2022
| Historio > yarcento |
| Yarcenti: |
| 20ma21ma22ma
|
| Yardeki: 2000a • 2010a • 2020a • 2030a • 2040a |
| Yari: 2001 • 2002 • 2003 • 2004 • 2005 |
La yaro 2022 (MMXXII per Romala algarismi) esis ordinara yaro komencinta ye saturdio segun Gregoriala kalendario. Ol esas la 22ma yaro de la triesma yarmilo, la 22ma yaro de la 21ma yarcento, e la 3ma yaro de la yari 2020a.
Dum ca yaro, l'impakto dil epidemio di KOVID-19 en mondal ekonomio durigis, tamen la vacinizo expansis en tota mondo, e restrikti pri movado diminutis, ed internaciona frontieri riapertesis. Altra signifikiva evento esis l'invado di Ukraina da Rusia, la maxim granda militala konflikto en Europa depos la 2ma mondomilito. Ca konflikto efektigis la diplaso di plu kam 14,9 milion Ukrainani, di qui 8 milioni interne la lando, e 6,9 milion vers altra landi.
En 2022 mortis chefi di stato e di guvernerio mondale eminenta, inkluzite Shinzo Abe, Mihail Gorbachyov, rejino Elizabeth la 2ma dil Unionita Rejio - ca lasta regnis dum plu kam 70 yari - e papo Benediktus la 16ma.
Klimato ed ambiento*
La klimatal eventi en Sud-Amerika relatas atmosferala fenomeni baptata El-Ninyo e lua opozo La-Ninya, qui modifikas la temperaturi oceanala e, konseque, la pluvo-rejimo en tota kontinento.[1] Dum recenta yari, on observas ambe l'intensigo di violento di pluvegi dum kurta periodi, e l'augmento di durado e l'intensigo di sikesi en diversa regioni. Kelka regioni an la baseno di fluvio Plata ja konsideresas "arida" pro la chanjo klimatala.[1]
Dum l'unesma trimestro di 2022, la maxim forta sikeso depos 1944 en Arjentinia afektis la nord-esto di la lando e destruktis plantacerii di mateo en la provinco Corrientes. La temperaturi atingis 44°C o mem 45°C en kelka loki.[2] La sikeso en februaro ank afekits la produktado di soyo en Paraguay, la 4ma maxim granda produktero di soyo de la mondo.[3]
En Brazilia, somerala pluvegi en la stato Sao Paulo afektis 27 municipi en januaro, produktis 24 morti e 1546 familii perdis partale o totale lia domi.[4] Ye la 15ma di februaro, 6-hora pluvego falis sur Petrópolis, stato Rio de Janeiro, Brazilia, e produktis adminime 78 morti e 269 ter-glitadi.[5] De mayo til julio, komencinta ye la 22ma di mayo (autuno en sudala misfero), eventis pluvegi che stati Pernambuco ed Alagoas, en Brazilia. En Pernambuco, li produktis 128 morti ed efektigis serioza domaji en 14 urbi, qui deklaris "urjanteso-stando".[6][7] La statistiko por Alagoas esis 56 urbi en "urjanteso-stando", 6 morti, 1 desaparinto, e 66 plusa homi perdis komplete o mustis abandonar lia domi.[8] En centro-westala e sud-estala stati di Brazilia, la sikeso dum vintrala monati (junio e julio) esis plu granda en 2022 kam olta di e 2020 e 2021, minacanta fonti qui provizas aqui a granda urbi, nome Sao Paulo.
En septembro, grandega nubo di fumo formacesis pro l'augmento di kriminoza brulado di la foresto Amazoniana. Venti che alta atmosfero dissemis la fumo-nubo sur granda parto di Sud-Amerika, ed atingis la nordala, centrala e sud-westala regioni di Brazilia, la nordo dil stato Paraná, ed anke Bolivia.[9] Segun specalisti, la proximigo di prezidantal elekti en oktobro 2022 stimulis farmisti ed invaderi di tereni brular forestal arei che Amazonia en agosto e septembro.[10] Forestala brulado augmentis dum la guvernerio di Jair Bolsonaro, qua diminutabis la budjeto di IBAMA, publika federal institucuro kreita por protektar l'ambiento.[11]
Australia ank afektesis nenormala temperaturi. Che urbo Onslow, ye la 13ma di januaro, enrejistresis la maxim varma temperaturo de la historio di la lando: 50,7 °C.[12] La nordo e la sud-esto di la lando ed anke Tasmania subisis forta sikeso dum l'unesma trimestro dil yaro, kontre ke Nova Sud Wals frapesis da serioza inundadi dum la sam epoko.[13]
Che nordala misfero la varmeso e sikeso dum somero afektis forte la tri maxim granda ekonomii de la planeto:Popul-Republiko Chinia, Usa, ed Europana Uniono. La sikeso diminutis la quanto di aquo disponebla por diversa ekonomial agadi, por fluviala transporto, por produktado di elektro e por homala konsumo.[14]
Somera varmego en Europa produktabis, til la 19ma di julio 2022, adminime 3 600 morti, temperaturala rekordi en multa landi, e grandega incendii.[15] Ye la 19ma di julio en Skotia, la temperaturi atingas 35°C, rekordo en la historio di la regiono. En London, la temperaturi atingas 40°C ye la sama dio, e multa incendii eventas. Ye la 12ma di agosto, Britaniana guvernerio deklaris sikeso-stando en 8 regioni di la lando. Ca deklaro posibligas dekretar porcionigo di aquo.[16] La longa periodo di sikeso komencinta la yaro 2000 e la klimatala chanjo anticipis la fairego-sezono en sudal Europa, kompare 2020 e 2021.
La maxim sika somero en Azia dum la lasta 60 yari efektigis diminuto di la larjeso di fluvio Yangce til min kam la duimo, e minacis la produktado di elektro e la rekolti en Popul-Republiko Chinia.[17] Altralatere, severa inundadi eventis dum januaro en Indonezia e Malaizia, ed agosto en Pakistan. Ca lasta afektis 33 milion personi, o 15% de la habitantaro di la lando,[18] e de la duimo di junio til la 28ma di agosto 2022, plu kam 1000 personi mortabis pro inundadi.[19]
En Afrika, de la 22ma di februaro til la 16ma di marto 2022, pluvegi frapis urbo Bukavu, Demokratial Republiko Kongo, e produktis 16 morti. Altralatere, este de la kontinento, la regiono nomizita korno di Afrika (Etiopia, Eritrea, Somalia, Kenia) subisis la maxim forta sikeso de lua historio en 70 yari, nome de marto til mayo. La sikesi en la regiono pluforeskis depos la yaro 2020. Cirkume 7 milion bovi mortis en la regiono. To diminutis la produktado di lakto por pueri ed augmentis la desnutrado. Cirkume 18,6 milion individui, di qui cirkume 7,1 milion pueri, subisas severa desnutrado.[20]
En Usa, che stato Kalifornia - qua havas Mediteranea klimato e subisas sikeso dum somera monati - til la 13ma di julio 2022 enrejistresis 4 026 incendii. En Mexikia, la forta sikeso minacis la furniso di aquo en multa urbi.[21] Altralatere, en diversa stati este de Rokoza Monti - parti de Missouri ed Illinois, Kentucky, parti de Virginia e Westal Virginia e la valo di Las Vegas - violentoza tempesti, komencinta ye la 24ma di julio, efektigis granda destruktado. Til la 31ma di julio, l'inundadi en Kentucky produktabis 26 morti[22] ed adminime 37 plusa homi desaparinta.
