Wp/nit/జవాహర్ లాల్ నెహ్రూ

జవాహర్ లాల్ నెహ్రూ, నేండే దేశం త మొదల్ ప్రధాని అనంగి దేశముంగ్ సటి లడిల్ త నాయకుడు.పండిత్ జీ ఇనెక పేరుంగ్ వత్త ఇమ్న్ద్ కవి,పండిత్,చరిత్ర కారుడు ఎన్నెంద్.భారత రాజకీయముత్ జోరత నెహ్రూ - గాంధీ ఖాందాన్ త పోరక్ ఎన్నేంద్.

తోలెనితా బత్క్

పుట్టెకాద్,ఖాన్ధాన్

జవహర్ లాల్ నెహ్రూ బ్రిటిష్ ఇండియా త యునైటెడ్ ప్రావిన్స్ త అలహాబాదు (పంగి ఉత్తర్ ప్రదేశ్ రాష్ట్రంత భాగం) పట్నముత్ 1889 నవంబర్ 14 సింతే 11:30 వేల కాశ్మీర్ పండిట్ ఖాంధన్ ఉత్ జన్మ వత్తెంద్.ఇమ్నే బాంధ్ మోతీలాల్ నెహ్రూ బారిస్టర్ వెనకాత కాలాముత్ జాతీయ ఉద్యమముత్ అంత్ నిమ్మాట్ (2) భారత జాతీయ కాంగ్రెస్ పార్టీన్గ్ అధ్యక్షుడు పని ఇదార్తెంధ్.అమ్మ స్వరూపరాణి తుస్సు లాహోర్ ఉన్ అనెక కాశ్మీర్ పండిట్ ఖాన్ధాన్ తాద్ ఎంద్.మోతీలాల్ నే తొలెనిత మాస ఒకో పాపలూంగ్ జన్మ సియెంగ అద్ అనంగి పాపన తీర్తే. అధుంగ్ వెనకత్ స్వరూపరాణిన్ పెండ్లిక్ ఎద్దెంద్.మోతీలాల్ నెహ్రూ,స్వరూపరాణి ఇవురుంగ్ మొదల్ కీకే జవహర్ లాల్.

జవాహార్ లాల్ నెహ్రూ లే దొడ్డ మనకాక్ కాశ్మీర్ షివార్ తాంద్ రాజ్కౌల్ ఇనేకాంద్ ఢిల్లీ వత్ అండెంద్.నెహ్రూ నే ఖాన్ధాన్తార్ ఢిల్లీ త మొఘల్ పాలకు వాలడ్ ముందార్ వై వత్తెర్. కౌల్ ఇనేక అసల్ పేరుంగ్ సంగ్ నెహ్రూ ఇనేక పెనొకో పేర్ ఇట్టేర్. వరెంగ వరెంగా కౌల్ ఇనేక పేర్ నెహ్రూ ఇనేకాధ్ మిక్తీన్.జవాహార్ లాల్ నెహ్రూ పుట్టెంగ్ కొన్ని నెల అంశావ్ ఇనెంగ అమ్నే బాన్ద్ మోతిలాల్ తీర్తెంధ్.అనట కాలమూత్ అవ్రే దాదాకేర్ శాడ కరప్ గత్తెర్.మోతీలాల్ నెహ్రూ లాయర్ కరాపుత్ సోయాత పేర్, బాకీ కమయ్ ఇధార్ తెంద్.జవాహార్ లాల్ నెహ్రూ పుట్టేంగ్ మూంది సాల్కు (3) తోలెని అమ్నే పనింగ్ వాలాడ్ కాన్పూర్ తన అలహాబాద్ వత్ అండేర్.జావాహర్ లాల్ నెహ్రూ పుట్టెంగా ఎల్ల కళకళ మెరుప్స అండిన్.అమ్మ స్వరూపరాణిన్ వాలడ్ ఎల్లత్ నెండే దేశం త సంప్రదాయ,పండుగ ఇదార్ నేర్.పిల్లక్ వాలాడ్ జావాహార్ లాల్ పాత కథ, జానపద కథ విన్నెంద్. అవ్రె అమ్మ గంగత్ ఈర్ ఓడేకద్,దెయ్యమున్ మొక్కేకాద్ ఇదార్ గంద్ జవాహర్ లాల్ నాడ్.జవాహార్ లాల్ పుట్టెంగ్ తొలే ని బాన్ద్ పేర్ కమయిప్త ఒకో లాయర్. ఆదుంగ్ వెనకత కాలం బ్రిటిష్ బారిష్టర్ ఎద్దా మోతీలాల్ నెహ్రూ దండి మనకాక్ లాంగ్ పని ఇదార్నెంద్.ఎల్లత్ కూబ్ సోయతా ఒడేక వంత,టెన్నిస్ గ్రౌండ్ అన్నేవ్.

