Joseph Smith, Jr.
Joseph Smith, Jr. |
---|
instantia de: esser human |
![]() |
|
sito web official: https://josephsmith.net, https://www.josephsmithpapers.org/ |
Commons: Joseph Smith (LDS founder) |
Joseph Smith junior nasceva le 23 decembre 1805 in Sharon, contato de Windsor, Vermont, Statos Unite de America, filio de Joseph e Lucy Mack Smith. Ille habeva dece fratres e sorores. Su genitores le habeva inseniate a precar, leger le Biblia e a haber fide in lor Deo.
Al etate de 14 annos, Joseph pretendeva de haber vidite Deo le Patre e Su Filio, Jesus Christo, in su prime vision. A 17 annos Joseph pretendeva que ille comenciava a reciper le visita de messageros celestial que le preparava pro le rolo que ille haberea habite in le restauration del Ecclesia de Jesus Christo sur le terra. Le membros del Ecclesia de Jesus Christo del Sanctos del Ultime Dies pretende que ille esseva un propheta del Senior, como illes del Biblia.
In le mythologia del mormones Joseph Smith recipeva ab un angelo le placas ex le quales ille traduceva le Libro de Mormon (vide su Testimonio).
Como le burgomaestro de Nauvoo, Illinois ille ha ordinate le destruction del pressa de un jornal que ha criticate Smith. Pro iste attacco e pro su abuso de su officina ille e su fratre Hyrum era cargate pro actos de violentia e traition e imprisionate a Carthage, Illinois attendente lor judicio. Ibi dum ille attendeva le processo sub le protection del stato, ille e su fratre esseva assassinate per colpos de fusil le 27 junio 1844 per un turba de homines mascarate con lor visages depingite de nigre.