Multa studii pri klimatala chanjo facabis e publikigabis dum ca yaro, exemple:
- studio publikigita che jurnalo Nature Climate Change ye la 3ma di marto montras ke, pro globala varmesko e desforestigo, 3/4 de la foresto Amazoniana perdabis kapaceso por spontane regenerar su. Ye la 11ma di marto, Braziliana institucuro INPE prizentas satelitala fotografuri montranta la granda nivelo di desforestigo.
- ye la 3ma di junio, studio publikigita dal Usana agenterio NOAA (National Oceanic and Atmospheric Administration) montras ke la quanto di karbobioxo che atmosfero nun esas 50% plu granda kam olta dil epoko ante Industriala revoluciono, ed esas simila ad olta qua existis de 4,1 til 4,5 milion yari ante nun, to esas, 421 parti po miliono.[23]
- studio publikigita ye la 29ma di septembro che revuo Science montras ke l'emiso di metano da petrolal e gasal industrio en tota planeto esas plu multe granda kam komence on pensabis.
- studio publikigita ye la 26ma di oktobro ca yaro che revuo Science Advances montras ke de 1992 til 2013, globala perdaji pro globala varmesko amontas a 16 bilion Usana dolari, exemple pro diminutado di agrokultivala produkturo en tropikala regioni.
Statistiki pri nia planeto, prizentita da NASA ye la 31ma di decembro 2022
Eventi
- 4ma di januaro - La 5 permananta membri di la Sekureso-Konsilistaro dil Unionita Nacioni, en rara konsento, afirmas ke "ne povos vinkesor ula nukleara milito, ed ol nulatempe mustas eventar".[24]
- 5ma di januaro - Guvernerio di Kazakstan dekretas urjanteso-stando pro populala protesti. Chefministro Asqar Mamïn e tota ministraro renuncas, samatempe kam prezidanto Qasım-Jomart Toqayev removas Nursultan Nazarbayev de lua ofico kom chef-sekretario di la Konsilistaro pri Sekureso di Kazakstan.[25]
- 7ma di januaro - La quanto di personi infektita da COVID-19 en tota mondo superiras 300 milioni.[26]
- 8ma di januaro - Che lago dil aquobarilo Furnas, en Minas Gerais, Brazilia, klifo krulas super 4 bateli transportanta turisti, e produktas 10 morti.[27]
- 9ma di januaro - Che quartero Bronx, New York, Usa, incendio en edifico produktas 19 morti e deceni di plusa homi vundita.
- 10ma di januaro - La Fakultato di Medicino dil Universitato di Maryland reportas pri l'unesma sucesoza transplanto kordiala de porko genetikale modifikita ad homo.[28][29]
- 13ma di januaro - En Australia, che urbo Onslow, enrejistresas la maxim varma temperaturo de la historio di la lando: 50,7 °C.[12]
- 15ma di januaro - Submara volkano Hunga Tonga eruptas en Tonga ed efektigas ondego qua produktas materiala domaji en l'arkipelago.[30]
- 23ma di januaro - Eventas stato-stroko en Burkina Faso. Prezidanto Roch Marc Christian Kaboré revokesas ed arestesas.[31]
- 23ma di januaro - Tropikala tempesto Ana produktas 88 morti en Madagaskar, Malawi e Mozambik.
- 28ma di februaro - La quanto di dozi di vacini aplikita kontre COVID-19 en tota mondo superiras 10 miliardi.
- 30ma di januaro - Eventas legifantal elekti en Portugal. Partito Socialista unesmafoye obtenas la majoritato di la voti.
- 6ma di februaro - Abu Ibrahim al-Hashimi al-Qurashi, chefo di Islamala Stato mortigesas da Usana trupi dum atako en Siria.
- 4ma di februaro til la 20ma di februaro - Eventas Vintrala Olimpiala Ludi en Beijing, Popul-Republiko Chinia.
- 13ma di februaro - Frank-Walter Steinmeier rielektesas prezidanto di Germania.
- 15ma di februaro - Pluvego sur Petrópolis, Brazilia, produktas plu kam 100 morti, multa desaparinti,[32] e 269 ter-glitadi. Dum 6 hori la pluvo-quanto atingis 260 milimetri, plu kam la mezavalora quanto expektata por tota monato di februaro.[5]
- 21ma di februaro - Prezidanto Vladimir Putin de Rusia signatas dekreto agnoskanta la nedependo di Popul-Republiko Lugansk e Popul-Republiko Donetsk.
- 24ma di februaro - Rusia komencas invadar Ukraina.[33]
- 26ma di februaro - Imran Bukuyev divenis championo dil Absolute Championship Akhmat (MMA) en kategorio ad 57 kg.
- 2ma di marto - Invado di Ukraina da Rusia: Rusa trupi komencas siejar Zaporijjya, ube jacas la maxim granda nukleara reaktoro di Europa.[34]
- 7ma di marto - La quanto di mortinti pro COVID-19 en tota mondo superiras 6 milion individui.[35]
- 9ma di marto - Invado di Ukraina da Rusia: Chefi di stati di diversa landi kondamnas Rusia pos bombardo qua destruktas akush-hospitalo en Mariupol.[36]
- 9ma di marto - Ciencisti anuncas ke li deskovris en Antarktika la restaji dil navo Endurance, komandita dal explorero Ernest Shackleton, qua sinkabis en 1915.[37]
- 21ma di marto - Aviono Boeing 737 de kompanio China Eastern Airlines iranta de Kunming a Guangzhou falas che montoza regiono Guangxi. Omna ek la 123 pasajeri e 9 kruani mortas.[38]
- 11ma di aprilo - Shehbaz Sharif, chefo dil opozantaro en la parlamento di Pakistan, elektesas chefministro di la lando, pos ke Imran Ahmed Khan Niazi recevis voto di desfido du dii ante.
- 14ma di aprilo - Invado di Ukraina da Rusia: Rusa navo Moskva sinkesas da Ukrainana mar-armeo.
- 20ma di aprilo - Pro l'invado di Ukraina da Rusia, Rusa e Bielorusa tenisisti exkluzesas pri partoprenar teniso-konkurso di Wimbledon.
- 24ma di aprilo - Emmanuel Macron vinkas la duesma balotado di prezidantal elekto, kontre Marine Le Pen.
- 27ma di aprilo - Centrafrika komencas aceptar bitcoin kom legala pekunio, divenanta la duesma lando en la mondo qua facas to oficale.
- 9ma di mayo - Mahinda Rajapaksa, chefa ministro di Sri-Lanka, renuncas pos intensa populala protesti.
- 12ma di mayo - Cientisti montras imajo di nigra truo Sagittarius A*, existanta an la centro di Lakto-Voyo.
- 13ma di mayo - Mohamed bin Zayed Al Nahyan elektesas prezidanto dil Unionita Araba Emirii 1 dio pos la morto dil antea prezidanto Khalifa bin Zayed Al Nahyan.
- 14ma di mayo - Invado di Ukraina da Rusia: Rusa trupi retretas de Harkiv.
- 24ma di mayo - En Uvalde, Texas, Usa, eventas pafado en primara skolo qua produktas 21 morti, di qui 19 esis pueri.[39]
- 5ma di junio - En Owo, Nigeria, adminime 50 personi mortigesas en du ataki per bombi e pafado.
