Wikipedia:Marionettismo
![joculo marionette facite de calcettas con buttones pro oculos](http://upload.wikimedia.org/wikipedia/commons/thumb/8/80/Sockenpuppentanz2.jpg/190px-Sockenpuppentanz2.jpg)
Le uso de multiple contos de usator de Wikipedia con intention improprie se appella marionettismo (in anglese sock puppetry, litteralmente marionettismo a calcetta).
Le intentiones improprie include essayos de deciper o inducer in error altere personas, perturbar discussiones, distorquer le consenso, evitar sanctiones, evader blocages, o violar le normas e politicas del communitate.
In general, le redactores de Wikipedia debe usar al maximo un conto. Usar un conto singule mantene le continuitate del redaction, meliora le responsabilitate, e augmenta le fide del communitate, lo que adjuta a mantener le encyclopedia stabile a longe termino.
Le marionettismo pote assumer varie formas:
- Crear nove contos pro evitar detection
- Usar le conto de un altere persona (piggybacking)
- Clauder session pro facer modificationes problematic attribuite a un adresse IP
- Revivificar ancian contos disusate (a vices appellate contos dormiente) e presentar los como altere usatores
- Persuader a amicos o personas cognoscite de crear contos a fin de supportar un latere de un disputa (usualmente appellate meatpuppetry, marionettismo incarnate).
Le misuso de multiple contos es considerate un infraction grave al fide del communitate. Illo pote resultar in:
- un blocage de tote le contos involvite
- le expulsion del usator marionettista o sockmaster detra le contos (cata un del quales es un marionette o sockpuppet)
- le divulgation public de tote le contos e adresses IP usate trans Wikipedia e su projectos affin
- le (potential) divulgation public de qualcunque activitate del "mundo real" o information personal considerate relevante pro impedir marionettismo o certe altere abusos in le futuro.[1]
Le redactores qui vole usar plus de un conto pro un ration valide deberea inserer ligamines inter illos in le respective paginas de usator, con un explication del objectivo de cata conto o del relation inter illos. Si desirate, le paginas de usator e de discussion de un conto pote esser redirigite al altere. Le redactores qui usa contos alternative sin ligar, o qui modifica sin session como adresse IP, deberea evitar con cura qualcunque cruciamento inter le articulos o themas, proque mesmo activitates innocue como correction de probas, wikificar, o inserer ligamines pote esser considerate marionettismo in alicun casos, e intentiones innocue generalmente non servira de excusa.
Referentias
[modificar fonte]- ↑ Le politica de confidentialitate del Fundation Wikimedia (anglese):
- "Nos spera que isto nunquam se producera, ma nos pote divulgar tu information personal si nos crede que es rationabilemente necessari […] pro proteger nostre organisation, empleatos, contractatores, usatores o le publico. Nos pote equalmente divulgar tu information personal si nos crede rationabilemente que es necessari pro deteger, impedir o alteremente evalutar e resolver problemas eventual de spam, malware, fraude, abuso, activitate illegal e complicationes technic o de securitate."