Նադիա Կալվինյո
| Նադիա Կալվինյո իսպ.՝ Nadia Calviño | |
| |
| Կուսակցություն՝ | անկախ քաղաքական գործիչ |
|---|---|
| Կրթություն՝ | Մադրիդի Կոմպլուտենսե համալսարան (1991)[1] և Հեռակա կրթության ազգային համալսարան (2001)[1] |
| Մասնագիտություն՝ | տնտեսագետ և քաղաքական գործիչ |
| Ծննդյան օր | հոկտեմբերի 3, 1968 (56 տարեկան) |
| Ծննդավայր | Լա Կորունյա, Գալիսիա, Իսպանիա |
| Քաղաքացիություն |  Իսպանիա
|
| Ի ծնե անուն | իսպ.՝ Nadia María Calviño Santamaría |
| Հայր | José María Calviño? |
| Պարգևներ |
 |
Նադիա Մարիա Կալվինյո Սանտամարիա (իսպ.՝ Nadia María Calviño Santamaría, հոկտեմբերի 3, 1968, Լա Կորունյա, Գալիսիա, Իսպանիա), իսպանացի պետական և քաղաքական գործիչ, տնտեսագետ։ 2020 թվականի հունվարի 13-ից Սանչեսի երկրորդ կաբինետում զբաղեցրել է Իսպանիայի կառավարության նախագահի երրորդ տեղակալի և Իսպանիայի տնտեսական և թվային բարեփոխումների նախարարի պաշտոնը։ Նախկինում՝ Եվրամիության պաշտոնյա։ 2014 թվականից Եվրոպական հանձնաժողովում զբաղեցրել է բյուջեի գծով գլխավոր տնօրենի պաշտոնը[2]։ 2018 թվականից մինչև 2020 թվականը Սանչեսի կաբինետում զբաղեցրել է ձեռնարկատիրության և տնտեսության նախարարի պաշտոնը։
Կենսագրություն
[խմբագրել | խմբագրել կոդը]Նադիա Մարիա Կալվինյո Սանտամարիան ծնվել է 1968 թվականի հոկտեմբերի 3-ին Իսպանիայում՝ փաստաբան Խոսե Մարիա Կալվինյոյի՝ Radio Televisión Española պետական ընկերության 1982-1986 թվականների գլխավոր տնօրենի ընտանիքում։ 1991 թվականին ավարտել է Մադրիդի Կոմպլուտենսեի համալսարանի տնտեսական ֆակուլտետը, 2001 թվականին՝ Հեռավար կրթության ազգային համալսարանի իրավագիտության ֆակուլտետը։ Աշխատել է մրցակցության ազգային հանձնաժողովի գլխավոր տնօրեն։
Ավելի քան մեկ տասնամյակ աշխատելով Իսպանիայի տնտեսության նախարարությունում՝ 2006 թվականին աշխատանքի է անցել Եվրոպական հանձնաժողովում, որտեղ զբաղեցրել է մրցակցության գծով գլխավոր տնօրենի տեղակալի և գլխավոր տնօրինության ներքին շուկայի գծով տնօրենի տեղակալի, ինչպես նաև ֆինանսական ծառայությունների բաժնի գլխավոր տնօրենի տեղակալի պաշտոնները։ 2014 թվականից զբաղեցրել է եվրոպական հանձնակատար Գյունտեր Էթինգերի բյուջեին կից թվային տնտեսության հարցերով գլխավոր տնօրենի պաշտոնը։ Կալվինյոն նաև դասախոսական գործունեություն է ծավալել Կոմպլուտենսեի համալսարանում։
Տիրապետում է անգլերենի, ֆրանսերենի, գերմաներենի, գալիսերենի և իսպաներենի։ Չորս երեխաների մայր է։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Նադիա Կալվինյո» հոդվածին։ |
| ||||||
