Ջեյմս Լովել

Ջեյմս Լովել James Lovell
Բնօրինակ անուն ազգանուն	James Lovell
Ի ծնե	James Arthur Lovell, Jr. Ջեյմս Արթուր Լովելլ կրտսեր
Պետություն	ԱՄՆ
Մասնագիտություն	Տիեզերագնաց, օդաչու
Զինվորական կոչում	Կապիտան
Առաքելություն	Ջեմինի-7, Ջեմինի-12, Ապոլոն-8, Ապոլոն-13
Տիեզերքում անցկացրած ժամանակը	29 օր 19 ժամ 03 րոպե
Ծնվել է	1928 մարտի 25
Ծննդավայր	Կլիվլենդ, Օհայո, ԱՄՆ
Ամուսին	Մերիլին Լովել
Պարգևներ

Ջեյմս Արթուր (Ջիմ) Լովել կրտսեր (անգլ.՝ James Arthur "Jim" Lovell, Jr., մարտի 25, 1928(1928-03-25)^[…], Քլիվլենդ, Օհայո, ԱՄՆ), ամերիկացի տիեզերագնաց, օդաչու, ռազմածովային նավատորմի առաջին կարգի կապիտան։ Ավարտել է Վիսկոնսինի համալսարանը Անապոլիսի (Մերիլենդ նահանգ) ռազմածովային ակադեմիան։

«ՆԱՍԱ»-ի տիեզերագնացների խմբում է 1962 թվականից։ 1965 թվականի դեկտեմբերի 4-18-ը Ֆրենք Բորմանի հետ, որպես երկրորդ օդաչու, թռիչք է կատարել «Զեմինի-7» տիեզերանավով։ 1966 թվականի նոյեմբերի 11-15-ը, Բազ Օլդրինի հետ, որպես հրամանատար, թռիչք է կատարել «Ջեմինի-12» տիեզերանավով։ 1968 թվականի դեկտեմբերի 21-27-ը, Բորմանի և Ուիլիամ Անդերսի հետ, որպես հիմնական բլոկի օդաչու, «Ապոլոն-8» տիեզերանավով առաջին թռիչքն է կատարել դեպի Լուսին։ 1970 թվականի ապրիլի 11-17-ը Ջեք Սուայգերտի և Ֆրեդ Հեյսի հետ, որպես հրամանատար, «Ապոլոն-13» տիեզերանավով թռիչք է կատարել դեպի Լուսին։ 1973 թվականին հեռացել է տիեզարագնացի կարիերայից ստանձնել Հյուստոնի ղեկավարվող տիեգերանավերի կենտրոնի գիտության և կիրառական հետազոտությունների բաժնի տնօրենի տեղակալի պաշտոնը։

Լովելի անունով է կոչվում Լուսնի հակառակ երեսի խառնարաններից մեկը։

Արտաքին հղումներ

• Կենսագրությունը «NASA»-ի պաշտոնական կայքում(անգլ.)
• Էջը IMDb.com կայքում(անգլ.)

Վիքիպահեստն ունի նյութեր, որոնք վերաբերում են «Ջեյմս Լովել» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 666)։