Jump to content

Նշան Մունչյան

Վիքիպեդիայից՝ ազատ հանրագիտարանից
Նշան Մունչյան
Անձնական տեղեկություն
Սեռ՝արական
Մասնագիտացում՝բռնցքամարտիկ
Երկիր՝ Հայաստան
Ծննդյան ամսաթիվ՝հունիսի 24, 1963(1963-06-24) (61 տարեկան)
Ծննդավայր՝Երևան, Հայկական ԽՍՀ, ԽՍՀՄ
Հասակ՝158 սանտիմետր[1]
Քաշ՝48 կիլոգրամ[1]
Պարգևներ
ԽՍՀՄ սպորտի վաստակավոր վարպետ

Նշան Առաքելի Մունչյան (հունիսի 24, 1963, Երևան, ՀԽՍՀ), հայ և խորհրդային բռնցքամարտիկ, ԽՍՀՄ քառակի չեմպիոն (1986, 1987, 1989, 1991), Եվրոպայի չեմպիոն (1987), աշխարհի չեմպիոն (1993), աշխարհի գավաթակիր (1994), Բարի կամքի խաղերի հաղթող (1996), Հայաստանի աշխարհի չեմպիոնի կոչումը նվաճած առաջին բռնցքամարտիկն է[2][3], ԽՍՀՄ սպորտի վաստակավոր վարպետ (1989), հանդես է եկել թեթև քաշայինների կարգում։

Կենսագրություն

[խմբագրել | խմբագրել կոդը]

Նշանը 1976 թվականից սկսել է զբաղվել բռնցքամարտով։ Նրա մարզիչը եղել է ԽՍՀՄ վաստակավոր մարզիչ Արմեն Անտոնյանը[4]։ 1986 թվականին Մունչյանը առաջին անգամ դառնում է ԽՍՀՄ չեմպիոն՝ եզրափակիչում հաղթելով խորհրդային լավագույն բռնցքամարտիկ Ալեքսանդր Մախմուտովին։ Նշանը 1986- 1991 թվականներին հանդես է եկել ԽՍՀՄ հավաքականի կազմում, եղել է ԽՍՀՄ քառակի չեմպիոն, Եվրոպայի չեմպիոն։ 1993- 1996 թվականներին հանդես է եկել Հայաստանի հավաքականի կազմում։ 1993 թվականին Մունչյանը մասնակցել է Ֆինլանդիայի Տամպերե քաղաքում տեղի ունեցած բռնցքամարտի աշխարհի առաջնությանը և նվաճել ոսկե մեդալ[5]։ Եզրափակչում հայազգի մարզիկը վստահորեն հաղթանակ է տանում առաջնության գլխավոր ֆավորիտ, 1992 թվականի Բարսելոնայի Օլիմպիական խաղերի արծաթե մեդալակիր բուլղարացի Դանիել Պետրովի նկատմամբ[6]։ Այդ հաղթանակի շնորհիվ Մունչյանը պատմության մեջ մտավ որպես նորանկախ Հայաստանի առաջին աշխարհի չեմպիոն։ 1994 թվականին շահել է աշխարհի գավաթը, 1995 թվականին Բեռլինում ելույթ է ունեցել բռնցքամարտի աշխարհի առաջնությունում, 1996 թվականին մասնակցել է Ատլանտայի օլիմպիական խաղերին։

Մարզական կարիերայի ավարտից հետո, 1997-2007 թվականներին Մունչյանը եղել է Հայաստանի բռնցքամարտի ֆեդերացիայի փոխնախագահը, 1999-2001 թվականներին զբաղեցրել է Հայաստանի ազգային օլիմպիական կոմիտեի գլխավոր քարտուղարի պաշտոնը[7]։ 2007 թվականից Նշան Մունչյանը ապրում և աշխատում է Միացյալ Նահանգներում, նա Լոս Անջելեսի «International Sports Union» մարզական ակումբի բռնցքամարտի գլխավոր մարզիչն է։ 2013 Նշան Մունչյանը իր ծննդյան 50-ամյա հոբելյանի առիթով պարգևատրվել Է Հայաստանի սպորտի և երիտասարդության հարցերի նախարարության, Հայաստանի ազգային օլիմպիական կոմիտեի և Հայաստանի բռնցքամարտի ֆեդերացիայի ոսկե մեդալներով[8]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Olympedia — 2006.
  2. ↑ Նշան Մունչյան` ոսկե անուն
  3. ↑ «Նշան Մունչյան. «Բոլորս պիտի տոկուն լինենք»». Արխիվացված է օրիգինալից 2021 թ․ հոկտեմբերի 29-ին. Վերցված է 2017 թ․ օգոստոսի 23-ին.
  4. ↑ https://sport.news.am/arm/news/22568/ Մահացել է վաստակավոր մարզիչ Արմեն Անտոնյանը]]
  5. ↑ Полные результаты чемпионата мира по боксу 1993(անգլ.)
  6. ↑ WORLD AMATEUR BOXING CHAMPIONSHIPS
  7. ↑ Ֆիզիկական կուլտուրայի հայկական պետական ինստիտուտի նիստերի դահլիճում կայացավ Հայաստանի ազգային օլիմպիական կոմիտեի գլխավոր ասամբլեայի արտահերթ նիստ, Փետրվար 9, 2001
  8. ↑ Նշան Մունչյանը պարգևատրվել է Հայաստանի Սպորտի նախարարության ոսկե մեդալով

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Նշան_Մունչյան&oldid=9938864» էջից