Cassandra
| Cassandra |
|---|
| instantia de: personage del mythologia grec[*] |
.jpg) 
|
|
|
| Commons: Cassandra |
In le mythologia grec, Cassandra (greco: Κασσάνδρα "illa qui adjuta le homines"[1]), etiam cognoscite qua Alexandra, esseva le filia del Rege Priamo e Regina Hecuba de Troia. Pro su beltate, le deo Apollon la dava le dono del prophetia. Sed quando illa non reciprocava le amor de ille, Apollon la malediceva assi que necuno crederea jammais su predictiones.
In un version alternative, illa passava un nocte al templo de Apollon con su gemino Heleno, quando le serpentes del templo la leccava munde le aures, assi que illa poteva audir le futuro. [2]
Apollon se inamorava de Cassandra e quando illa non reciprocava, ille la malediceva assi que su dono devenirea un fonte de dolor e frustration eterne. In alcun versiones del mytho, isto se symbolisava per le deo spuente in le ore de illa.
Ben que Cassandra prevideva le destruction de Troia (illa advertiva le Troianos super le Cavallo de Troia), le morte de Agamemnon, e su proprie decesso, illa non poteva facer alcun cosa pro anticipar iste tragedias. Su familia credeva que illa esseva folle, e secundo alcun versiones, la teneva incarcerate. In iste versiones, su incarceration esseva le causa que illa deveniva realmente folle, sed in altere versiones illa remaneva solmente mal comprendite.
Post lor victoria in le Guerra de Troia, le grecos capturava Cassandra, qui habeva cercate protection in le templo de Athena. Pro iste sacrilegio, Athena causava naufragios e mortos inter le grecos durante lor viage de retorno.[3]
Referentias
[modificar | modificar fonte]- ↑ Dictionary.com Unabridged (v 1.1). Basate in Random House Unabridged Dictionary, 2006, Random House, Inc. http://dictionary.reference.com/browse/cassandra, accedite le 6 de augusto 2008.
- ↑ Isto es un thema frequente in le mythologia grec, ben que a vices illo porta un capacitate de comprender le linguage del animales plus tosto que un capacitate de cognoscer le futuro. Comparar Melampo; Athena nettava le aures de Tiresias.
- ↑ The American Heritage® New Dictionary of Cultural Literacy, Third Edition. Capitulo: Mythology and Folklore. 2005, Houghton Mifflin Company. http://dictionary.reference.com/browse/cassandra, accedite le 6 de augusto 2008.