Վանեսա Լաշե
 անգլ.՝ Vanessa Lachey | |
|---|---|
_(cropped).jpg) | |
| Ծնվել է | նոյեմբերի 9, 1980[1] (44 տարեկան) |
| Ծննդավայր | Անխելես, Կենտրոնական Լուսոն, Ֆիլիպիններ |
| Կրթություն | Bishop England High School |
| Քաղաքացիություն |  ԱՄՆ |
| Մասնագիտություն | դերասանուհի, հեռուստահաղորդավարուհի, գեղեցկության մրցույթի մասնակից, մոդել, կինոդերասանուհի և հեռուստատեսային դերասանուհի |
| Ամուսին(ներ) | Նիկ Լաշե |
Վանեսա Ջոյ Լաշե (անգլ.՝ Vanessa Joy Lachey), ծնված Մինիլո (անգլ.՝ Minnillo, նոյեմբերի 9, 1980[1], Անխելես, Կենտրոնական Լուսոն, Ֆիլիպիններ), ամերիկացի հեռուստահաղորդավարուհի, մոդել և դերասանուհի, նախկին Miss Teen USA, Նյու Յորքի Entertainment Tonight-ի թղթակից և MTV-ի «Total Request Live»-ի հաղորդավար։
Կենսագրություն
[խմբագրել | խմբագրել կոդը]Մանկական տարիներ
[խմբագրել | խմբագրել կոդը]Վանեսա Մինիլոն ծնվել է Ֆիլիպինների Քլարկ ավիաբազայում։ Նրա հայրը՝ ռազմական օդաչու Վինս Մինիլոն, ծնվել է Օհայո նահանգի Քլիվլենդ քաղաքում, իսկ մայրը՝ Հելեն Բերսերոն, Ֆիլիպինների Մանիլա քաղաքում։ Վենեսան ունի ողբայր՝ Վինսենտը[2], որը նրանից երկու տարով մեծ է։ Հոր մասնագիտության պատճառով ընտանիքը ստիպված էր հաճախ տեղից տեղ տեղափոխվել։ Նրանք ապրել են Կալիֆոռնիայում, Նևադայում, Ֆլորիդայում, Գերմանիայում և Ճապոնիայում։ Այս պատճառով Վանեսան հաճախ սովորել է տարբեր դպրոցներում (փոխել է ընդամենը յոթ դպրոց)։
1986 թվականին Վանեսայի ծնողները բաժանվել են։ Վանեսան եղբոր հետ մնացել է մոր հետ, որը շուտով երկրորդ անգամ ամուսնացել է, և նրանք տեղափոխվել են ապրելու Թուրքիա։ 1990 թվականին՝ Իրաք-քուվեյթյան պատերազմից հետո, մայրը երեխաներին ուղարկել է հոր մոտ՝ ԱՄՆ։ Նրանք հաստատվել են Հարավային Կարոլինայի Չարլսթոն քաղաքում, որտեղ Վանեսան ավարտել է դպրոցը։
Կարիերա
[խմբագրել | խմբագրել կոդը]1996 թվականից Վանեսան սկսել է մասնակցել գեղեցկության մրցույթներին։ Նա հաղթել է Miss South Carolina Teen USA մրցույթում, իսկ երկու տարի անց՝ 1998 թվականի օգոստոսին 17-ին, Miss Teen USA մրցույթում Հարավային Կարոլինայից դարձել է առաջին հաղթողը։ Նա դարձել է Միսս համահանճար տիտղոսի տիրուհին։
Գեղեցկության մրցույթները նրա ապագա կարիերայում դարձել են մեկնաթռիչքի հրապարակ։ 2003-2007 թվականներին Վանեսան եղել է MTV-ի «Total Request Live»-ի հաղորդավար, իսկ 2005 թվականից՝ «Entertainment Tonight»-ի թղթակից։ Եղել է «Miss Teen USA»-ի հաղորդավար (2004) և «Միսս Տիեզերք»-ի համահաղորդավար (2007)։
MTV-ից և Entertainment Tonight-ից հեռանալուց հետո Վանեսան գովազդել է BONGO ջինսի հավաքածուն[3], նկարահանվել է «Maxim» (2005 թվականի հոկտեմբեր, 2006 թվականի հոկտեմբեր), «Shape» (2007 թվականի մարտ) և «Lucky» (2007 թվականի հուլիս) ամսագրերի շապիկների համար։
2006 թվականի մայիսին «Maxim» ամսագրի Hot 100 ռեյթինգում զբաղեցրել է 15-րդ հորիզոնականը[4]։
Վանեսան նկարահանվել է «Սա է կյանքը», «Քաղաքային տղաներ», «Հանդուգն և գեղեցիկ», «Պայծառատես» և «Միգուցե դա ես եմ» հեռուստասերիալների էպիզոդիկ դերերում։ 2008 թվականին «Ինչպես հանդիպեցի ձեր մայրիկին» կատակերգական սերիալում նա խաղացել է Էշլիի դերը և նկարահանվել է «Անիրական բլոկբաստեր» կատակերգությունում։
