Հայերեն

«բարի» ժեստը հայերեն ժեստերի լեզվով

Արտասանություն

ՄՀԱ: [bari]

վանկեր՝ բա•րի

Ստուգաբանություն

Ածական

բնավորությամբ, էությամբ ոչ չար, բարեսիրտ, ուրիշներին լավություն անող, լավ վերաբերվող, կարեկցող ◆ Եղել է ձեզ նման մի թագավոր, ունեցել է երկու որդի, մինը բարի—մյուսը չար։ Հովհաննես Թումանյան ◆ Ես քեզ շատ բարի էի կարծում, մինչդեռ ամենաանխիղճներից մեկն ես եղել։ (Նար-Դոս)
լավություն սիրող, բարեսիրտ, գթոտ
լավ, գովելի
անվնաս, անվտանգ, լավ, ապահով ◆ Թագավորից ինչքան հեռու, այնքան բարի։ (Ավետիք Իսահակյան)
անփորձանք, հաջող ◆ Աստված բարի ճամփա տա… գնաս բարով։ Հովհաննես Թումանյան
բախտավոր, նպաստավոր
օգտակար, բարենպատակ, նպաստավոր, հանրօգուտ ◆ Արա դու նույնը, ինչ որ ես էի անում և կտեսնես, որ մի բարի գործ կատարած կլինես։ (Նար-Դոս)
անմեղ, անվնաս
բարիք, հաջողություն, ուրախություն ավետող, նշող, ուրախալի, ուրախություն պատճառող ◆ բարի լուր ◆ բարի նշան
ոչնչով չարատավորված, անարատ, անբիծ ◆ բարի անուն ◆ բարի հիշատակ ◆ բարի համբավ
տե՛ս բարիք ◆ Խանութի ապրանքն թանկ էին ծախում, իսկ գյուղացու բարին համարյա ձրի էին առնում։ Ռափայել Պատկանյան ◆ Հարի՛, հարի՛ խնոցի՛, մեջդ բարի խնոցի՛։ Հովհաննես Թումանյան
բարություն ◆ Աշխարհ լցվեց լուսն ու բարին, լուսն ու բարին անարատ։ Հովհաննես Թումանյան
բարիք բաշխող ◆ Անհոգ խմեցին բարի աղբյուրից։ (Ավետիք Իսահակյան)
բարեհոգի, միամիտ ◆ Նա բարի մարդ է, ամեն ինչի հավատում է։
եղանակավորիչ բառ, որ արտահայտում է համաձայնություն՝ հավանություն—լավ, խնդրեմ, թող այդպես լինի ◆ Քեռի Մարտին… Այդ բոլորը բարի։ (Ակսել Բակունց)
բարոյական օրենքներին համապատասխան, առաքինի

(բրգ․) բարոյական գիտակցության առավել ընդհանուր հասկացություններից և բարոյագիտության առավել կարևոր կատեգորիաներից մեկը

Հոմանիշներ

բարեհոգի, բարեմիտ, բարեսիրտ, մեղմասիրտ, փափկասիրտ, անչար, գթոտ, ողորմած, գթասիրտ, գթասեր, ազնիվ, առաքինի, պարկեշտ, անհիշաչար, ներողամիտ

