SAT (թեստ)
.svg){kind=logo}
SAT, ստանդարտավորված թեստ՝ նախատեսված ԱՄՆ-ի գրեթե բոլոր քոլեջների և համալսարանների համար։ Թեստը ստեղծվել է 1926 թ. Կրթական Թեստավորման Ծառայության կողմից։ Թեստի նպատակն է ստուգել աշակերտի իմացությունները համալսարան ընդունվելուց առաջ։ Նրա անվանումը փոփոխվել է մի քանի անգամ։ Սկզբում այն կոչվում էր Scholastic Aptitude Test, իսկ այժմ՝ Scholastic Assessment Test։
Անգլերենի և մաթեմատիկայի իմացության ստուգման համար նախատեսված է SAT I թեստը (SAT Reasoning Test)։ Այն ստեղծվել է 2005 թ.-ին։ Թեստը ներառում է 3 մաս՝ մաթեմատիկա, կարդալու ունակություններ և գրելու ունակություններ (Mathematics, Critical Reading, Writing)։ Առավելագույն միավորը յուրաքանչյուր հատվածի համար 800 է։ Թեստի արդյունքում հանձնողը առավելագույնը կարող է հավաքել 2400, իսկ նվազագույնը՝ 200 միավոր։ Թեստը վճարովի է և արժե 81 ԱՄՆ դոլար միջազգային աշակերտների համար։ ԱՄՆ-ի լավագույն բուհեր ընդունվելու համար պարտադիր է հանձնել SAT Reasoning Test-ը։
Կառուցվածք
[խմբագրել | խմբագրել կոդը]Թեստը կազմված է 3 հիմնական մասերից՝ մաթեմատիկա, կարդալու ունակություններ և գրելու ունակություններ։ Յուրաքանչյուր մասից կարելի է ստանալ առավելագույնը 800, իսկ նվազագույնը՝ 200 միավոր։ Ամբողջ թեստը բաժանված է 10 ենթամասերի։ Յուրաքանչյուր մաս ներառում է 3 ենթամաս և կա ևս 1 ենթամաս, որը կարող է լինել կամայական 3 մասերից։ Այս ենթամասից ստացված միավորների քանակը չի ազդում թեստի միավորների վրա, սակայն կարող է օգտագործվել հետագա թեստերի համար։ Թեստի ամբողջ տևողությունն է 3ժ 45 ր։ Ենթամասերի հարցերը բարդանում են ըստ հերթականության։
Կարդալու ունակություններ
[խմբագրել | խմբագրել կոդը]Կարդալու ունակությունների մասը կազմված է 3 ենթամասերից՝ երկու 25 և մեկ 20 րոպեանոց հատվածներից։ Այն ներառում է մի քանի տեսակի հարցեր՝ նախադասությունների լրացում, և հարցեր տեքստերից։ Առաջին 5-8 հարցերը վերաբերում են նախադասությունների լրացմանը, իսկ մյուսները՝ տեքստերին։ Նախադասությունների լրացումը ստուգում է հանձնողի բառապաշարը և նախադասություն կազմելու ունակությունները։ Մնացած հարցերը վերաբերվում են տարբեր տեքստերի, որտեղ հանձնողը կարդում է տեքստը և պատասխանում է հարցերի, որոնց պատասխանները ներառված են տեքստում։ Տեքստերի թեմաները լինում են բնական ու հասարակական գիտություններից, կամ պարզապես մարդուն վերաբերվող տարբեր թեմաներից։ Յուրաքանչյուր տեքստին հաջորդող հարցերի քանակը համապատասխանում է տեքստի երկարությանը։ Որոշ առաջադրանքներում հանձնողը պետք է համեմատի 2 տեքստեր։ Դրանք հիմնականում կարճ տեքստեր են։
Մաթեմատիկա
[խմբագրել | խմբագրել կոդը]
Մաթեմատիկայի մասը կազմված է 2 ենթամասերից՝ առաջին 25 և երկրորդ 55 րոպեանոց հատվածներից։
