Վոդնյան
Բնակավայր | |||
---|---|---|---|
Վոդնյան | |||
խորվ.՝ Vodnjan | |||
| |||
Երկիր | ![]() | ||
Համայնք | Իստրիա | ||
Առաջին հիշատակում | 932 | ||
Մակերես | 101 կմ², 42,9 կմ² | ||
ԲԾՄ | 135 մետր | ||
Բնակչություն | ▲5838 մարդ (օգոստոսի 31, 2021)[1] | ||
Ժամային գոտի | UTC+1 | ||
Հեռախոսային կոդ | 052 | ||
Փոստային դասիչ | 52215[2] | ||
Պաշտոնական կայք | vodnjan.hr | ||
| |||
Վոդնյան[3] (խորվ.՝ Vodnjan, իտալ.՝ Dignano), քաղաք Խորվաթիայում, Իստրիա թերակղզու հարավարևմտյան մասում։ Բնակչությունը՝ 3 406 մարդ (2001 թվականին)։
Ընդհանուր տեղեկություն
[խմբագրել | խմբագրել կոդը]Վոդնյանը գտնվում է Իստրիայի հարավ-արևմուտքում, Պուլայից 10 կիլոմետր հյուսիս և 5 կմ հեռավորության վրա ծովափնյա Ֆաժանա քաղաքից։
Քաղաքը կանգնած է Պուլան Ռիեկայի, Տրիեստի և Սլովենիայի ափերի հետ կապող մայրուղու վրա։
Քաղաքը, ինչպես ամբողջ խորվաթական Իստրիան, բազմազգ է և ավանդաբար շատ հանդուրժող է տարբեր մշակույթների նկատմամբ։ Վոդնյանի շրջանն ունի երկու պաշտոնական լեզու, իտալերենը հավասար է խորվաթերենին։ 2001 թվականի մարդահամարի համաձայն՝ քաղաքի բնակչության 56%-ը եղել են խորվաթներ, 20%-ը՝ իտալացիներ, 3,5%-ը՝ գնչուներ, և 3%-ը՝ սերբեր և բոսնիացիներ։
Վոդնյանը Իստրիայի երկու քաղաքներից մեկն է (Ռովինի հետ միասին), որտեղ դեռևս կենդանի են վտանգված իստրո-ռոմաներեն կամ իստրիոտական լեզվի խոսողները, որով ժամանակին խոսում էին թերակղզու գրեթե ողջ հարավ-արևմուտքում։ Իստրո-ռոմանական լեզվի բարբառը, որը տարածված է Վոդնյանում, կոչվում է Դինյան՝ քաղաքի իտալական անունով։ Իստրիոտական լեզվի ինքնանունը Վոդնյանում Բումբարո է։
Զբոսաշրջությունը բերում է քաղաքի եկամտի մեծ մասը։ Բացի զբոսաշրջային ծառայություններից, բնակչությունը զբաղված է գյուղատնտեսության (խաղողագործություն և ձիթապտղի մշակություն) և սննդի արդյունաբերության մեջ։
Պատմություն
[խմբագրել | խմբագրել կոդը]Հռոմեական ժամանակներում Վոդնյանի տեղում էր Վիկուս Ատտինիանումը։ Վոդնյանի մասին առաջին գրավոր հիշատակումը վերաբերում է 932 թվականին, նա հիշատակվում է իստրիական քաղաքների ցանկում, որոնք հարգանքի տուրք են մատուցել Վենետիկի դոժ Պիետրո 2-րդ Կանդիանոյին։
Միջնադարյան ժամանակաշրջանում ձևավորվել է հին քաղաք՝ պատմության համար բնորոշ ճարտարապետությամբ և դիրքով։
Տես նաև Իստրիայի պատմություն։
Տեսարժան վայրեր
[խմբագրել | խմբագրել կոդը]- Մայր տաճար Սբ. Բլաժան քաղաքի տաճարն է, որը կառուցվել է 1800 թվականին բարոկկո ոճով, որտեղ պահվում են գեղանկարչության և քանդակի բազմաթիվ գլուխգործոցներ։
- Ժողովրդական հրապարակը քաղաքի կենտրոնական հրապարակն է, այն շրջապատված է 4 հնագույն շինություններով՝ նեոգոթական քաղաքապետարան, Բենուսի տուն, Բեմբո տուն, Բրադամանտե պալատ։
- Եկեղեցի Սբ. Յակոբ՝ կառուցվել է 1212 թվականին
- Եկեղեցի Սբ. Ֆոչկի՝ կառուցվել է 8-9-րդ դարերում, կրոնական ուխտագնացության օբյեկտ։
- Եկեղեցի Սբ. Կիրինա՝ թվագրվում է 6-րդ դարով, քաղաքի ամենահին շենքը։
Ծանոթագրություններ
[խմբագրել | խմբագրել կոդը]- ↑ Popis stanovništva, kućanstava i stanova 2021. – stanovništvo prema starosti i spolu po naseljima, 2021 Croatian census: population data by age, sex, settlement — Croatian Bureau of Statistics, 2022.
- ↑ List of Croatian settlements and delivery post offices — 2022.
- ↑ Արտասահմանյան երկրների աշխարհագրական անվանումների բառարան / խմբ․ Ա․ Մ․ Կոմիկով. — 3֊րդ հրատարակություն. — Մոսկվա: Նեդրա, 1986. — С. 79.
Արտաքին հղումներ
[խմբագրել | խմբագրել կոդը]![]() | Վիքիպահեստն ունի նյութեր, որոնք վերաբերում են «Վոդնյան» հոդվածին։ |
|