Къаьзи

Къа́ьзи (эрс: князь) — феодальни монархи йолча паччахьалкхен (къаьзечен) да́ е IX-XVI бӀаьшерашка дукхагӀа словаьний къамашта юкъе хинна лакхагӀа лаьтта́ча аьлано паччахьалкхен цхьан даькъа́ доалде увттавеш хинна урхаз; цхьа къаьстта болча политически кхоллама да́ (къаьстта вола къаьзи). Словаьнашта юкъе феодальни аристократен викал хиннав; тӀехьагӀа — лакхера дворянски титул лоархӀаш хиннай. Къаьзе лоадама даржага хьажжа принцашца е герцогашца лоархӀаш хиннав Малхбузерча е ЗӀилбухерча Европе. Юкъерча Европе (Супа Рума импери хиннача) цу титулах фюрст оалаш хиннад, хӀаьта ГӀинбухерча Европе — конунг оал. Къаьзеш иштта цхьадолча кавказа къамашта юкъе а хиннаб.

Литературе а лебеча метта юкъе а «къаьзи» яхача термина когаметта дукхагӀча даькъе «аьла» яха термин лелаю. Уж дешаш маӀанца тара дале а, башхало я царна юкъе: «аьла» яхачун маӀан шерагӀа да.