Նյու Քի
| Քաղաք | ||
|---|---|---|
| Նյու Քի | ||
| անգլ.՝ New Quay/վալլիերեն՝ Cei Newydd | ||
 | ||
| Երկիր | .svg){kind=small} Միացյալ Թագավորություն | |
| Համայնք | Ceredigion? | |
| Բնակչություն | 891 մարդ (2021)[1] | |
| Փոստային դասիչ | SA45 | |
| Պաշտոնական կայք | newquay-westwales.co.uk | |
| ||
Նյու Քի (անգլ.՝ New Quay, վալլիերեն՝ Cei Newydd - «Նոր նավահանգիստ»), փոքր ծովափնյա քաղաք է Մեծ Բրիտանիայի Ուելս նահանգի Կերեդիգիոն կոմսությունում, որի բնակչությունը կազմում է մոտ 1200 մարդ։ Գտնվում է Քարդիգանի ծոցի ափին։ Քաղաքն ունի ծովախորշ և մեծ ավազոտ լողափ, ըստ այդմ հանրաճանաչ հանգստավայր է սըրֆինգի և ձկնորսության համար[2]։
Զբոսաշրջիկություն և տեսարժան վայրեր
[խմբագրել | խմբագրել կոդը]Հանգստացողների համար հիմնական գրավչությունն այստեղ գեղատեսիլ նավահանգիստն ու ավազոտ ափն է, ինչպես նաև դելֆիններին տեսնելու հնարավորությունը, որոնք ապրում են Կարդիգանի ծոցում։ Քաղաքում կա ժառանգության և վայրի բնության ծովային կենտրոններ, ինչպես նաև խանութներ և ռեստորաններ։ Նյու Քիից ոչ հեռու գտնվում է Ուելսի ամենամեծ մեղվաբուծարանը, որտեղ կարելի է գնել մեղր, մեդովուխան և մեղրամոմ։ Քաղաքի շրջակայքում կան պարկեր և ավտոկայանատեղեր։
Քարդիգանի ամենամյա ռեգատան անցկացվում է 1870-ական թվականներից ի վեր և այժմ ներառում է նաև ծովափնյա մրցումներ (լող, թիավարում և այլն) և նավակների ու նավերի մրցարշավ[3]։
Զբոսաշրջային բիզնեսից բացի բնակչությունը զբաղվում է ձկնորսությամբ և ձկնարտադրությամբ։
Տեղական միջոցներ
[խմբագրել | խմբագրել կոդը]Բացի խանութներից, բանկերից, ռեստորաններից և պանդոկներից, Նյու Քին ունի մեծ տարրական դպրոց, վիրաբուժության բաժանմունք և փոքրիկ գրադարան։
Քաղաքն ունի նաև հրշեջ կայան և RNLI կայան՝ երկու փրկարար նավով[4]։
Հասարակական տրանսպորտը կանոնավոր կապեր է ապահովում Աբերայրոնի, Քարդիգանի և Աբերիստուիտի հետ։
Պատկերասրահ
[խմբագրել | խմբագրել կոդը]
.jpg)
Կապեր Դիլան Թոմասի հետ
[խմբագրել | խմբագրել կոդը]Նյու Քին Ուելսի այն եզակի վայրերից մեկն է, որը կապված է գրող Դիլան Թոմասի հետ, որն այստեղ ապրել էր 1944-ի սեպտեմբերից մինչև 1945-ի մայիսը[5]։ Ըստ այդմ, քաղաքը համարվում է Llareggub գյուղի նախատիպը, որը նշվում է Թոմասի «Կաթնային անտառի ստվերի տակ» արձակում[6]։
«Արգելված սեր» ֆիլմի մեծ մասը նկարահանվել է Նյու Քիի շրջակայքում։ Ֆիլմը պատմում է Դիլան Թոմասի, նրա կնոջ՝ Քեյթլին Մակնամարայի և նրանց ընկերների՝ Կիլիկովներ ամուսնական զույգի մասին[7]։
Ծանոթագրություններ
[խմբագրել | խմբագրել կոդը]- ↑ Parish Profiles // 2021 United Kingdom census — Office for National Statistics.
- ↑ New Quay, West Wales on beautiful Cardigan Bay — Holiday Cottages, Caravans, Wildlife, Walks, History, Pubs, Restaurants and local Services(չաշխատող հղում)
- ↑ «Cardigan Bay Regatta in its 126th year». New Quay Yacht Club. Արխիվացված է օրիգինալից 2012 թ․ ապրիլի 23-ին. Վերցված է 2008 թ․ փետրվարի 4-ին.
- ↑ «New Quay Fleet». RNLI. Արխիվացված է օրիգինալից 2012 թ․ ապրիլի 23-ին. Վերցված է 2010 թ․ ապրիլի 18-ին.
- ↑ BBC Wales — Arts — Dylan Thomas — New Quay
- ↑ See pp285-313 in D N Thomas (2004)Dylan Remembered 1935-53, vol 2, Seren, as well as published articles collected at http://undermilkwood.webs.com Արխիվացված 2021-02-27 Wayback Machine
- ↑ The Edge of Love (2008) — Filming locations
 | Վիքիպահեստն ունի նյութեր, որոնք վերաբերում են «Նյու Քի» հոդվածին։ |
|
