dop la kapo e la torako.
vertebrozo
[redaktar | redaktar fonto]La abdomino di vertebrozo kontenas multa organi:
- parto dil digestala sistemo (stomako, hepato, pankreato ed intestini).
- kompleta urinala sistemo (reno, veziko).
- interna riproduktala organi (ovarii, Falopiala tubi ed utero che muliero, testikuli, tubi e prostato che viro).
La abdomino kontenas anke kelki del maxim larja e facile acesebla sango-vaskuli che multa animali, ed esas ofte uzata en experimentado medicino per kateterizo.
Pro multa kauzi, la abdomino ofte prizentas altra koloro kam la cetera parti dil korpo. Piloza animali ofte havas tote o preske senpila abdomino.