Fields-Medalio
![](http://upload.wikimedia.org/wikipedia/commons/thumb/0/0c/FieldsMedalFront.jpg/260px-FieldsMedalFront.jpg)
La Fields-Medalio esas premio grantata a du, tri o quar matematikisti qui evas sub 40 yari, che la Internaciona Kongreso dil Internaciona Mathematikala Uniono (IMU), kunveno qua eventas omna quar yari.
La Fields-Medalio egardesas, kun la Abel-Premio, kom la max alta honoro quan matematikisto povas recevar. La Fields-Medalio e la Abel-Premio ofte deskriptesas kom la "Nobel-Premio" di matematiko.
La Fields-Medalio diferas del Abel-Premio pro la evo-restrikto mencionita supre, e frequeso (unfoye omna quar yari).
La premio kunportas pekunio, qua depos esas 2006 $15,000 kanadana. La nomo esas honore kanadana matematikisto John Charles Fields. Fields kontributis ad establiso dil premio, desegno dil medalio, e financizo dil premio.
La medalio unesme grantesis en 1936 al finlandana matematikisto Lars Ahlfors ed usana matematikisto Jesse Douglas, e grantesis omna quar yari depos 1950. Olua skopo esas agnoskar e suportar yuna matematikal resercheri qui facis granda kontributi. En 2014, Maryam Mirzakhani divenis la unesma iranano ed unesma muliero qua ganis la Fields-Medalio.
Kondicioni di la premio
[redaktar | redaktar fonto]La Fields-Medalio ofte deskriptesas kom la "Nobel-Premio di Matematiko" e dum longa tempo egardesis kom la maxim prestijoza premio en matematiko. Nequale la Nobel-Premio, tamen, la Fields-Medalio grantesas omna quar yari.
La Fields-Medalio anke havas evo-limito: recevanto mustas esar sub 40 yari ye 1ma januaro di la granto-yaro. Ico similesas restrikti che la Clark-Medalio en ekonomiko. La sub-40-regulo fondesas sur deziro di John Fields ke "ultre agnosko di laboro ja facita, ol samtempe intencesis kurajigar plusa atingo da recevanti e stimular nova esforco da altri."
La pekunio esas multe plu basa kam la 8.000.000 sueda kronor (c. 1.400.000 kanadana dolari) dil Nobel-premio (en 2014). Altra premii en matematiko, quala la Abel-Premio e Chern-Medalio, kunportas plu multa pekunio kompare la Fields-Medalio.