- 12ma di junio - Jiří Procházka divenas championo dil UFC
- 13ma di junio - En Delhi, India, kurta cirkuito efektigas fairo en 4-etaja edifico, produktanta 27 morti, 40 vunditi e 29 desaparinti.[40]
- 14ma di junio - Kanada e Dania paktas pri dividar inter li la teritorio dil insuleto Hans, jacanta inter insulo Ellesmere, en Kanada, e Grenlando.
- 19ma di junio - En Kolumbia, Gustavo Petro vinkas la duesma balotado di prezidantal elekti, e divenas l'unesma sinistrano elektita prezidanto di la lando.
- 22ma di junio - Ter-tremo kun forteso 6.2 che skalo di Richter frapas la frontiero inter Afganistan e Pakistan, e produktas adminime 1000 morti e 1500 plusa homi vundita.[41]
- 24ma di junio - Polical agado che povra quartero Vila Cruzeiro, norde del Rio de Janeiro rezultas 23 morti.[42]
- 26ma di junio - Landi de G7 renkontras en Germania por diskutar sancioni kontre Rusia pro l'invado di Ukraina. Li decidas proskriptar importaco di Rusa oro.
- 1ma di julio - Yair Lapid sucedas Naftali Bennett kom chefministro di Israel.
- 7ma di julio - Britaniana chefministro Boris Johnson renuncas, pos serio di renunci di altra membri di lua ministraro.[43]
- 8ma di julio - Shinzo Abe, ex-chefministro di Japonia, asasinesas per pafo dum diskursado en Nara.
- 11ma di julio - Unesma imaji veninta de kosmala teleskopo James Webb montresas publike. Li montras galaxio nomizita SMACS 0723.
- 12ma di julio - Europana Uniono anuncas ke Kroatia adoptos Euro kom monetaro en 2023.
- 15ma di julio - En Sri-Lanka, prezidanto Gotabaya Rajapaksa renuncas, pos protesti kontre ekonomiala krizo. Chefa ministro Ranil Wickremesinghe indikesas provizore kom prezidanto.
- 18ma di julio - En India eventas prezidantal elekti, e Draupadi Murmu divenas la duesma muliero elektita por la prezidanteso en la lando.
- 22ma di julio - Alihan Suleimanov divenis championo dil ACA (MMA) en kategorio ad 66 kg.
- 24ma di julio - En Kyushu, Japonia, volkano Sakurajima eruptas, e du urbeti vicine ol evakuesas.[44]
- 25ma di julio - Papo Franciskus voyajas a Kanada, ube ilu pregas pardono por pasinta abuzi da katolik-eklezio kontre aborijeni.
- 4ma di agosto - Pro la vizito di Usana deputatino Nancy Pelosi a Taiwan, Popul-Republiko Chinia facas la maxim granda militala praktikado de lua historio.
- 7ma di agosto - Gustavo Petro, l'unesma prezidanto di sinistra de Kolumbia, asumas la prezidanteso, sucedanta Iván Duque Márquez.
- 9ma di agosto - James Marape rielektesas chefministro di Papua-Nova-Guinea dal parlamento.
- 12ma di agosto - En Chautauqua, Nova-York, Usa, Salman Rushdie, Britanian-Usana skriptisto naskinta en India, vundesas per kultelo plurafoye ante diskursar che lokala edukerio.
- 15ma di agosto - En Kenia, William Ruto elektesas prezidanto, malgre akuzi pri elektala fraudo.[45]
- 24ma di agosto - João Manuel Gonçalves Lourenço, prezidanto di Angola, rielektesas kun granda majoritato.
- 27ma di agosto - Magomedrasul Gasanov divenis championo dil ACA en kategorio ad 84 kg.
- 27ma di agosto - Alihan Vahayev divenis championo dil ACA en kategorio ad 120 kg.
- 1ma di septembro - Viro probas mortigar per pafado Arjentiniana viceprezidantino Cristina Fernández de Kirchner avan elua rezideyo. La viro, arestita pose da policisti, naskis en Brazilia e portis tatuuri kun temi naziista en lua korpo.[46]
- 5ma di septembro - Liz Truss divenas chefministrino dil Unionita Rejio.
- 8ma di septembro - Princo Charles de Wals divenas Charles la 3ma di Unionita Rejio pos la morto di ilua matro, rejino Elizabeth la 2ma.
- 12ma di septembro - Azerbaijan atakas pozicioni an la frontiero kun Armenia, proxim urbi Vardenis, Goris, Sotk e Jermuk, ed okupas kelka arei. L'atako produktas la morto di 49 Armeniani e 50 Azerbaijanani.[47]
- 14ma til la 24ma di septembro - Uragano Fiona frapas Guadelupa, Porto-Riko, Dominikana Republiko, minacas Insuli Turks e Kaikos e frapas Bermuda.[48] En Porto-Riko ol produktas 8 morti. Dum la nokto di la 24ma di septembro, Fiona frapas Newfoundland, ed efektigas inundado e granda destruktado di proprieti che urbeto Port aux Basques.[49]
- 17ma di septembro - Invado di Ukraina da Rusia: pos forta kontreatako Ukrainana che l'esto di la lando, Rusia kunvokas rezervo-trupi, e minacas uzar nuklear armi. Usana prezidanto Joe Biden advertas Putin ke ne uzez nuklear armi en Ukraina.[50]
- 25ma di septembro - Tifono Noru frapas Filipini, e produktas 5 morti e multa destruktado ed inundadi.[51] Preventive, multa regioni norde de la lando evakuesis ye l'antea dio.[52]
- 26ma di septembro - Dum probo por krear protekto-sistemo kontre kolizioni di granda asteroidi kontre la Tero, spaconavo DART de Nasa kolizionas sucese kontre asteroido Dimorphos.
- 28ma di septembro - En Donetsk, Luhansk, e parti de Zaporizhzhia e Kherson, regioni este de Ukraina, eventas plebiciti pri lia anexi a Rusia. Per granda majoritati - 99,23%, 98,42%, 93,11% e 87,05%, rispektive - l'anexo aprobesas, tamen kun plu kam 75% de absenteso. Ca plebiciti judikesas kom simuli da Europana Uniono ed Usa.[53]
- 30ma di septembro - Per dekreto, Vladimir Putin signatas pakti qui anexas regioni Donetsk, Luhansk, Zaporizhzhia e Kherson, este de Ukraina.[54]
- 1ma di oktobro - Che stadio Kanjuruhan, en Malang, Indonezia, eventas violentoza tumulto pos futbalo-partio, qua rezultas 182 morti.[55]
- 5ma di oktobro - Membri de ONEP decidas diminutar diala produktado di petrolo per 2 milion bareli, afektanta tota mondo.
- 7ma til la 10ma di oktobro - Tropikala tempesto Julia trairas Karibia, frapanta Trinidad e Tobago, Aruba, Bonaire, Kuracao, la nordo di Venezuela e Kolumbia, e pluforteskas e ter-venas kom uragano en Nikaragua, frapanta anke Panama, Honduras, Guatemala e Mexikia kom uragano til la 10ma di oktobro. En tota ca landi ol asociesas kun violentoza tempesti qui efektigas fango-glitadi e produktas entote 76 morti.[56]
- 8ma di oktobro - Explozo che ponto liganta Krimea a Rusia interuptas terala komuniko inter la du teritorii.[57]
- 20ma di oktobro - Pos guvernala krizo, Liz Truss renuncas 45 dii pos asumar kom chefministrino di Unionita Rejio.[58]
- 25ma di oktobro - Rishi Sunak divenas chefministro di Unionita Rejio.
