Մորեն

Մորեն (ֆրանս․ moraine), սառցադաշտի տեղափոխած կամ կուտակած չտեսակավորված։ Տարբերում են շարժվող կամ շարժուն և նստվածքային մորեններ։ Շարժվող մորենները լինում են մակերևութային, ներքին և հատակային։ Մակերևութային մորենը գոյանում է հովտի ժայռոտ լանջերից սառցադաշտի մակերևույթին թափված բեկորային նյութից, ներքին մորեն՝ ձնահյուսերի հետ թափված, սառցի մեջ խրված բեկորներից, ինչպես նաև մակերևութային ու հատակային մորեններից։ Հատակային մորենը հատակից պոկված բեկորային նյութ է՝ պարփակված սառցի մերձհատակային շերտերում։ Նստվածքային մորենը բաղկացած է սառցադաշտի նահանջից մնացած բոլոր տեսակի շարժուն մորենների բեկորային նյութից և մեծ տարածում ունի անթրոպոգենում մայրցամաքային սառույցներով ծածկված շրջաններում։ Երբեմն տարբերում են տեղական (լոկալ) մորեն՝ առաջացած սառցադաշտի տակի արմատական ապարների խառնված, տրորված և ոչ մեծ տարածության վրա տեղափոխված նյութից։ Մորենը առաջացնում է բլրամորենային ռելիեֆ։

• 
• 
• 
• 
• 
• 
• 
• 

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 53)։