Akroch-bendo
Akroch-bendo esas klozilo qua tirate povas esar desklozata, interaltre che vestaji.
Akroch-bendo existas de du strati: strato de hoketi, fakte peco de texuro kovrita de mikra hoketi e strato de slingeti, peco de texuro kovrita de mem plu mikra slingeti. Originale ek poliamido, pose anke de altra plastikaji. Se la du strati presesas l'un sur l'altra, la hoketi akrochas la mikra slingeti. Se la klozilo desklozesas tirate, ol produktas karakterizanta sono.
En multa altra lingui ol esas konocata sub olua komercala nomo "Velcro". Ta nomo esas inventita dal inventinto di akroch-bendo, la Suiso Georges de Mestral, qua kompozis la nomo de la Franca 'velours' (velura) e 'crochet' (hoketo).
Georges de Mestral inspiresis da la planto bardano, di qua la semini akrochis su a la furo di ilua hundo, pos promeno en la naturo.