- 26ma di oktobro - Pafado mortigas adminime 15 shia-peregrini en Shiraz, Iran.
- 28ma di oktobro - Elon Musk anuncas ke lu kompris Twitter.
- 29ma di oktobro - Adminime 156 personi mortas e 152 plusa homi vundesas pro pelmelo dum Halloween-festo en Seou, Sud-Korea.
- 29ma di oktobro - Atako da terorista grupo Al-Shabaab en Somalia produktas 100 morti e cirkume 300 plusa homi vundita.
- 30ma di oktobro - En Brazilia, eventas la duesma balotado por prezidanto, e Luiz Inácio Lula da Silva vinkas Jair Bolsonaro.
- 30ma di oktobro - Ponto krulas en Gujarat, India, e produktas adminime 141 morti.
- 11ma di novembro - invado di Ukraina da Rusia: Ukrainana trupi rikaptas Kerson, la maxim granda urbo kaptita da Rusia dum l'invado.
- 13ma di novembro - Nataša Pirc Musar elektesas kom unesma muliero prezidanto di Slovenia.
- 16ma di novembro - Depos 50 yari de la lasta misiono Apollo, NASA sendas senkrua kosmoprobilo Orion ad orbito di la Luno, kom parto de la misiono Artemis.[59]
- 20ma di novembro til la 18ma di decembro - Eventas Mondala Kupo di Futbalo en Katar. Arjentinia vinkas Francia en la lasta partio, e vinkas la Kupo triesmafoye en la historio.
- 20ma di novembro - Pafado en geya drinkerio en Colorado Springs, Kolorado, produktas 5 morti e 25 plusa homi vundita.
- 21ma di novembro - Ter-tremo kun forteso 5.6 che skalo di Richter frapas Java, Indonezia e produktas adminime 252 morti.[60]
- 25ma di novembro - En Aracruz, Brazilia, 16-yar-evanta studanto eniras pafante en du skoli e produktas 3 morti e 13 plusa personi vundita.
- 28ma di novembro - Ter-glitado che choseo BR-376, proxim municipo Guaratuba, Paraná, Brazilia, produktas adminime 30 personi desaparinta.[61]
- 7ma di decembro - Kongreso di Peru revokas prezidanto José Pedro Castillo Terrones pos ke ilu probis facar stato-stroko. Viceprezidantino Dina Boluarte asumas la povo.[62]
- 17ma di decembro – Leo Varadkar sucedas Micheál Martin kom chefministro di Republiko Irlando.
- 24ma di decembro - Koalisuro di tri partisi che parlamento di Fidji elektas Sitiveni Rabuka kom chefministro.
- 28ma di decembro - Usa ed altra landi itere adoptas restrikti por flugi venanta de Popul-Republiko Chinia e Japonia, pro nova erupto dil viruso KOVID-19, qua produktabas dozeni di mortala kazi omnadie en granda urbi Chiniana.
Naski
Morti
.jpg)
- 2ma di januaro - Richard Leakey, Keniana paleontologiisto (n. 1944)[63]
- 3ma di januaro - Viktor Saneyev, Rusa-Sovietiana atleto, Olimpiala championo (n. 1945)[64]
- 5ma di januaro - Mircea Stoenescu, Rumaniana futbalisto (n. 1943)[65]
- 6ma di januaro - Sidney Poitier, Bahaman-Usana cinem-aktoro (n. 1927)[66]
- 6ma di januaro - Peter Bogdanovich, Usana filmifisto (n. 1939)[67]
- 9ma di januaro - Toshiki Kaifu, chefministro di Japonia (n. 1931)[68]
- 9ma di januaro - Bob Saget, Usan aktoro e komediisto (n. 1956)[69]
- 10ma di januaro - Øystein Lønn, Norvegiana skriptisto (n. 1936)[70]
_(headshot).jpg)
- 11ma di januaro - Ernest Shonekan, prezidanto di Nigeria (n. 1942)[71]
- 16ma di januaro - Ibrahim Boubacar Keïta, chefa ministro e prezidanto di Mali (n. 1945)[72]
- 20ma di januaro - Elza Soares, Braziliana kantistino (n. 1930)
- 20ma di januaro - Meat Loaf, Usana kantisto (n. 1947)
- 23ma di januaro - Thierry Mugler, Franca modisto (n. 1948)
- 23ma di januaro - Keto Losaberidze, Gruziana-Sovietiana arkpafistino (n. 1949)
- 2ma di februaro - Monica Vitti, Italian aktorino (n. 1931)[73]
- 3ma di februaro - Abu Ibrahim al-Hashimi al-Qurashi, 2ma kalifo de Islamana Stato (n. 1976)[74]
_(headshot).jpg)
- 3ma di februaro - Kristos Sartzetakis, 4ma prezidanto di Grekia (n. 1929)[75]
- 8ma di februaro - Luc Montagnier, Franca virologiisto, Nobel-laureato (n. 1932)[76]
- 10ma di februaro - Manuel Esquivel, chefministro di Belize (n. 1940)[77]
- 16ma di februaro - Amos Sawyer, provizora prezidanto di Liberia (n. 1945)
- 20ma di februaro - Oleksandr Sydorenko, Ukrainana natisto, Olimpiala championo (n. 1960)
- 28ma di februaro - Abuzed Omar Dorda, prezidanto di Libia (n. 1944)[78]
.jpg)
.jpg)
- 7ma di marto - Muhammad Rafiq Tarar, prezidanto di Pakistan (n. 1929)[79]
- 11ma di marto - Rupiah Banda, prezidanto di Zambia (n. 1937)[80]
- 12ma di marto - Karl Offmann, prezidanto di Maurico (n. 1940)[81]
- 13ma di marto - William Hurt, Usan aktoro (n. 1950)[82]
- 19ma di marto - Shahabuddin Ahmed, prezidanto di Bangladesh (n. 1930)[83]
- 21ma di marto - Soumeylou Boubèye Maïga, chefministro di Mali (n. 1954)
- 25ma di marto - Taylor Hawkins, Usana kantisto (n. 1972)
- 27ma di marto - Ayaz Mutalibov, prezidanto di Azerbaijan (n. 1938)
- 31ma di marto - Georgi Atanasov, chefministro di Bulgaria (n. 1933)
- 3ma di aprilo - Lygia Fagundes Telles, Braziliana skriptistino (n. 1918)[84]
- 4ma di aprilo - Django Sissoko, chefministro di Mali (n. 1948)
- 5ma di aprilo - Sidney Altman, Kanadan-Usana ciencisto, Nobel-laureato (n. 1939)[85]
- 7ma di aprilo - Dušan Čkrebić, chefministro e prezidanto di Serbia (n. 1927)
- 9ma di aprilo - Jack Higgins, Angla skriptisto (n. 1929)
- 13ma di aprilo - Freddy Rincón, Kolumbiana futbalisto (n. 1966)[86]
- 21ma di aprilo - Mwai Kibaki, prezidanto di Kenia (n. 1931)[87]
- 21ma di aprilo - Jacques Perrin, Franc aktoro e filmifisto (n. 1941)
- 10ma di mayo - Leonid Kravchuk, prezidanto di Ukraina (n. 1934)[88]
- 13ma di mayo - Khalifa bin Zayed Al Nahyan, prezidanto di Unionita Araba Emirati (n. 1948)[89]
