Վարիս Դիրիե
| Վարիս Դիրիե | |
|---|---|
 | |
| Ծննդյան թիվ՝ | հոկտեմբերի 21, 1965[1][2][3][…] (59 տարեկան) |
| Ծննդավայր՝ | Գալկայո, Մուդուգ, Սոմալի |
| Քաղաքացիություն՝ |  Սոմալի Ավստրիա |
| Մասնագիտություն՝ | մոդել, վիպասան, գրող, ինքնակենսագիր, կանանց իրավունքների պաշտպան, կինոդերասանուհի, Բարի կամքի դեսպան, դերասանուհի և հումանիստ |
| Պարգևներ՝ | |
| IMDb։ | ID 0909909 |
Վարիս Դիրիե (գերմ.՝ Waris Dirie, արաբ․՝ واريس ديري, հոկտեմբերի 21, 1965[1][2][3][…], Գալկայո, Մուդուգ, Սոմալի), սոմալիական ծագմամբ գրող, ֆոտոմոդել և հասարակական գործիչ, 2005 թվականից՝ Ավստրիայի քաղաքացի։
Վաղ տարիներ
[խմբագրել | խմբագրել կոդը]Վարիս Դիրիեն ծնվել է Սոմալիի գաալկացյո քոչվոր ցեղի տոհմերից մեկում 1965 թվականին[5]։ 3 տարեկանում նա ենթարկվել է կանացի թլպատման արարողության, իսկ 13 տարեկանում նա փախել է ընտանիքից, որպեսզի խուսափի իրենից տարիքով բավականին մեծ տղամարդու հետ ամուսնությունից։ Նա տեղափոխվել է Լոնդոն, Անգլիա, որտեղ ապրել և աշխատել է իր հարուստ ազգականների մոտ։ Հետագայում Վարիսն աշխատել է տեղի McDonald's-ում[6]։
Գործունեություն
[խմբագրել | խմբագրել կոդը]Վարիսին պատահաբար հայտնաբերել է լուսանկարիչ Թերենս Դոնովանը։ Վարիսի գործունեությունը սրընթաց զարգացել է։ Նրան իրենց գովազդներում նկարահանել են Chanel, Levi’s, L'Oréal և Revlon ընկերությունները։
1987 թվականին Վարիսը խաղացել է Ջեյմս Բոնդի մասին պատմող «Կայծեր աչքերից» ֆիլմում։
1997 թվականին մոդելային գործենության բարձունքում Վարիսը «Marie Claire» ամսագրին տված հարցազրույցում առաջին անգամ պատմել է կանացի թլպատման մասին, ինչի միջով անցել էր մանուկ հասակում։ Այդ նույն տարում Վարիսը դարձել է ՄԱԿ-ի բարի կամքի դեսպան ընդդեմ կանացի թլպատման։
1998 թվականին Վարիսը գրել է իր առաջին գիրքը՝ «Անապատի ծաղիկը», ինքնակենսագրություն, որը դարձել է բեսթսելլեր[6]։
2009 թվականին թողարկվել է ֆիլմ, որի հիմքում նրա «Անապատի ծաղիկը» գիրքն էր։
Հումանիտար աշխատանք
[խմբագրել | խմբագրել կոդը]1997 թվականին Վարիսը թողել է մոդելի աշխատանքը, որպեսզի կենտրոնանա կանացի թլպատման դեմ աշխատանքների վրա։ Այդ նույն տարում նա ընտրվել է ՄԱԿ-ի բարի կամքի դեսպան կանացի թլպատման արգելքի համար[7][8]։ 2002 թվականին նա Վիեննայում ձևավորել է Վարիս Դիրիեի ֆոնդը. կազմակերպություն, որը կոչված էր ուշադրություն գրավել կանացի թլպատման հետ կապված վտանգների հանդեպ։
Գրքեր և ֆիլմեր
[խմբագրել | խմբագրել կոդը]Գրքեր
[խմբագրել | խմբագրել կոդը]- «Անապատի ծաղիկը»
- «Լուսաբացն անապատում»
- «Անապատի երեխաները»
- «Նամակ իմ մորը»
- «Քոչվորների դուստրը»
- «Սաֆա»
Ֆիլմեր
[խմբագրել | խմբագրել կոդը]- «Կայծեր աչքերից» (1987)
- «Անապատի ծաղիկը» (2009)
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ 2,0 2,1 Encyclopædia Britannica
- ↑ 3,0 3,1 filmportal.de — 2005.
- ↑ https://www.deutsche-afrika-stiftung.de/deutscher-afrika-preis/waris-dirie/
- ↑ «Babor — Waris Dirie profile». Արխիվացված է օրիգինալից 2011 թ․ հուլիսի 7-ին. Վերցված է 2018 թ․ հունիսի 17-ին.
- ↑ 6,0 6,1 Somalia’s Desert Flower Արխիվացված 2008-04-22 Wayback Machine Time Magazine July 7th, 2002
- ↑ Messengers of Peace and Goodwill Ambassadors at the United Nations
- ↑ UNFPA Goodwill ambassador, Waris Dirie, wins award UNFPA — United Nations Population Fund April 17th, 2001
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Վարիս Դիրիե» հոդվածին։ |
| ||||||||||||||||||||||||
- Հոկտեմբերի 21 ծնունդներ
- 1965 ծնունդներ
- Ապրող անձինք
- Անձինք այբբենական կարգով
- Կինոգործիչներ այբբենական կարգով
- Մոդելներ այբբենական կարգով
- Ֆոտոմոդելներ
- 20-րդ դարի կին գրողներ
- Ավստրիացի մոդելներ
- Ավստրիացի կինոդերասանուհիներ
- Սոմալեցի գրողներ
- ՄԱԿ-ի պաշտոնյաներ
- Ավստրիացի ֆեմինիստներ
- ՅՈՒՆԵՍԿՕ-ի բարի կամքի դեսպաններ
- 21-րդ դարի կին գրողներ
- Կանանց իրավունքների իրավապաշտպաններ
- Պատվո լեգեոնի շքանշանի ասպետներ
- Ավստրիացի կին գրողներ
- Ավստրիացի վիպասաններ