Normannos
| Normannos |
|---|
| instantia de: ethnic group[*] |
| subclasse de: Romance people[*] |
|
|
| Commons: Normans |
Le Normannos[1] (normanno: Normaunds, francese: Normands, anglese: Normans) era un gente ethnic que veniva de colonos viking que emigrava ab Scandinavia verso Francia del Nord. Le region ubi illes se estabiliva in le seculo 10 deveniva cogniscite como Normandia. Le Normannos habeva un effecto profunde in le historias de Francia, Anglaterra, Sicilia e locos altere.
Le nomine veniva de Norðmaðr in le lingua norse antique, que significa "homines del nord". Le colonisation se comenciava durante le secunde medio del seculo 9. Le majoritate del colonos veniva ab Danmark, ma alteros veniva de Norvegia e Islanda. Le rege francese Carolo le Simple acceptava le colonia quando le chef normanne Rollo signava un tractato e spondeva loyalitate verso le rege francese in 911. Le tractato establiva le Ducato de Normandia sub Rollo e su descendentia. Le Normannos adoptava costumes francese e un version del lingua francese, le lingua normanne (o francese normanne).
Le Normannos era famose pro lor successos e innovationes militar, lor explorationes, lor fide catholic, lor architectura distinctive e traditiones de musica. Un expedition per Gulielmo le Conquisitor faceva le conquesta normanne de Anglaterra post lor victoria al Battalia de Hastings in 1066. Lor exploratores conquireva Sicilia, Malta e Italia del Sud e fundeva le Regno de Sicilia in 1130 sub Roger II. Le influentia politic e cultural del Normannos se diffuseva verso le resto del Insulas Britannic, le Peninsula Iberic (durante le Reconquista), Africa del Nord e le statos del cruciadas, ubi Bohemundo I fundeva le Principalitate de Antiochia.
Ante le fin del Medievo, le Normannos se assimilava in le culturas de lor regnos. Lor legato continue hodie con le linguas e dialectos de Francia, le Regno Unite, Espania e Italia, e con su innovationes cultural, politic e judicial.
Le lingua normanne hodie continua a ser parlate e in Normandia e in le Insulas Normanne (normanno: Îles d'la Manche; francese: Îles Anglo-Normandes; anglese: Channel Islands) in le Manica.
Vide etiam
[modificar | modificar fonte]Wikipedia in le lingua normanne