- 13ma di mayo - Ben Roy Mottelson, Usana-Daniana fizikisto, Nobel-laureato (n. 1926)
- 17ma di mayo - Vangelis, Greka kompozisto e muzikisto (n. 1943)
- 26ma di mayo - Ciriaco De Mita, prezidanto di Italia (n. 1928)
- 26ma di mayo - Ray Liotta, Usan aktoro (n. 1954)[90]
- 28ma di mayo - Evaristo Carvalho, chefministro e prezidanto di San-Tome e Principe (n. 1941)
- 28ma di mayo - Bujar Nishani, prezidanto di Albania (n. 1966)[91]
- 30ma di mayo - Milton Gonçalves, Brazilian aktoro (n. 1933)
- 30ma di mayo - Boris Pahor, Sloveniana skriptisto (n. 1913)[92]
- 9ma di junio - Matt Zimmerman, Kanadan aktoro (n. 1928)
- 17ma di junio - Jean-Louis Trintignant, Franc aktoro (n. 1930)
- 21ma di junio - Dragan Tomić, provizora prezidanto di Serbia (n. 1936)
- 22ma di junio - Jüri Tarmak, Estoniana-Sovietiana atleto (n. 1946)
- 3ma di julio - Robert Curl, Usana ciencisto, Nobel-laureato (n. 1933)[93]
- 6ma di julio - James Caan, American actor (n. 1940)[94]
- 7ma di julio - Jacob Nena, prezidanto di Mikronezia (n. 1941)[95]
- 8ma di julio - Shinzo Abe, chefministro di Japonia (n. 1954)[96]
- 8ma di julio - José Eduardo dos Santos, prezidanto di Angola (n. 1942)[97]
- 8ma di julio - Luis Echeverría Álvarez, prezidanto di Mexikia (n. 1922)[98]
- 14ma di julio - Francisco Morales Bermúdez, chefa ministro e prezidanto di Peru (n. 1921)[99]
- 18ma di julio - Claes Oldenburg, Sueda-Usana skultisto (n. 1929)
- 25ma di julio - David Trimble, Nord-Irlandana politikisto, Nobel-laureato (n. 1944)[100]
- 31ma di julio - Fidel Valdez Ramos, prezidanto di Filipini (n. 1928)[101]
- 5ma di agosto - Jô Soares, Braziliana komediisto, aktoro, skriptisto e televiziono-prizentisto (n. 1938)[102]
- 7ma di agosto - Ezekiel Alebua, chefministro di Insuli Salomon (n. 1947)
- 8ma di agosto - Olivia Newton-John, Angla-Australiana kantistino, kompozistino, aktorino e politikal aktivistino (n. 1948)[103]
- 12ma di agosto - Wolfgang Petersen, Germana filmifisto e cenaristo (n. 1941)
- 14ma di agosto - Stefan Gierowski, Polona piktisto (n. 1925)[104]
- 16ma di agosto - Joseph Henry Delaney, Angla skriptisto (n. 1945)[105]
_(cropped).jpg)
- 30ma di agosto - Mihail Sergeyevich Gorbachyov, lasta chefo di Soviet-Uniono (n. 1931)[106]
- 2ma di septembro - Frank Donald Drake, Usan astronomo e astrofizikisto (n. 1930)
- 8ma di septembro - Rejino Elizabeth la 2ma dil Unionita Rejio (n. 1926)[107]
- 11ma di septembro - Alain Tanner, Suisa filmifisto (n. 1929)
- 13ma di septembro - Jean-Luc Godard, Franca-Suisiana filmifisto (n. 1930)[108]
- 14ma di septembro - Irene Papas, Greka cinem-aktorino[109] (n. 1926)
- 15ma di septembro - Saul Kripke, Usana filozofo e logikisto (n. 1940)
- 19ma di septembro - Valeri Polyakov, Rusa kosmonauto (n. 1942)
- 23ma di septembro - Louise Fletcher, Usan aktorino (n. 1934)
- 24ma di septembro - Hudson Austin, militisto e chefo di guvernerio di Grenada (n. 1938)
- 28ma di septembro - Coolio, Usana kantisto ed aktoro (n. 1963)
- 2ma di oktobro - Éder Jofre, Braziliana boxisto (n. 1936)[110]
- 4ma di oktobro - Loretta Lynn, Usana kantisto e kompozisto (n. 1932)
- 9ma di oktobro - Bruno Latour, Franca filozofo, antropologo e sociologo (n. 1947)[111]
- 17ma di oktobro - Younoussi Touré, chefa ministro di Mali (n. 1941)
- 26ma di oktobro - Pierre Soulages, Franca piktisto, imprimisto e skultisto (n. 1919)
.jpg)
- 28ma di oktobro - Jerry Lee Lewis, Usana kantisto e muzikisto (n. 1935)[112]
- 4ma di novembro - Balakh Sher Mazari, provizora chefministro di Pakistan (n. 1928)
- 5ma di novembro - Karmenu Mifsud Bonnici, chefministro di Malta (n. 1933)[113]
- 6ma di novembro - Edward C. Prescott, Usan ekonomikisto, Nobel-laureato (n. 1940)[114]
- 9ma di novembro - Gal Costa, Braziliana kantistino (n. 1945)[115]
- 9ma di novembro - Rolando Boldrin, Braziliana kantisto, kompozisto e televiziono-prizentisto (n. 1936)[116]
- 16ma di novembro - Isabel Salgado, Braziliana volebalistino (n. 1960)
- 22ma di novembro - Pablo Milanés, Kubana kantisto, kompozisto e muzikisto (n. 1943)
- 22ma di novembro - Erasmo Carlos, Braziliana kantisto e kompozisto (n. 1941)
- 25ma di novembro - Irene Cara, Usana kantistino, kompozistino ed aktorino (n. 1959)[117]
- 30ma di novembro - Jiang Zemin, chefo di Komunista partiso e prezidanto di Popul-Republiko Chinia (n. 1926)[118]
- 5ma di decembro - Kirstie Alley, Usan aktorino (n. 1951)
- 6ma di decembro - Adolfas Šleževičius, chefministro di Lituania (n. 1948)[119]
- 17ma di decembro - Nélida Piñon, Braziliana skriptisto (n. 1937)
- 18ma di decembro - Lando Buzzanca, Italian aktoro (n. 1935)[120]
.webp)
- 29ma di decembro - Edson Arantes do Nascimento (Pelé), Braziliana futbalisto (n. 1940)[121]
- 29ma di decembro - Vivienne Westwood, Britaniana modisto (n. 1941)
- 29ma di decembro - Edgar Savisaar, provizora chefministro di Estonia (n. 1950)[122]
- 31ma di decembro - Papo Benediktus la 16ma (n. 1927)[123]
Nobel-premiiziti
- Fiziko: Alain Aspect, John Clauser, Anton Zeilinger[124]
- Kemio: Carolyn Bertozzi, Morten P. Meldal, Karl Barry Sharpless[125]
- Fiziologio o Medicino: Svante Pääbo[126]
- Literaturo: Annie Ernaux[127]
- Paco: Ales Bialiatski, Societo Memorial, Centro por Civila Liberesi
- Ekonomiko: Ben Shalom Bernanke, Douglas Diamond, Philip Hallen Dybvig
Referi
- ↑ 1,0 1,1 Una mirada a la sequía en América del Sur - Publikigita da UICN. Dato di publikigo: 17ma di junio 2022. Idiomo: Hispana.
