Պրժևալսկու ձի

Պրժևալսկու ձի
Պրժևալսկու ձի
Դասակարգում
Թագավորություն	Կենդանիներ (Animalia)
Տիպ/Բաժին	Քորդավորներ (Chordata)
Ենթատիպ	Ողնաշարավորներ (Vertebrata)
Դաս	Կաթնասուն (Mammalia)
Կարգ	Միասմբակավորներ (Perissodactyla)
Ընտանիք	Ձիազգիներ (Equidae)
Ցեղ	Ձիեր (Equus)
Տեսակ	E. ferus
Ենթատեսակ	Պրժևալսկու ձի (E. f. przewalskii)
Միջազգային անվանում
Equus ferus przewalskii Polyakov, 1881
Տարածվածություն և պահպանություն
Հատուկ պահպանության կարգավիճակ՝ Տաքսոնի տարածվածությունը

Պրժևալսկու ձի, ձիերի ընտանիքի միասմբակավոր կենդանի, վայրի ձի։ Հայտնաբերել է ռուս ճանապարհորդ Ն․ Մ․ Պրժևալսկին Կենտրոնական Ասիայում (1879)։ Ընտանի ձիերից տարբերվում է կարճ, կանգնած բաշով ճակատի մազափնջի բացակայությամբ, կարճ պոչով, որի հիմքի մասը ծածկված է կարճ մազերով, խոշոր գըլխով։

Ընդհանուր բնութագիր

Արուների մարմնի երկարությունը մոտ 2,3 մ է, մնդավի բարձրությունը՝ 1,3 մ։ Էգերն ավելի փոքր են։ Մարմնի վերին մասը և կողքերը գորշ կամ կարմրադեղին են, ստորին մասը և դնչի ծայրը՝ ավելի բաց։ Ոտքերը մուգ են։ Մեջքի երկայնքով նեղ, մուգ շերտ է անցնում։ Բաշը և պոչի երկար մազերը սեադարչնագույն են։

Իսկական ձիերի ենթասեռի միակ վայրի տեսակն է։

Տեսակներ

Պահպանվել է կենդանաբանական այգիներում և արգելանոցներում։ Ընտանի ձիերի հետ տրամախաչվում են ու տալիս պտղավետ սերունդ։ Տեսակն ընդգրկված է ԲՄՊՊ Կարմիր գրքում («վտանգված» կարգավիճակում)

Արտաքին հղումներ

Պրժևալսկու ձի - Երևանի կենդանաբանական այգի

Վիքիցեղերն ունի նյութեր, որոնք վերաբերում են «Պրժևալսկու ձի» հոդվածին։

Վիքիպահեստն ունի նյութեր, որոնք վերաբերում են «Պրժևալսկու ձի» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 428)։