John Kerry

John Forbes Kerry es un politico del Unit States de America. Il nascet li 11 de decembre 1943 in Aurora in li state federal Colorado e esset inter li 1 de februar 2013 til li 1-im de februar 2017 li ministre por externi aferes del Unit States de America. John Kerry es membre del Democratic Partise e candidat sin successe quam presidente del Unit States de America contra George W. Bush in li annu 2004.

Personal e professional vive

John Kerry es li filio del diplomat Richard J. Kerry (1915-2000) e de Rosemary Isabel Forbes (1913-2002). Pro li profession de su patre John Kerry passat mult annus de su yunesse in Euruopa.

John Kerry studiat political scienties in li Universitá de Yale. Il anunciat se voluntarimen in li US Navy e fat un education quam oficero. Il partiprendet in li Guerre de Vietnam, ma revenit in li Unit States il devenit un oponente proeminent del guerre. Pos su servicie militari Kerry studiat jurisprudentie in Boston. Il finit li studie in li annu 1976. Inter 1976 e 1979 il laborat procurator in li state federal Massachusetts. Il apertet in li annu 1979 con quelc colegos un cancellería de avocate. In li annu 1982 in changeat in li politico.

John Kerry maritat li 23 de marte 1970 Julia Stimson Thorne (1944-2006) qui esset li filia de un diplomat. Li cuple have li du filias Alexandra Forbes Kerry (nascet in li annu 1973) e Vanessa Bradford Kerry (nascet in li annu 1976). In li annu 1996 li cuple divorciat e Julia Stimson Thorne morit in li annu 2006 pro cáncere de mammes.

Desde li 26 de may 2005 John Kerry es maritat con Teresa Heinz.

Political cariera

1972 Kerry candidat sin successe in Massachusetts por un sede in li Dom de Representantes .
1982 Kerry devenit vice-guvernator de Massachusetts.
1985-2013 John Kerry esset membre del Senate por Massachusetts.
2004 John Kerry candidat sin successe quam candidate del Democratic Partise contra George W. Bush.
2013-2017 John Kerry esset del 1-im de februar 2013 til li 1-im de februar 2017 ministre por externi aferes del Unit States de America in li guvernament de presidente Barack Obama.