- ↑ El reto de la sequía en Argentina | Desastre en las plantaciones de yerba mate - Publikigita da Euronews. Dato di publikigo: 22ma di marto 2022. Idiomo: Hispana.
- ↑ La sequía deja a Paraguay sin soja: industrias tienen para procesar solo hasta junio - Publikigita da América Economía. Dato di publikigo: 16ma di februaro 2022. Idiomo: Hispana.
- ↑ Mortes pelas chuvas chegam a 24 em São Paulo - Publikigita da Folha de S.Paulo. Dato di publikigo: 31ma di januaro 2022. Idiomo: Portugalana.
- ↑ 5,0 5,1 Desastre provocado pelas fortes chuvas deixa 78 mortos em Petrópolis (RJ) - Publikigita da CNN Brasil. Idiomo: Portugalana.
- ↑ Enchentes em Pernambuco: entenda, veja detalhes da tragédia e como ajudar - Publikigita da Costa Norte. Dato di publikigo: 30ma di mayo 2022. Idiomo: Portugalana.
- ↑ Após resgate da última vítima de enchentes em Pernambuco, bombeiros e cães retornam a Fortaleza - Publikigita da Diário do Nordeste. Dato di publikigo: 5ma di junio 2022. Idiomo: Portugalana.
- ↑ Passa de 66 mil o número de desalojados e desabrigados por causa das chuvas em Alagoas - Publikigita da G1. Dato di publikigo: 5ma di julio 2022. Idiomo: Portugalana.
- ↑ Fumaça de queimadas na Amazônia chega a São Paulo, Paraná e Bolívia - Publikigita da G1. Dato di publikigo: 7ma di septembro 2022.
- ↑ Amazônia tem dias seguidos com mais de 3.000 queimadas simultâneas - Publikigita da UOL. Dato di publikigo: 5ma di septembro 2022.
- ↑ Bolsonaro corta R$ 8,6 mi de controle de incêndios florestais em Orçamento - Publikigita da Época Negócios. Dato di publikigo: 24ma di januaro 2022. Idiomo: Portugalana.
- ↑ 12,0 12,1 Australia matches its hottest day on record as Western Australia town hits 50.7C - Publikigita da The Guardian. Dato di publikigo: 13ma di januaro 2022.
- ↑ Parts of Australia suffer drought and low rainfall as La Niña and climate change create weather extremes - Publikigita da The Guardian. Dato di publikigo: 10ma di marto 2022. Idiomo: Angla.
- ↑ Calor e seca fecham fábricas na Europa e na China - Publikigita da Climainfo. Dato di publikigo: 19ma di agosto 2022. Idiomo: Portugalana.
- ↑ Heatwave: Ferocious European heat heads north - Publikigita da BBC News. Dato di publikigo: 19ma di julio 2022. URL vidita ye 19ma di julio 2022.
- ↑ Governo britânico declara seca em oito regiões de Inglaterra - Publikigita da Público. Dato di publikigo: 12ma di agosto 2022. Idiomo: Portugalana.
- ↑ China's Yangtze river shrinks as heatwave, drought threaten crops - Publikigita da REUTERS. Dato di publikigo: 15ma di agosto 2022. Idiomo: Angla.
- ↑ Pakistan floods: Appeals for aid as 119 more die in a day - Publikigita da BBC. Dato di publikigo: 28ma di agosto 2022.
- ↑ Pakistan declares floods a ‘climate catastrophe’ as death toll tops 1,000 - Publikigita da The Guardian. Dato di publikigo: 28ma di agosto 2022. Idiomo: Angla.
- ↑ Horn of Africa Drought: Regional Humanitarian Overview & Call To Action - Publikigita da ReliefWeb. Dato di publikigo: 4ma di julio 2022. Idiomo: Angla.
- ↑ Extrema sequía en México: declaran emergencia y racionarán agua en varias ciudades - Publikigita da La República. Dato di publikigo: 13ma di agosto 2022. Idiomo: Hispana.
- ↑ Sobe para 26 o número de mortos em inundações no Kentucky (EUA) - Publikigita da UOL. Dato di publikigo: 31ma di julio 2022.
- ↑ Carbon dioxide now more than 50% higher than pre-industrial levels - Publikigita da NOAA. Dato di publikigo: 3ma di junio 2022. URL vidita ye 5ma di junio 2022.
- ↑ ‘No one can win a nuclear war’: Superpowers release rare joint statement - Publikigita da The Sydney Morning Herald. Dato di publikigo: 4ma di januaro 2022. URL vidita ye 4ma di januaro 2022.
- ↑ Kazakh protesters torch public buildings; emergency declared, Cabinet resigns - Publikigita da Reuters. Dato di publikigo: 5ma di januaro 2022. Idiomo: Angla.
- ↑ Global Coronavirus Cases Top 300 Million - Publikigita da The New York Times. Dato di publikigo: 7ma di januaro 2022. Idiomo: Angla.
- ↑ Al menos 8 muertos y dos desaparecidos tras la caída de una porción de montaña rocosa contra varios barcos en Brasilpublikigita ye=8ma di januaro 2022 - Publikigita da CNN en Español.
- ↑ University of Maryland School of Medicine Faculty Sciencists and Clinicians Perform Historic First Successful Transplant of Porcine Heart into Adult Human with End-Stage Heart Disease - Publikigita da University of Maryland Medical Center. Dato di publikigo: 10 January 2022. URL vidita ye 11ma di januaro 2022.
- ↑ Man gets genetically-modified pig heart in world-first transplant - Publikigita da BBC News. Dato di publikigo: 10ma di januaro 2022.
- ↑ Após tsunami em Tonga, EUA, Japão, Chile e Equador ficam em alerta - Publikigita da UOL. Dato di publikigo: 15ma di januaro 2022. Idiomo: Portugalana.
- ↑ Mutinous soldiers announce overthrow of Burkina Faso president - Publikigita da The Washington Post. Dato di publikigo: 24ma di januaro 2022. Idiomo: Angla.
- ↑ Petrópolis. Mais de 100 mortos e número de desaparecidos ainda por apurar. Situação "quase de guerra" - Publikigita da Diário de Notícias. Idiomo: Portugalana.
- ↑ Putin inicia guerra contra a Ucrânia; Kiev e Otan falam em invasão total - Publikigita da UOL. Dato di publikigo: 24ma di februaro 2022. Idiomo: Portugalana.
- ↑ Los rusos sitian la central nuclear de Zaporiyia - Publikigita da El Mundo. Dato di publikigo: 2ma di marto 2022. Idiomo: Hispana.
- ↑ Global Covid-19 deaths surpass 6 million - Publikigita da cnn.com. Dato di publikigo: 7ma di marto 2022.
- ↑ Children under rubble, says Zelensky, as Russia bombs hospital - Publikigita da bbc.co.uk. Dato di publikigo: 9ma di marto 2022. Idiomo: Angla.
- ↑ Endurance: Shackleton's lost ship is found in Antarctic - Publikigita da BBC News. Dato di publikigo: 9 March 2022. URL vidita ye 9ma di marto 2022. Idiomo: Angla.