చిన్నం అనెంగా

సోయత ఖాన్ధాన్ ఉత్ అవురుంగ్ మోదల్ కికె ఏరేకదున్ వాలాడ్ జవాహార్ లాల్ నెహ్రూన్ కూబ్ లాడి గోడి నాడ్ ఒల్నేర్.జవాహార్ లాల్ ఉన్ కొన్ని నెల కాన్వెంట్ షాడత్ కరాప్గత్తెంద్ అవ్రే బాన్ద్.అత్తి సోయ్ తోద్ ఇస ఎల్లతి కరపేంగ్ ఎద్దేంద్. ఆమునుంగ్ మహాపండితుడు ఎద్ధా గంగానాథా ఝా సంస్కృత విద్య,అనీ బిసెంట్ ఇడ్త ఫెర్డినాండ్ టీ.బ్రూక్స్ ఇనేక దివ్యజ్ఞాన సమజ్ త పోరాక్ ఇంగ్లీష్ ఇడ్నేర్.మూన్ది సాల్కూ(3)బ్రూక్స్ నెహ్రూ ఉంగ్ ట్యూటర్ లాంగ్ అండెన్ద్.అమ్నే బారేంగ్ వెనకాత్ నెహ్రూ ముడుత్ ఇడ్తెంధ్ అన్ వెంట మూన్ది సాల్కు (3)ఆంత్ అన్ ఎంతేయో ముందర్ వై కొత్తెంద్ ఇంస.

షాడ కరపెకాధ్

మోతీలాల్ జవాహర్ లాల్ పర్వెట్ షాడన్ తీర్పుత్ 1905 మే నెలత్ ఎళ్లత మంది బ్రిటన్ వై సెద్దేర్.అత్తి హెరో షాడత్ పోరకుంగ్ సీట్ వర్గతెంద్.సోయ్ కరపుత్ పేర్ కమయ్ కత్తెంద్.అనంగి కరపెంగ కరపెంగా హేరో షాడ త బతక్ పొదే రగ్ వర్సాద్.1905 ఉత్ నెండే దేశముత్ అనంగి దునియాత్ ఎరేక రాజకీయ లోళ్లిక్ పొదె నజర్ ఇట్టెంద్.1905 ఏద్ధ బెంగాల్

విభజన,అద్ బెంగాల్ త జాతీయోద్యమం పెట్ తిన్ననంగ్ పనిక్ పెల్లెగ్ ఎద్దేవ్.హేరో షాడత్ ఆమ్ద్ కరపేకదున్ ఓలుత్ కట్నం లాంగ్ చరిత్రకారుడు జి.ఎం.ట్రవెల్యాన్ ఇటలీ జాతీయవాది,సైన్యం త అధ్యక్షుడు ఎద్ద గారిబాల్డ్ నే పుస్తకే రోమట్టే.

కేంబ్రిడ్జి షాడ

జవాహార్ లాల్ 1907 ఉత్ కేంబ్రిడ్జి సెరెక పరీక్ష వాయుత్ పాస్ ఏత్ అద్ధి సాల్ అక్టోబర్ నెలత్ ట్రినిటీ కళశాలన్గ్ సెద్దెంద్.నడుమున్ ఉబ్బ కాలం సుట్టిక్ ల దినాలతి ఐర్లాండ్ ఉన్ తిరుగుతూ ఒళ్తెంద్.కేంబ్రిడ్జి షాడత్ ఇమ్న్ధ్ రసాయనశాస్త్రం,భువిజ్ఞాన శాస్త్రం,భౌతిశాస్త్రలున్ సుమ్ముత్ కొన్ని దినాలుంగి భౌతకశాస్త్రం ఉన్ సాయుత్ వృక్షశాస్త్రం ఎక్తేంద్.ఈ షాడత్ జవాహర్ లాల్ అంతే మెనత్ ఇధారుత్ కరపేతెంద్.అఖిరి ట్రైఫోన్ పరీక్షలతి రెండవ లైన్ ఉత్ పాస్ ఎద్ధేంద్.అనంగ్ 1910 ఉత్ ఆనర్స్ డిగ్రీ పాస్ ఎద్ధేంద్.