Wp/wlx/Wa Naa Jangu

Wa Nayiri e yɛ yiri ko a Waala noba Naa a wuli ka ba na la yaga Wa puoŋ a Ɔpa Wɛse Irigyin poɔ, Gaana. O be la a teŋɛ sensɔgaŋ kyɛ e a naa yideme zaa yiri, naa yiri tontomba ane a nembɛrɛ naŋ be a naa yiri. O e la nazage ko yipɔge, paati paati yɛlɛ, ŋmempuori ane lammo zie ko a noba. A nazaŋe poɔ, a Naa maŋ zeŋ la gbeŋeni gane zu kyɛ bee waala gane zu, kyɛ ka ba kyɛlɛɛ na zeŋ nagane bee peroo gane zu.

Meɛroŋ

A Wa Naayiri dankyinni e la te dakoroŋ saŋa tɛnɛɛ birikyie ka ba pãã mɛ ne Sudano-Sahelian meɛbo gɔɔloŋ. A yi peɛroo poɔ, a meɛbo gɔɔloŋ ŋa e la Moorish ane Sahel-Sudan deme teɛrɛ lantaa. Dagaaba sagedeebo la ka dakoroŋ na teŋzu yie fēē zie la be Wa Naa paaloŋ poɔ bonso, ba ba taa a meɛbo gɔɔloŋ naŋ senne ka ba na kaara a.

Yelkore

Palace Pillas (2)

Noba naŋ baŋ yelkorɔ bo ka Wa noba yi la Sudan naŋ be Africa lɔɔ seŋ. Gbɛɛ yaga ba da e la nenyoɔre ane meŋ ba da maŋ kyɛŋɛɛ melɛ na bɔ bondirii ko ba donne. Ba naŋ wa zeŋ ba pampana teŋɛ baare, ba biŋɛɛ naa ka lɛ wane Wa Naa yuori zu kuruu, ka Wa Naa e wederɛ naŋ e kpoŋ ko a noba. Wulbo wuli ka yuomo 19 kɔɔre poɔ, a nazaŋo da mɛɛ la ne warema bee tembie dankyimie ane dalugo na teɛ a peɛ. A zie da meɛ la na gu ba yi ba dondonne zie ane zɔɔzɔɔ boma ka ba naŋ na wa zɔɔ ne ba. O meŋ la e la kuunɛɛ ũũ zie ko Namine kore ba naŋ ũũ a nazaŋo nimitɔɔreŋ.

Nɔɔre Yeni Noba

A yuoni 2009 poɔ, a World Monuments Fund da laŋ la ne a Gaana Museums ane Monuments Board ka ba kaa nyɛ lɛ na ba naŋ na e gu a lugiri zimeɛraa. Ba de o la ka o e a zimɛ soŋ na kaŋa ane dakoroŋ meɛbo na kaŋa naŋ kyɛre anaŋ seŋ ka ba gu o. A yelnyɔgeraa ŋa da baarɛɛ a yuoni 2012 poɔ.