2011 թվականին Մինիլոն նկարահանվել է «Հավայի 5.0» դետեկտիվ հեռուստասերիալի մեկ սերիայում՝ խաղալով Սյուզանի դերը։
Անձնական կյանք
[խմբագրել | խմբագրել կոդը]2011 թվականի հուլիսի 15-ից Վանեսան ամուսնացած է երաժիշտ Նիկ Լաշեի հետ, որի հետ մինչ ամուսնությունը հանդիպել է հինգ տարի[5]։ Զույգն ունի երեք երեխա՝ երկու որդի՝ Քեմդեն Ջոն Լաշեն (ծնվ. 12.09.2012)[6][7] ու Ֆենիքս Ռոբերտ Լաշեն (ծնվ. 24.12.2016)[8], և դուստր՝ Բրուկլին Էլիզաբեթ Լաշեն (ծնվ. 05.01.2015)[9]: Նրանց կրտսեր որդին՝ Ֆենիքսը, ծնվել է սահմանված ժամկետից 10 շաբաթ շուտ և իր կյանքի առաջին վեց շաբաթներն անցկացրել է հիվանդանոցում՝ ինտենսիվ թերապիայի բաժանմունքում[10]։
Ֆիլմագրություն
[խմբագրել | խմբագրել կոդը]| Տարի | Անվանում | Բնօրինակ անվանում | Դեր | |
|---|---|---|---|---|
| 2001 | ս | Սա է կյանքը | That's Life | Չարլիդեր |
| 2001 | ս | Քաղաքային տղաներ | City Guys | կրքոտ աղջիկ |
| 2001 | ս | Հանդուգն և գեղեցիկ | The Bold and the Beautiful | Ամանդա Վեկսլեր |
| 2002 | ս | Միգուցե դա ես եմ | Maybe It's Me | ուսանողուհի |
| 2007 | ֆ | Ֆանտաստիկ քառյակը։ Արծաթե ալեսահորդի ներխուժումը | 4: Rise of the Silver Surfer | Ջուլիա Էնջեր, Ջոնիի ընկերը |
| 2008 | ս | Ինչպես հանդիպեցի ձեր մայրիկին | How I Met Your Mother | Էշլի |
| 2008 | ֆ | Անիրական բլոկբաստեր | Disaster Movie | Էմի |
| 2009-2010 | ս | Գեղեցկությունը հակառակ | True Beauty | հաղորդավարուհի |
| 2009 | ս | C.S.I.. Հանցագործության վայրը Նյու Յորք | CSI: NY | Գրեյս Չենդլեր |
| 2010 | ս | Պայծառատես | Psych | Ջինա (Մերի Արմսթրոնգ) |
| 2011 | ս | 30 ռոք | 30 Rock | Կարմեն Չաո |
| 2011 | ս | Հավայի 5.0 | Hawaii Five-0 | Սյուզան |
| 2015 | ս | Ճիշտն ասած | Truth Be Told | Թրեյսի |
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ Vanessa Minnillo Biography — Yahoo! Movies
- ↑ Vanessa Flashes Her BONGO — TMZ.com — Entertainment News, Celebrity Gossip and Hollywood Rumors
- ↑ «Vanessa Minnillo of 2006 Hot 100 on Maxim.com». Արխիվացված է օրիգինալից 2010 թ․ հոկտեմբերի 24-ին. Վերցված է 2010 թ․ հոկտեմբերի 16-ին.
- ↑ Garcia, Jennifer. «Nick Lachey & Vanessa Minnillo: Why We Picked Necker Island for Wedding» Արխիվացված 2016-03-03 Wayback Machine, People, July 18, 2011
- ↑ «Nick and Vanessa Lachey Welcome Son Camden John» Արխիվացված 2013-01-25 Wayback Machine. September 12, 2012. People.
- ↑ «Vanessa and Nick Lachey Welcome Baby Boy Camden John». September 12, 2012. E!
- ↑ Quinn, Dave (2016 թ․ դեկտեմբերի 26). «'A Christmas Miracle!' Nick and Vanessa Lachey Welcome Son Phoenix Robert». People Magazine. Վերցված է 2016 թ․ դեկտեմբերի 26-ին.
- ↑ «Nick and Vanessa Lachey Welcome Daughter Brooklyn Elisabeth». Արխիվացված է օրիգինալից 2015 թ․ հունվարի 9-ին. Վերցված է 2015 թ․ հունվարի 7-ին.
- ↑ Nick Lachey Recalls Feelings of 'Vulnerability' and 'Fear' After Welcoming Son 10 Weeks Premature
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Վանեսա Լաշե» հոդվածին։ |
| ||||||||||||||||||
