Պոլիպներ (հունարեն՝ poly բազմաթիվ + p[us] ոտք + -osis, բառացի՝ բազմաոտ), տարբեր ծագման հյուսվածքային ախտաբանական բարորակ գոյացություններ, որոնք հաճախ առաջանում են լորձաթաղանթների (քթի խոռոչի, արգանդի, ստամոքսի, հաստ և ուղիղ աղիքների, միզապարկի և այլն) վրա։ Պոլիպները լորձաթաղանթների հետ կապված են լայն հիմքով կամ ոտիկով։ Լինում են տարբեր ձևի (սնկաձև, տանձաձև և այլն), մեծության և պնդության։ Պոլիպները կարող են խոցոտվել և արյունահոսության պատճառ դառնալ։ Պոլիպները համարվում են նախաքաղցկեղային վիճակ և ենթակա են հեռացման։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 359)։
Polyps (medicine) Վիքիպահեստում