- ↑ Avião com 132 pessoas a bordo cai na China; veja vídeo - Publikigita da G1. Dato di publikigo: 21ma di marto 2022.
- ↑ 19 crianças e professora são assassinadas a tiros em escola nos EUA - Publikigita da G1. URL vidita ye 26ma di mayo 2022. Idiomo: Portugalana.
- ↑ Police arrest 2 after building fire kills 27 in New Delhi - Publikigita da The Independent. Dato di publikigo: 14ma di mayo 2022. Idiomo: Angla.
- ↑ News agency: 1,000 dead, 1,500 injured in Afghan quake - Publikigita da The Washington Post. Dato di publikigo: 22ma di junio 2022. Idiomo: Angla.
- ↑ Ação na Vila Cruzeiro é a 2ª mais letal da história do Rio - Publikigita da DW. Dato di publikigo: 27ma di mayo 2022. Idiomo: Portugalana.
- ↑ Boris Johnson to resign as Conservative leader - Publikigita da BBC. Dato di publikigo: 7ma di julio 2022.
- ↑ Volcanic eruption in Japan forces evacuations in 2 towns - Publikigita da Phys.org. Dato di publikigo: 25ma di julio 2022.
- ↑ Kenya election result: William Ruto wins presidential poll - Publikigita da BBC. Dato di publikigo: 15ma di agosto 2022. URL vidita ye 17ma di septembro 2022. Idiomo: Angla.
- ↑ Ataque a Cristina Kirchner: quién es el detenido que apuntó con un arma a la vicepresidenta - Publikigita da Clarín. Dato di publikigo: 1ma di septembro 2022. Idiomo: Hispana.
- ↑ Attacks on Armenia represent dangerous escalation - Publikigita da The Jerusalem Post. Dato di publikigo: 13ma di septembro 2022. URL vidita ye 14ma di septembro 2022. Idiomo: Angla.
- ↑ Furacão Fiona atinge Bermudas; Canadá se prepara para grande impacto - Publikigita da UOL. Dato di publikigo: 23ma di septembro 2022. Idiomo: Portugalana.
- ↑ 'Total devastation' as Port aux Basques declares state of emergency due to post-tropical storm Fiona - Publikigita da CBC News. Dato di publikigo: 24ma di septembro 2022. Idiomo: Angla.
- ↑ Joe Biden le advirtió a Vladimir Putin que no use armas nucleares en Ucrania: “Se convertiría en el mayor paria que el mundo ha visto nunca” - Publikigita da InfoBAE. Dato di publikigo: 17ma di septembro 2022. Idiomo: Hispana.
- ↑ Typhoon Noru smashes into the Philippines, killing 5 and leaving villages in tatters - Publikigita da CNN. Dato di publikigo: 26ma di septembro 2022. Idiomo: Angla.
- ↑ Typhoon Noru: Evacuations in Philippines as explosive super typhoon nears - Autoro: BBC. Publikigita da Yahoo! News. Dato di publikigo: 25ma di septembro 2022. Idiomo: Angla.
- ↑ Moscow's proxies in occupied Ukraine regions report big votes to join Russia - Publikigita da Reuters. Dato di publikigo: 28ma di septembro 2022.
- ↑ Putin Frames Illegal Annexation as Part of Existential Battle with West - Publikigita da The New York Times. Dato di publikigo: 30ma di septembro 2022.
- ↑ At least 182 killed in stampede after soccer game in Indonesia, team says - Publikigita da Washington Post. URL vidita ye 2ma di oktobro 2022. Idiomo: Angla.
- ↑ Número de mortos após chuva na Venezuela vai a 36; furacão Julia faz vítimas no Caribe - Autoro: FolhaPress. Publikigita da Yahoo Notícias. Dato di publikigo: 10ma di oktobro 2022. Idiomo: Portugalana.
- ↑ Crimean bridge fire: Blaze erupts on only bridge linking peninsula to Russia Publikigita da BBC News. Dato di publikigo: 8ma di oktobro 2022. Idiomo: Angla.
- ↑ Liz Truss resigns - and will become shortest-serving prime minister in British history - Publikigita da Sky News. URL vidita ye 20ma di oktobro 2022. Idiomo: Angla.
- ↑ Acompanhe a chegada da missão Artemis 1 à Lua ao vivo - Publikigita da Olhar Digital. Idiomo: Portugalana.
- ↑ Vai a 252 o nº de mortos após terremoto na Indonésia - Publikigita da G1. Dato di publikigo: 22ma di novembro 2022. Idiomo: Portugalana.
- ↑ PR: Deslizamento na BR-376 tem ao menos 30 desaparecidos, estimam bombeiros - Publikigita da UOL. Dato di publikigo: 30ma di novembro 2022. Idiomo: Angla.
- ↑ Peru's President impeached and arrested after he attempts to dissolve Congress - Publikigita da CNN. Dato di publikigo: 7ma di decembro 2022. Idiomo: Angla.
- ↑ Message of Condolence from H.E Hon. Uhuru Kenyatta following the death of former Head of Public Service Dr Richard Leakey
- ↑ Georgian Three-Time Olympic Champion Viktor Saneyev Passes Away Publikigita da Georgian Journal. Dato di publikigo: 3ma di januaro 2022. Idiomo: Angla.
- ↑ Mircea Stoenescu Publikigita da Romanian Journal. Dato di publikigo: 5ma di januaro 2022. Idiomo: Rumana.
- ↑ Sir Sidney Poitier dead: Oscar-winning Hollywood star tragically dies as tributes pour in
- ↑ Peter Bogdanovich, Oscar-Nominated Director and Champion of Hollywood's Golden Age, Dies at 82 - Autoro: Gregg Kilday, Duane Byrge. Publikigita da The Hollywood Reporter. Dato di publikigo: 6ma di januaro 2022. URL vidita ye 6ma di januaro 2022.
- ↑ Ex-Japan PM Kaifu dies at 91 -
- ↑ Muere Bob Saget, estrella de la famosa serie "Full House" - Publikigita da El Universal. Dato di publikigo: 9ma di januaro 2022. Idiomo: Hispana.
- ↑ Forfatter Øystein Lønn er død: - En litterær kjempe - Publikigita da vg.no. Dato di publikigo: 11ma di januaro 2021. Idiomo: Norvegiana.
- ↑ Former Nigerian leader Ernest Shonekan dies at 85 - Autoro: Jenny Ese Obukohwo. Publikigita da The Streetjournal. Dato di publikigo: 11ma di januaro 2022. Idiomo: Angla.
- ↑ Mali's ousted president Ibrahim Boubacar Keita dies, former minister says
- ↑ È morta Monica Vitti, talento smisurato del cinema italiano - Publikigita da la Repubblica. Dato di publikigo: 2ma di februaro 2022. URL vidita ye 7ma di februaro 2022.
- ↑ Islamic State leader Abu Ibrahim al-Qurayshi killed in Syria, US says - Publikigita da Bbc.com. Dato di publikigo: 4ma di februaro 2022. URL vidita ye 7ma di februaro 2022.
- ↑ Former president Christos Sartzetakis dead at 92 | eKathimerini.com - Publikigita da Ekathimerini.com. URL vidita ye 7ma di februaro 2022.
- ↑ Luc Montagnier, codécouvreur du virus du sida et Prix Nobel de médecine en 2008, est mort - Idiomo: Franca.