- Առաջին 25 րոպեանոց ենթամասը ներառում է 15 4 հնարավոր պատասխաններով հարց և 5 հարց, որտեղ պետք է գրել խնդրի պատասխանը։
- Երկրորդ 55 րոպեանոց ենթամասը ներառում է 30՝ 4 հնարավոր պատասխաններով հարց և 8 հարց, որտեղ պետք է գրել խնդրի պատասխանը։
Հաշվիչի օգտագործումը
[խմբագրել | խմբագրել կոդը]Թույլատրվում են բոլոր տեսակի հաշվիչներ. պարզագույն գործողություններ կատարող, գիտական (scientific) և գրաֆիկական։ QWERTY ստեղնաշարով, կամ հեռախոսի հաշվիչները խստիվ արգելվում են։
Գրելու ունակություններ
[խմբագրել | խմբագրել կոդը]| Քննության տարեթիվ |
Լեզվաբանական արդյունք |
Մաթեմատիկական արդյունք |
| 1972 | 530 | 509 |
| 1973 | 523 | 506 |
| 1974 | 521 | 505 |
| 1975 | 512 | 498 |
| 1976 | 509 | 497 |
| 1977 | 507 | 496 |
| 1978 | 507 | 494 |
| 1979 | 505 | 493 |
| 1980 | 502 | 492 |
| 1981 | 502 | 492 |
| 1982 | 504 | 493 |
| 1983 | 503 | 494 |
| 1984 | 504 | 497 |
| 1985 | 509 | 500 |
| 1986 | 509 | 500 |
| 1987 | 507 | 501 |
| 1988 | 505 | 501 |
| 1989 | 504 | 502 |
| 1990 | 500 | 501 |
| 1991 | 499 | 500 |
| 1992 | 500 | 501 |
| 1993 | 500 | 503 |
| 1994 | 499 | 504 |
| 1995 | 504 | 506 |
| 1996 | 505 | 508 |
| 1997 | 505 | 511 |
| 1998 | 505 | 512 |
| 1999 | 505 | 511 |
| 2000 | 505 | 514 |
| 2001 | 506 | 514 |
| 2002 | 504 | 516 |
| 2003 | 507 | 519 |
| 2004 | 508 | 518 |
| 2005 | 508 | 520 |
| 2006 | 503 | 518 |
| 2007 | 502 | 515 |
| 2008 | 502 | 515 |
Գրելու ունակություններ մասը ներառում է հարցեր՝ 5 հնարավոր պատասխաններով և էսսե (շարադրության տեսակ)։ Միավորների 70%-ը հավաքվում է 5 հնարավոր պատասխաններով հարցերից, իսկ մնացածը՝ Էսսեից։
Հնարավոր պատասխաններով հարցերը լինում են մի քանի տեսակի՝ սխալի հայտնաբերում, նախադասության լրացում և տեքստի բարելավվման հարցեր։ Առաջին երկուսը ստուգում են հանձնողի քերականական իմացությունները։ Սխալի հայտնաբերման ենթամասում հարկավոր է նշել նախադասության սխալ հատվածը, իսկ եթե նախադասությունը չունի սխալ՝ ընտրել Սխալ չունի (No Error) պատասխանը։ Նախադասության լրացման ենթամասում հարկավոր է ընտրել այն բառը (բառերը), որը տեղադրելով նախադասության մեջ նախադասությունը կստանա իմաստ։ Տեքստի բարելավվման ենթամասը ստուգում է հանձնողի, տեքստը տրամաբանական վիճակի բերելու ունակությունները։ Կարող է ներկայացվել վատ գրված տեքստ և առաջադրվել հարցեր, թե ինչ փոփոխությունների միջոցով է հնարավոր տեքստը բերել տրամաբանական տեսքի։
