Muggle
Un Muggle, in le libros del serie Harry Potter scripte per J. K. Rowling, es le appellation usate per magos pro un persona non-magic nascite in un familia non-magic (un persona non-magic nascite in un familia de magos es appellate un "Squib"). Le Muggles forma un societate que manca potentia magic ma pote compensar partialmente per usar lor technologia, basate in scientia.
![](http://upload.wikimedia.org/wikipedia/commons/thumb/0/03/The_Curies_in_the_garden_of_their_home_near_Paris_%281908%29_%28cropped%29.jpg/342px-The_Curies_in_the_garden_of_their_home_near_Paris_%281908%29_%28cropped%29.jpg)
In le secunde edition (1991) del Oxford English Dictionary il ha tres parolas muggle. Le prime, con citationes solmente del anglese medieval, es "allegate" a significar cauda in le dialecto de anglese de Kent, del qual es derivate un parola muggling significante homine caudate. Del secunde, que ha citationes solmente del 17e seculo, le dictionario non ha un definition, dicente solmente "origine e significantia obscure." Le tertie es un parola del argot statounitese del medie del 20e seculo (le prime citation es del anno 1926) significante marijuana o cigarretta de marijuana.