- ↑ Former Prime Minister Right Honourable Sir Manuel Esquivel passes
- ↑ وفاة أبوزيد دوردة في القاهرة عن عمر ناهز 78 عاما - Publikigita da Alwasat News. URL vidita ye 28ma di februaro 2022. Idiomo: Araba.
- ↑ Former Pakistan president Rafiq Tarar passes away
- ↑ Zambia's former president Rupiah Banda dies aged 85 -
- ↑ Karl Offmann n’est plus. - Idiomo: Franca.
- ↑ William Hurt Dies: Oscar-Winning Actor Was 71 -
- ↑ Former president Shahabuddin passes away
- ↑ Escritora Lygia Fagundes Telles morre aos 98 anos em SP - Idiomo: Portugalana.
- ↑ Sidney Altman, pathbreaking scientist
- ↑ Ídolo colombiano Freddy Rincón morre aos 55 anos - Idiomo: Portugalana.
- ↑ Ex-President Mwai Kibaki dies, Uhuru announces - Publikigita da Pulselive Kenya. Dato di publikigo: 22ma di aprilo 2022. URL vidita ye 22ma di aprilo 2022.
- ↑ Leonid Kravchuk Died. First President Of Ukraine Passed Away At Age Of 88 - Idiomo: Angla.
- ↑ UAE President Sheikh Khalifa bin Zayed has died at age 73 - Publikigita da CNBC. Dato di publikigo: 13ma di mayo 2022. URL vidita ye 13ma di mayo 2022. Idiomo: Angla.
- ↑ Ray Liotta Dies: 'Goodfellas' Star & 'Field Of Dreams' Actor Was 67 - Publikigita da Deadline. Dato di publikigo: 26ma di mayo 2022. URL vidita ye 26ma di mayo 2022. Idiomo: Angla.
- ↑ Former Albanian President, Bujar Nishani, passed away at 55
- ↑ Boris Pahor, Trieste-based Slovenian writer, dies
- ↑ Chemistry Nobel laureate Robert Curl dies at 88
- ↑ James Caan, ‘Godfather’ and ‘Thief’ Actor, Dies at 82
- ↑ In Memoriam: The Honorable Jacob Nena
- ↑ Former Prime Minister Shinzo Abe dies after being shot in Nara - Dato di publikigo: 8ma di julio 2022.
- ↑ Angola's former president dos Santos dies at 79
- ↑ Fallece Luis Echeverría Álvarez, presidente de México de 1970 a 1976 Hispana
- ↑ Francisco Morales Bermúdez falleció a los 100 años - Publikigita da El Comercio. Dato di publikigo: 15ma di julio 2022. Idiomo: Hispana.
- ↑ David Trimble: Former Northern Ireland first minister and UUP leader dies
- ↑ Autoro: Rex Bookstore, Inc.. Philippine History Module-based Learning I' 2002 Ed. Publikigita da Google Books.
- ↑ Brazilian humorist, talk show host Jô Soares dies at 84 - Publikigita da AP NEWS. Dato di publikigo: 5ma di agosto 2022. URL vidita ye 2022-08-06. Idiomo: Angla.
- ↑ Olivia Newton-John, estrela de 'Grease', morre aos 73 anos - Publikigita da UOL. Dato di publikigo: 8ma di agosto 2022. Idiomo: Portugalana.
- ↑ Stefan Gierowski - Publikigita da Culture.PL. URL vidita ye 9ma di marto 2014. Idiomo: Polona.
- ↑ Spook's author Joseph Delaney dies aged 77 - Publikigita da BBC. Idiomo: Angla.
- ↑ Умер Михаил Горбачев - Publikigita da NEWS.ru. Dato di publikigo: 30ma di agosto 2022. Idiomo: Rusa.
- ↑ O ADEUS À RAINHA - Publikigita da UOL. Dato di publikigo: 8ma di septembro 2022. Idiomo: Portugalana.
- ↑ Jean-Luc Godard est mort Franca
- ↑ Πέθανε η σπουδαία ηθοποιός Ειρήνη Παπά (traduko ad Ido: “la grand aktorino Irene Papas mortis”) - Dato di publikigo: 14ma di septembro 2022. Idiomo: Greka.
- ↑ Éder Jofre, ex-pugilista, morre aos 86 anos em SP - Publikigita da g1.globo.com. Dato di publikigo: 2ma di oktobro 2022. Idiomo: Portugalana.
- ↑ Mort de Bruno Latour, le philosophe qui a déconstruit la science (idiomo: Franca)
- ↑ Morre Jerry Lee Lewis, um dos nomes mais importantes do rock'n'roll, aos 87 anos - Autoro: Marcos Nogueira. Publikigita da UOL. Idiomo: Portugalana.
- ↑ Former Prime Minister Karmenu Mifsud Bonnici dies, aged 89 - Publikigita da Times of Malta.
- ↑ Edward C Prescott (1940-2022): Economist, Teacher, Mentor and Friend - Publikigita da College of Liberal Arts. URL vidita ye 7ma di novembro 2022. Idiomo: Angla.
- ↑ Biografia de Gal Costa - eBiografia - URL vidita ye 22ma di novembro 2022. Idiomo: Portugalana.
- ↑ Cantor, ator e apresentador Rolando Boldrin morre aos 86 anos - Publikigita da Revista Quem. Dato di publikigo: 22ma di novembro 2022. Idiomo: Portugalana.
- ↑ Irene Cara, Oscar-winning singer of title tracks to 'Flashdance,' 'Fame' dies at 63, rep says
- ↑ Former Chinese leader Jiang Zemin dies aged 96 - Publikigita da BBC News. Dato di publikigo: 30ma di novembro 2022. URL vidita ye 30ma di novembro 2022.
- ↑ Ex-PM Šleževičius passes away
- ↑ Murió Lando Buzzanca, un símbolo del cine italiano - Autoro: Redacción ESpectáculos. Publikigita da Clarin. Idiomo: Hispana.
- ↑ Brazilian soccer legend Pelé dies at 82 - Publikigita da CNN. Dato di publikigo: 29ma di decembro 2022. Idiomo: Angla.
- ↑ Suri Edgar Savisaar Estoniana
- ↑ Adiós a Benedicto XVI, humilde trabajador de la viña del Señor - Autoro: Redacción. Publikigita da Vatican News. Dato di publikigo: 31ma di decembro 2022. URL vidita ye 31ma di decembro 2022. Idiomo: Hispana.
- ↑ Three scientists share physics Nobel prize for quantum mechanics work - Autoro: Nicola Davis. Publikigita da The Guardian. Dato di publikigo: 4ma di oktobro 2022. URL vidita ye 5ma di oktobro 2022. Idiomo: Angla.
- ↑ Nobel Prize in Chemistry Is Awarded to 3 Sciencists for Work ‘Snapping Molecules Together’ - Autoro: Cora Engelbrecht, Euan Ward, Oliver Whang. Publikigita da The New York Times. Dato di publikigo: 5ma di oktobro 2022.
- ↑ Nobel Prize goes to Svante Paabo for Neanderthal work - Publikigita da BBC News. Dato di publikigo: 4ma di oktobro 2022. URL vidita ye 5ma di oktobro 2022. Idiomo: Angla.
- ↑ https://www.theguardian.com/books/2022/oct/06/annie-ernaux-wins-the-2022-nobel-prize-in-literature