Արտահայտություններ

բարի աչք -1. բարեգուշակ։ 2. բարեբեր, ոչ վնասակար
բարի աչքով նայել -
- բարյացակամ լինել մեկի նկատմամբ, լավ վերաբերվել, օգնել, նպաստել
- հաջողություն ընձեռել
բարի գալուստ - ջերմ ողջույնի և ուրախության արտահայտություն՝ մեկի գալստյան առթիվ, գալդ բարի ◆ Բարի գալուստ, –մրմնջաց տիկինը, շրթունքները կրծելով։ (Շիրվանզադե)
բարի գիշեր - գիշերվա հրաժեշտի արտահայտությունը ◆ Նրանք բարի գիշեր մաղթեցին և դուրս եկան։ Դերենիկ Դեմիրճյան
բարի երեկո - երեկոյի ողջույնի արտահայտությունը
բարի լինել - բարեհաճել
բարի լույս - առավոտյան ողջույնի արտահայտությունը
բարի լույսը բացվել ― լուսանալ
բարի հաջողում, բարի աջողում -
- բարեմաղթության արտահայտություն՝ թող գործդ հաջող լինի
- (ժղ․) ողջույնի արտահայտություն ◆ Բարի աջողում, ուստա փիսո, գլուխս մրսեց ի սեր աստծո։ Հովհաննես Թումանյան
բարի ճանապարհ ― որևէ տեղ մեկնողին ուղղված հրաժեշտի ողջույն, ողջերթ ◆ Բարի ճանապարհ ձեզ, — բարեմաղթեց նա։ Դերենիկ Դեմիրճյան
բարի եղեք - քաղաքավարական խնդրանքի ձև
բարի կամքի մարդիկ - ժողովուրդներին բարիք և խաղաղություն ցանկացող ազնիվ մարդիկ
(հեգն․) բարի պտուղ - անարժան, անպետք
բարի վայելում - ուրախությամբ վայելես ◆ Բարի վայելում, —գոչում են երիտասարդները։ Սերո Խանզադյան
բարի օր - ցերեկվա ողջույնի արտահայտությունը ◆ Բարի օր քեզ, ա՛յ խանութպան ։ Հովհաննես Թումանյան
բարի օր տալ - ողջունել, բարի օր ասել
բարի օրինակ - օրինակելի բան, գործ, մարդ ◆ Ընկերական ժողովներում հաճախ այն միտքն է արծարծվել, թե հայ գյուղացին զուրկ է մնում առաջնորդից, սրտացավ խորհրդատուից, բարի օրինակից։ (Մուրացան)
բարին արևդ - բարին, բարությունը քեզ լինի (բարև, ողջույնի պատասխան), կյանքդ բարի լինի
բարի կամեցողությունից, կամքից կախված լինել - վարվել ցանկացած ձևով

Թարգմանություններ
անգլերեն՝ good, kind գերմաներեն՝ gut դանիերեն՝ իսպաներեն՝ bueno իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ добрый (ru) ‎(dobryj), сердечный (ru) ‎(serdečnyj), удачный (ru) ‎(udačnyj), полезный (ru) ‎(poleznyj), знаменующий (ru) ‎(znamenujuščij), незапятнанный (ru) ‎(nezapjatnannyj) վրացերեն՝ კარგი ֆրանսերեն՝ bon

Գոյական

այն, ինչ որ իր էությամբ լավ է՝ ազնիվ է՝ օգտակար է
բարիք

Թարգմանություններ
անգլերեն՝ good գերմաներեն՝ das Gute դանիերեն՝ իսպաներեն՝ bien իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ добро (ru) ‎(dobro) վրացերեն՝ ֆրանսերեն՝ bien

Մակբայ

հոժարության, համաձայնության արտահայտություն

Աղբյուրներ

Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

Խմբագրությամբ Ի․ Ս․ Կոնի, Բարոյագիտական բառարան, Երևան, ««Հայաստան» հրատարակչություն», 1985 — 200 էջ։

բարի2

Ստուգաբանություն

Բացատրություն

(լեզվբ․) աֆրիկյան լեզու․ պատկանում է սուդանական խմբին (Սուդանի հարավային սահմաններում)

Հոմանիշներ

Թարգմանություն

Աղբյուրներ

Հ.Զ. Պետրոսյան, Ս.Ա. Գալստյան, Թ.Ա. Ղարագյուլյան, Լեզվաբանական բառարան, Երևան, «Հայկական ՍՍՀ Գիտությունների Ակադեմիա», 1975 — 328 էջ։