Գրելու ունակությունների մյուս հատվածը՝ Էսսեն, լինում է ողջ թեստի առաջին ենթամասը և տևում է 25 րոպե։ Էսսեի թեման նախօրոք տրվում է։ Առաջադրվող թեման պարզ է, հստակ և կազմված է այնպես, որ հասանելի լինի հանձնողին։ Էսսեն պետք է լինի պարզ, գրված լինի հասկանալի և լինի առաջադրված թեմայի սահմաններում։ Էսսեն գնահատվում է առավելագույնը 6, նվազագույնը՝ 1 միավոր երկու պրոֆեսիոնալ ստուգողների կողմից։ Հնարավոր է 0 ստանալ այն դեպքում, երբ էսսեն գրված չէ, թեմայից դուրս է, անգլերեն չէ, գրված չէ համար 2 մատիտով, կամ եթե գրված է անհասկանալի ձեռագրով։ Եթե 2 ստուգողների տրված գնահատականները տարբերվում են ավելի քան 1 միավորով, ապա վերջնական որոշումը կայացնում է երրորդ կարդացողը։ Ստուգողի՝ յուրաքանչյուր էսսեն կարդալու միջին ժամանակը 3 րոպեից էլ քիչ է։
Հարցերի տեսակները
[խմբագրել | խմբագրել կոդը]SAT Reasoning Test-ում գրեթե բոլոր հարցերը ընտրովի պատասխաններվ հարցեր են։ Տարբերվում են միայն էսսեն և մաթեմատիկայի այն հարցերը, որտեղ հանձնողը պետք է գրի խնդիրների պատասխանները։ Բոլոր ընտրովի պատասխաններով հարցերը ունեն 5 հնարավոր պատասխան և ճիշտ է միայն մեկը։ Բոլոր ենթամասերում հարցերը՝ ըստ հերթականության բարդանում են։ Բացառություն են կազմում միայն տեքստերը, որոնց հետևող հարցերի հերթականությունը կառուցված է ոչ թե ըստ բարդության, այլ ըստ տեքստում տրված ինֆորմացիայի հաջորդականությամբ։
Թեստի գնահատումը
[խմբագրել | խմբագրել կոդը]Բոլոր հարցերը գնահատվում են հավասարաչափ։ Յուրաքանչյուր ճիշտ պատասխանի համար տրվում է 1 միավոր, սխալ պատասխանի համար՝ հանվում է 0.25, իսկ չգրված պատասխանի համար չի հանվում ոչ մի միավոր։ Այնուհետև հավաքված միավորները փոխվում են 800 միավորանոց համակարգի։
| Մաս | Միջին գնահատական | Ժամանակ (րոպե) | Պարունակությունը |
|---|---|---|---|
| Գրելու ունակություններ | 493 | 60 | Քերականություն, շարադրանք |
| Մաթեմատիկա | 515 | 70 | Թվեր և գործողություններ, հանրահաշիվ և ֆունկցիաներ, երկրաչափություն, ստատիստիկա, հավանականություն |
| Կարդալու ունակություններ | 501 | 70 | Բառապաշար, տեքստային հարցեր, նախադասության լրացում |
Թեստի անցկացման վայրը, ժամանակը
[խմբագրել | խմբագրել կոդը]SAT Reasoning Test-ը ողջ աշխարհում անցկացվում է ամսական 1 անգամ բոլոր ամիսներին՝ բացառությամբ հուլիս, օգոստոս և սեպտեմբեր ամիսների։ Հայաստանում SAT Reasoning Test հնարավոր է հանձնել միայն Հայաստանի ամերիկյան համալսարանում։
| Անցկացման օրը | Գրանցման վերջնաժամեկտը |
|---|---|
| Հոկտեմբերի 5 | Սեպտեմբերի 6 |
| Նոյեմբերի 2 | Հոկտեմբերի 3 |
| Դեկտեմբերի 7 | Նոյեմբերի 8 |
| Հունվարի 25 | Դեկտեմբերի 27 |
| Մարտի 8 | Փետրվարի 7 |
| Մայիսի 3 | Ապրիլի 4 |
| Հունիսի 7 | Մայիսի 9 |
Ծանոթագրություններ
[խմբագրել | խմբագրել կոդը]- ↑ «National Report: 2007 College-Bound Seniors: Total Group Profile Report» (PDF). The College Board. 2007. էջ 3. Արխիվացված (PDF) օրիգինալից 2012 թ․ մայիսի 7-ին. Վերցված է 2008 թ․ սեպտեմբերի 14–ին-ին.